یُوحنّا 6:15 - کِتاب مُقدّس سرائیکی ترجمہ

¹⁵ بس یسُوع ایہ معلوم کر تے جو او میکُوں زبردستی پکڑ تے بادشاہ بنڑاوݨ چاہندے ہِن، وَل کلھا پہاڑ دو روانہ تھی گِیا۔

یُوحنّا 6:15 Referans Kwoze

یُوحنّا 18:36

یسُوع جواب ڈِتا، ”میڈی بادشاہی اِیں دُنیا دی نئیں۔ جے میڈی بادشاہی اِیں دُنیا دی ہوندی تاں میڈے خادم لڑدے، تاں جو مَیں یہُودیاں دے حوالہ نہ کیتا ویندا، پر میڈی بادشاہی اِتُھوں دی نئیں۔“

لُوقا 19:38

جو ”مُبارک ہے او بادشاہ جیہڑا رب العالمین دے ناں کنُوں آندا ہے۔ اسمان اُتے صُلح تے سبھ تُوں اُچے اسمان اُتے خُدا دا جلال!“

مرقس 11:9

جیہڑے اُوندے اگُوں پِچُھوں ٹُردے پئے ہَن، نعرے مریندے ویندے ہَن جو ”ہوشعنا! مُبارک ہے او جیہڑا رب العالمین دے ناں کنُوں آندے۔

عبرانیوں 4:13

کائنات دی کوئی چیز خُدا دی نظر کنُوں لُکی ہوئی نئیں، بلکہ جیندے حضُور ءچ ساکُوں جواب ڈیونڑے، اُوندی نظر ءچ ہر چیز بے نقاب تے ظاہر ہے۔

یُوحنّا 5:41

مَیں اِنساناں کنُوں عزت نئیں چاہندا

یُوحنّا 6:3

وَل یسُوع پہاڑ اُتے چڑھ گِیا تے آپنڑے شاگرداں نال اُتھاں بہہ گِیا۔

متّی 5:1

یسُوع اِیں بِھیڑ کُوں ڈیکھ تے پہاڑ اُتے چڑھ گِیا تے جِیں ویلے بہہ گِیا تاں اُوندے شاگرد اُوندے کولھ آئے

یُوحنّا 6:22

ڈُوجھے ڈینہہ اُوں بِھیڑ، جیہڑی جھیل دے پار رہ گئی ہئی ایہ ڈِٹھا جو اِتھاں ہِک کشتی دے علاوہ کوئی بئی چھوٹی کشتی نہ ہئی تے یسُوع آپنڑے شاگرداں نال کشتی اُتے سوار نہ تھیّا ہا بلکہ صرف اُوندے شاگرد چلے گئے ہَن۔