یُوحنّا 5:39 - کِتاب مُقدّس سرائیکی ترجمہ

³⁹ تُساں خُدا دے کلام ءچ گولھیندے ہیوے کیوں جو سمجھدے ہیوے جو اُوندے ءچ تُہاکُوں ہمیشاں دی زندگی مِلدی ہے۔ ایہ او ہے جیہڑا میڈی گواہی ڈیندے،

یُوحنّا 5:39 Referans Kwoze

لُوقا 24:27

وَل مُوسیٰ کنُوں گِھن تے سارے نبیاں دے گالھیں جیہڑیاں اُوندے حق ءچ لِکھیاں ہوئیاں ہِن، اُنہاں کُوں سمجھا ڈِتیاں۔

لُوقا 24:44

وَل اُوں اُنہاں کُوں آکھیا، ”جِیں ویلے مَیں تُہاڈے نال ہم تاں تُہاکُوں ایہ گالھیں ڈسا ڈِتیاں ہَن جو مُوسیٰ دی توریت، نبیاں دے صحیفیاں تے زبُور ءچ میڈے بارے جیہڑا کُجھ لِکھیا ہے، اُنہاں دا پُورا تھیوݨ ضرور ہے۔“

اعمال 17:11

ایہ لوک تھِسّلُنِیکے دے لوکاں کنُوں زیادہ چنگے ہَن کیوں جو اُنہاں پیغام کُوں بہُوں شوق نال قبول کیتا تے او ہر روز خُدا دے کلام دا مطالعہ کریندے ہَن جو واقعی ایہ گالھیں اِینویں ای ہِن یا نئیں۔

متّی 22:29

یسُوع اُنہاں کُوں جواب ءچ آکھیا، ”تُساں گُمراہ ہیوے اِیں واسطے جو نہ تاں خُدا دے کلام کُوں جانڑدے ہیوے، نہ خُدا دی قُدرت کُوں۔

اعمال 13:27

کیوں جو یروشلیم دے راہنڑ آلیاں تے اُوندے سرداراں یسُوع کُوں نہ سُنجانڑیا تے نہ نبیاں دیاں گالھیں سمجھیاں جیہڑیاں ہر سبت کُوں سُنڑائیاں ویندیاں ہِن۔ اِیں واسطے اُوندے اُتے سزا دا حُکم ڈے تے اُنہاں کُوں پُورا کیتا۔

یُوحنّا 5:46

کیوں جو جے تُساں مُوسیٰ دا یقین کریندے تاں میڈا وی کریندے، اِیں واسطے جو اُوں میڈے بارے ءچ لِکھیا ہے۔

رومیوں 3:2

ہر لحاظ نال بہُوں سارا ہے۔ خاص طور تے ایہ جو خُدا دا کلام اُنہاں دے سپُرد کیتا گئے۔

مرقس 12:10

کیا تُساں ایہ نوِشتہ وی نئیں پڑھیا جو ’جِیں پتھر کُوں مِستریاں رَد کر ڈِتا اُوہو کونے دے سرے دا پتھر تھی گِیا۔

مُکاشفہ 19:10

وَل مَیں اُونکُوں سجدہ کرݨ کیتے اُوندے پیراں ءچ ڈھے پِیا پر اُوں میکُوں آکھیا، ”خبردار! اِینویں نہ کر۔ مَیں وی تیڈے نال تے تیڈے بِھرانواں نال جیہڑے یسُوع دی گواہی ڈیوݨ اُتے قائم ہِن، خدمت کرݨ آلا ہاں۔ خُدا ای کُوں سجدہ کر کیوں جو یسُوع دی گواہی ڈیوݨ نبُوّت دی رُوح ہے۔“

رومیوں 1:2

اِیں خوشخبری دا وعدہ خُدا بہُوں پہلے کنُوں آپنڑے نبیاں دی معرفت پاک کلام ءچ

اعمال 26:27

اگرِپّا بادشاہ! کیا تُساں نبیاں کُوں منیندے ہیوے؟ مَیں جانڑدا ہاں جو تُساں منیندے ہیوے۔“

یُوحنّا 7:52

اُنہاں جواب ڈِتا، ”کیا تُوں وی گلیل دے علاقے دا ہیں؟ کلام دی تحقیق کر تے ڈیکھ جو گلیل دے علاقے ءچوں کوئی نبی نہ ہوسی۔“

یُوحنّا 5:32

ہِک بِیا ہے جیہڑا میڈی گواہی ڈیندے تے مَیں جانڑدا ہاں جو میڈے بارے ءچ اُوندی گواہی سچی ہے۔

یُوحنّا 5:36

پر میڈے کولھ یُوحنّا دی گواہی کنُوں وڈی گواہی ہے، کیوں جو جیہڑے کم باپ میکُوں کرݨ کیتے ڈِتے یعنی جیہڑے مَیں کریندا ہاں او میڈے گواہ ہِن جو باپ میکُوں بھیجیا ہے۔

لُوقا 16:31

اُوں اُونکُوں آکھیا، ’جے او مُوسیٰ تے نبیاں دی نئیں سُنڑدے تاں جے کوئی مُردیاں ءچوں زندہ تھی ونجے تاں اُوندی وی نہ سُنڑسن‘۔“

عبرانیوں 11:16

پر حقیقت ءچ او ہِک بہتر یعنی اسمانی مُلک دی سِک ءچ ہَن۔ اِیں واسطے خُدا اُنہاں دا خُدا اکھواوݨ تُوں نئیں شرمیندا بلکہ اُوں اُنہاں کیتے ہِک شہر تیار کیتا۔

کلُسِّیوں 3:16

مسیح دے کلام کُوں آپنڑے دِلاں ءچ مکمل طور تے وسنڑ ڈیؤ تے کمال حِکمت دے نال ہِک ڈُوجھے کُوں تعلیم ڈیؤ تے نصیحت کرو۔ تے آپنڑے دِلاں ءچ شُکرگزاری کریندے ہوئے خُدا کیتے زبُور، حمد تے رُوحانی گیت گاؤ۔

لُوقا 16:29

ابرہام اُونکُوں آکھیا، ’اُنہاں دے کولھ مُوسیٰ تے نبی تاں ہِن، اُنہاں دی سُنڑݨ۔‘

یُوحنّا 1:45

فِلپُس، نتن ایل کُوں مِلیا تاں اُونکُوں آکھنڑ لگا جو ”جِیندا ذِکر مُوسیٰ توریت ءچ تے نبیاں صحائف ءچ کیتے، او ساکُوں مِل گِیا ہے۔ او یُوسف دا پوتر یسُوع ناصری ہے۔“

عبرانیوں 11:35

تے عورتاں کُوں آپنڑے مُردے زندہ مِلے۔ کُجھ اُتے تشدد کیتا گِیا، پر اُنہاں رہائی قبول نہ کیتی تاں جو اُنہاں کُوں قیامت ءچ ہِک بہتر زندگی مِلے۔

لُوقا 24:25

یسُوع اُنہاں کُوں آکھیا، ”نادانو تے نبیاں دے سبھ گالھیں کُوں مننڑ ءچ سُست لوکو!

یُوحنّا 5:40

وَل وی تُساں زندگی پاوݨ کیتے میڈے کولھ نئیں آوݨ چاہندے۔

مرقس 10:3

یسُوع جواب ءچ اُنہاں کُوں آکھیا جو ”مُوسیٰ تُہاکُوں کیا حُکم ڈِتے؟“