یُوحنّا 6:44 - کِتاب مُقدّس سرائیکی ترجمہ

⁴⁴ میڈے کولھ کوئی نئیں آ سگدا جئیں تئیں باپ جئیں میکُوں بھیجیا ہے اُونکُوں چھیک نہ گِھنے، تے مَیں اُونکُوں قیامت آلے ڈینہہ ولا زندہ کریساں۔

یُوحنّا 6:44 Referans Kwoze

یُوحنّا 6:65

وَل اُوں آکھیا، ”اِیں واسطے مَیں تُہاکُوں آکھیا ہا جو کوئی میڈے کولھ نئیں آ سگدا جئیں تئیں باپ اُونکُوں توفیق نہ بخشے۔“

یُوحنّا 12:32

تے جِیں ویلے مَیں زمین کنُوں اُتے چڑھایا ویساں تاں ساریاں کُوں آپنڑے کولھ چھیک گِھنساں۔“

متّی 16:17

یسُوع جواب ءچ اُونکُوں آکھیا، ”شمعون بِن یُوناہ، تُوں مُبارک ہیں کیوں جو ایہ گالھ اِنسان نئیں بلکہ میڈے اسمانی باپ تَیں اُتے ظاہر کیتی ہے۔

یُوحنّا 6:45

نبیاں دے صحیفیاں ءچ ایہ لِکھیا ہے جو ’او سبھ خُدا کنُوں تعلیم گِھنسن۔‘ جئیں کہیں باپ تُوں سُنڑیا تے سِکھیا ہے، او میڈے کولھ آندے۔

یُوحنّا 5:44

تُساں ہِک ڈُوجھے کنُوں عزت چاہندے ہیوے، تے جیہڑی عزت خُدائے واحد دی طرفوں مِلدی ہے اُونکُوں حاصل کرݨ نئیں چاہندے۔ تُساں کِینویں اِیمان گِھن آ سگدے ہیوے؟

کلُسِّیوں 2:12

جِیں ویلے تُساں بپتسمہ گِھدا تاں تُساں مسیح دے نال دفن تھی گئے، تے تُساں اُوندے نال زندہ وی کیتے گئے کیوں جو تُساں خُدا دی قُدرت اُتے اِیمان گِھن آئے جئیں مسیح کُوں مُردیاں ءچوں زندہ کیتا۔

فِلِپّیوں 1:29

کیوں جو تُہاڈے اُتے نہ صرف مسیح اُتے اِیمان گِھن آوݨ دا فضل تھئے بلکہ اُوندی خاطر ڈُکھ سہوݨ دا وی۔

یُوحنّا 8:43

تُساں میڈے گالھیں کیوں نئیں سمجھدے؟ اِیں واسطے جو میڈا کلام سُنڑ نئیں سگدے۔

متّی 12:34

نانگ دے بالو! تُساں بُرے تھی تے کِینویں چنگے گالھیں آکھ سگدے ہیوے؟ کیوں جو جیہڑا دل ءچ ہوندے اُوہو زبان اُتے آندے۔

یُوحنّا 6:43

یسُوع جواب ءچ اُنہاں کُوں آکھیا، ”آپس ءچ بُڑبُڑ نہ کرو۔