یُوحنّا 6:11 - کِتاب مُقدّس سرائیکی ترجمہ

¹¹ یسُوع او روٹیاں گِھدیاں تے خُدا دا شُکر ادا کیتا تے اُنہاں ءچ جیہڑے بیٹھے ہَن وَنڈ ڈِتیاں۔ تے اِینویں ای مچھیاں وی جِتّی جِینکُوں ضرورت ہئی وَنڈ ڈِتیاں۔

یُوحنّا 6:11 Referans Kwoze

یُوحنّا 6:23

وَل کُجھ چھوٹیاں کشتیاں تِبریاس تُوں اُوں جاہ دے نیڑے آئیاں جِتھاں اُنہاں یسُوع مالک دے شُکر کرݨ دے بعد روٹی کھادی ہئی۔

1تھِسّلُنیکیوں 5:18

ہر گالھ ءچ شُکرگزاری کرو کیوں جو مسیح یسُوع ءچ تُہاڈے کیتے خُدا دی اِیہو مرضی ہے۔

رومیوں 14:6

جیہڑا بندہ کہیں ڈینہہ کُوں خاص سمجھ تے منیندے، او اُونکُوں خُدا دی خاطر منیندے۔ تے جیہڑا گوشت کھاندے او خُداوند دی تعظیم ءچ کھاندے کیوں جو او خُدا دا شُکر کریندے۔ تے جیہڑا پرہیز کریندے او وی خُداوند دی تعظیم ءچ پرہیز کریندے تے او وی خُدا دا شُکر کریندے۔

متّی 15:36

تے وَل اُوں سَت روٹیاں تے مچھیاں گِھدیاں تے شُکر کر تے تروڑیاں تے شاگرداں کُوں ڈیندا گِیا تے شاگرد لوکاں کُوں۔

لُوقا 24:30

جِیں ویلے او کھانڑا کھاوݨ کیتے اُنہاں دے نال بیٹھا تاں اُوں روٹی گِھن تے برکت ڈِتی تے تروڑ تے اُنہاں کُوں ڈیوݨ لگا۔

1کُرِنتھِیوں 10:31

بس تُساں بھانویں کھاؤ یا پِیو یا جیہڑا کُجھ کرو، سبھ خُدا دے جلال کیتے کرو۔

اعمال 27:35

ایہ آکھ تے پولُس کُجھ روٹی گِھدی تے ساریاں دے سامنڑے خُدا دا شُکر کیتا تے اُونکُوں تروڑ تے کھاوݨ لگا۔

یُوحنّا 6:9

”اِتھاں ہِک چھوہر ہے جیندے کولھ جَوں دیاں پنج روٹیاں تے ڈُو مچھیاں ہِن، پر اِتی لوکاں ءچ اِنہاں نال کیا تھیسی؟“

یُوحنّا 21:9

جِیں ویلے کنارے اُتے لتھے تاں ڈِٹھا جو کولیاں دی بھاہ ہے تے اُوندے اُتے مچھی رکھی ہوئی تے روٹی ڈِٹھی۔

یُوحنّا 21:10

یسُوع اُنہاں کُوں آکھیا، ”جیہڑیاں مچھیاں تُساں ہُنڑ پکڑیاں ہِن اُنہاں ءچوں کُجھ گِھن آؤ۔“

یُوحنّا 21:13

یسُوع آ تے روٹی گِھدی تے اُنہاں کُوں ڈِتی تے اِینویں ای مچھی وی ڈِتی۔