یُوحنّا 6:14 - کِتاب مُقدّس سرائیکی ترجمہ

¹⁴ بس لوک یسُوع دا ایہ معجزہ ڈیکھ تے آکھنڑ لگے، ”یقیناً اِیہو او نبی ہے جیہڑا دُنیا ءچ آوݨ آلا ہا۔“

یُوحنّا 6:14 Referans Kwoze

متّی 21:11

بِھیڑ آکھیا ”ایہ گلیل دے شہر ناصرت دا نبی یسُوع ہے۔“

اعمال 7:37

ایہ اُوہو مُوسیٰ ہے جئیں بنی اِسرائیل کُوں آکھیا جو ’خُدا تُہاڈے بِھرانواں ءچوں تُہاڈے کیتے میڈے وانگُوں ہِک نبی پیدا کریسی۔‘

متّی 11:3

جو ”آوݨ آلے تُساں ای ہیوے یا اساں کہیں بئے دی راہ ڈیکھوں؟“

یُوحنّا 7:40

ایہ گالھیں سُنڑ تے بِھیڑ ءچوں بعض آکھیا، ”بیشک اِیہو او نبی ہے۔“

یُوحنّا 1:21

اُنہاں یُوحنّا کنُوں پُچھیا، ”وَل تُساں کوݨ ہیوے؟ کیا تُساں ایلیّاہ ہیوے؟“ یُوحنّا جواب ڈِتا، ”مَیں نئیں۔“ ”کیا تُساں او نبی ہیوے؟“ یُوحنّا جواب ڈِتا، ”نئیں۔“

یُوحنّا 4:19

عورت اُونکُوں آکھیا، ”مالک! میکُوں لگدے جو تُساں نبی ہیوے۔

یُوحنّا 4:42

اُنہاں اُوں عورت کُوں آکھیا، ”ہُنڑ اساں تیڈے آکھنڑ تے ای اِیمان نئیں گِھن آئے کیوں جو اساں خود سُنڑ گِھدے تے جانڑدے ہیں جو ایہ فی الحقیقت دُنیا دا نجات ڈیوݨ آلا ہے۔“

یُوحنّا 4:25

عورت اُونکُوں آکھیا، ”مَیں جانڑدی ہاں جو المسیح جِینکُوں خرِستُس آدھے ہِن، آوݨ آلا ہے۔ جِیں ویلے او آسی تاں ساکُوں سارے گالھیں ڈسا ڈیسی۔“

لُوقا 24:19

اُوں اُنہاں کُوں آکھیا، ”کیا تھئے؟“ اُنہاں جواب ءچ آکھیا، ”یسُوع ناصری دا واقعہ، جیہڑا آپنڑے کم تے کلام دی وجہ کنُوں خُدا دی نِگاہ ءچ تے سارے لوکاں دے نیڑے قُدرت آلا نبی ہا۔

لُوقا 7:16

وَل سبھ لوکاں اُتے دہشت چھا گئی تے او خُدا دی حمد کر تے آکھنڑ لگے جو ”ساڈے وچال ہِک وڈے نبی دا ظہور تھئے تے خُدا آپنڑے لوکاں اُتے نِگاہ کیتی ہے۔“

یُوحنّا 2:11

ایہ یسُوع دا پہلا معجزہ ہا جیہڑا اُوں گلیل دی وستی قانا ءچ ڈِکھا تے آپنڑاں جلال ظاہر کیتا تے اُوندے شاگرد اُوندے اُتے اِیمان گِھن آئے۔

یُوحنّا 6:2

ہِک وڈی بِھیڑ اُوندے پِچُھوں تھی پئی کیوں جو جیہڑے معجزے او بیماراں کیتے کریندا ہا او اُنہاں کُوں ڈیدھے ہَن۔

یُوحنّا 6:26

یسُوع جواب ڈِتا، ”مَیں تُہاکُوں سچ آدھا ہاں جو تُساں میکُوں اِیں واسطے نئیں گولھیندے جو میڈے معجزے ڈِٹھے بلکہ اِیں واسطے جو تُہاکُوں پیٹ بھر تے کھاوݨ کُوں روٹیاں مِلیا ہَن۔

یُوحنّا 6:30

بس اُنہاں اُوں کنُوں پُچھیا، ”وَل تُساں کیہڑا معجزہ ڈکھیسو جِینکُوں ڈیکھ تے اساں تُہاڈے اُتے اِیمان گِھن آؤں؟ تُساں کیہڑا کم کریسو؟

یُوحنّا 11:27

اُوں اُونکُوں آکھیا، ”ہاں مالک! میڈا اِیمان ہے جو خُدا دا پوتر المسیح جیہڑا دُنیا ءچ آوݨ آلا ہا، تُساں ای ہیوے۔“