یُوحنّا 6:24 - کِتاب مُقدّس سرائیکی ترجمہ

²⁴ بس جِیں ویلے بِھیڑ ڈِٹھا جو نہ تاں یسُوع اُتھاں ہے، نہ اُوندے شاگرد تاں او خود چھوٹیاں کشتیاں ءچ بہہ تے یسُوع کُوں گولھنڑ کیتے کفرنحُوم آئے۔

یُوحنّا 6:24 Referans Kwoze

یُوحنّا 6:17

تے کشتی ءچ بہہ تے جھیل دے پار کفرنحُوم شہر کیتے روانہ تھی گئے۔ اُوں ویلے اندھارا تھی گِیا ہا تے یسُوع اُنہاں کولھ حالی تئیں نہ آیا ہا،

مرقس 1:37

جِیں ویلے او اُنہاں کُوں مِلیا تاں او آکھنڑ لگے جو ”سارے لوک تُہاکُوں گولھیندے پئے ہِن۔“

یُوحنّا 20:15

یسُوع اُونکُوں آکھیا، ”بی بی! تُوں کیوں روندی ہیں؟ کِینکُوں گولھیندی ہیں؟“ اُوں سمجھیا جو شاید او مالی ہے تاں اُونکُوں آکھیا، ”میاں! جے تُوں اُونکُوں اِتُھوں چا تے تاں میکُوں ڈسا ڈے جو اُونکُوں کِتھاں رکھے تاں جو مَیں اُونکُوں گِھن وَنجاں۔“

یُوحنّا 7:11

بس یہُودی عید ءچ اُونکُوں گولھیندے تے پُچھدے پِھردے ہَن جو ”او کِتھاں ہے؟“

یُوحنّا 6:59

ایہ گالھیں یسُوع کفرنحُوم دے ہِک عبادت خانہ ءچ تعلیم ڈیندے ہوئے آکھیاں۔

یُوحنّا 6:23

وَل کُجھ چھوٹیاں کشتیاں تِبریاس تُوں اُوں جاہ دے نیڑے آئیاں جِتھاں اُنہاں یسُوع مالک دے شُکر کرݨ دے بعد روٹی کھادی ہئی۔

لُوقا 8:40

جِیں ویلے یسُوع واپس آندا پِیا ہا تاں لوک اُونکُوں خوشی نال مِلے کیوں جو سارے اُوندی راہ بَھلیندے ہَن۔

مرقس 6:53

او جھیل پار کر تے گنّیسرت دے علاقے ءچ پُجے تے کشتی کُوں کنارے نال لا ڈِتا۔

متّی 14:34

او جھیل پار کر تے گنّیسرت دے علاقے ءچ پُجے۔

یُوحنّا 6:26

یسُوع جواب ڈِتا، ”مَیں تُہاکُوں سچ آدھا ہاں جو تُساں میکُوں اِیں واسطے نئیں گولھیندے جو میڈے معجزے ڈِٹھے بلکہ اِیں واسطے جو تُہاکُوں پیٹ بھر تے کھاوݨ کُوں روٹیاں مِلیا ہَن۔