یُوحنّا 6:30 - کِتاب مُقدّس سرائیکی ترجمہ

³⁰ بس اُنہاں اُوں کنُوں پُچھیا، ”وَل تُساں کیہڑا معجزہ ڈکھیسو جِینکُوں ڈیکھ تے اساں تُہاڈے اُتے اِیمان گِھن آؤں؟ تُساں کیہڑا کم کریسو؟

یُوحنّا 6:30 Referans Kwoze

یُوحنّا 12:37

بھانویں اُوں اِتی سارے معجزے اُنہاں دے سامنڑے کیتے ہَن، وَل وی او اُوندے اُتے اِیمان نہ گِھن آئے۔

1کُرِنتھِیوں 1:22

یہُودی نشان منگدے ہِن تے یُونانی دُنیاوی حِکمت گولھیندے ہِن۔

یُوحنّا 10:38

پر جے مَیں کریندا ہاں تاں بھانویں میڈا یقین نہ کرو پر اُنہاں کماں دا یقین تاں کرو، تاں جو جاݨ گِھنو تے سمجھ گِھنو جو باپ میڈے ءچ ہے تے مَیں باپ ءچ۔“

یُوحنّا 6:36

پر مَیں تُہاکُوں آکھیا جو تُساں میکُوں ڈیکھ گِھدا ہے وَل وی اِیمان نئیں گِھن آندے۔

یُوحنّا 2:18

بس یہُودیاں جواب ءچ اُونکُوں آکھیا، ”اِنہاں کماں دے دفاع ءچ تُوں ساکُوں کیہڑا معجزہ ڈِکھا سگدیں؟“

عبرانیوں 2:4

نال ای خُدا آپنڑی مرضی دے مطابق نشاناں، عجیب کماں، قِسم قِسم دے معجزیاں تے رُوح القُدس دیاں ونڈیاں ہوئیاں نعمتاں دے ذریعے خود وی اُوندی گواہی ڈیندا ریہا۔

اعمال 4:30

تے تُوں آپنڑی قُدرت دا اِظہار کر تاں جو تیڈے قدُّوس خادم یسُوع دے ناں نال شِفا، معجزے تے عجیب کم تھیوݨ۔“

مرقس 15:32

اِسرائیل دے بادشاہ، المسیح، ہُنڑ صلیب تُوں لہہ آ تاں جو اساں ڈیکھ تے اِیمان گِھن آؤں۔“ تے جیہڑے اُوندے نال مصلُوب تھئے ہَن او وی اُونکُوں لعن طعن کریندے ہَن۔

مرقس 8:11

وَل فریسی آ تے اُوندے نال تکرار کرݨ لگے، تے اُونکُوں ازماوݨ کیتے اُوں کنُوں کوئی اسمانی نشان منگیا۔

یُوحنّا 4:8

کیوں جو اُوندے شاگرد کھانڑا مُل گِھننڑ شہر گئے ہَن۔

یُوحنّا 6:2

ہِک وڈی بِھیڑ اُوندے پِچُھوں تھی پئی کیوں جو جیہڑے معجزے او بیماراں کیتے کریندا ہا او اُنہاں کُوں ڈیدھے ہَن۔

یُوحنّا 6:14

بس لوک یسُوع دا ایہ معجزہ ڈیکھ تے آکھنڑ لگے، ”یقیناً اِیہو او نبی ہے جیہڑا دُنیا ءچ آوݨ آلا ہا۔“