یُوحنّا 5:37 - کِتاب مُقدّس سرائیکی ترجمہ

³⁷ تے باپ جئیں میکُوں بھیجیا ہے، اُوں خود میڈے حق ءچ گواہی ڈِتی ہے۔ تُساں نہ تاں کڈھائیں اُوندی اواز سُنڑی ہے نہ ای اُوندی شکل ڈِٹھی ہے،

یُوحنّا 5:37 Referans Kwoze

یُوحنّا 8:18

ہِک تاں مَیں خود آپنڑی گواہی ڈیندا ہاں تے ہِک میڈا باپ میڈی گواہی ڈیندے جئیں میکُوں بھیجیا ہے۔“

یُوحنّا 1:18

خُدا کُوں کڈھائیں کہیں نئیں ڈِٹھا پر اِکلوتا پوتر جیہڑا باپ دی گود ءچ ہے، اُوں ای اُونکُوں ظاہر کیتا۔

1 تِیمُتھِیُس 1:17

ہُنڑ ازلی تے ابدی بادشاہ یعنی غیرفانی تے نظر نہ آوݨ آلے واحد خُدا دی عزت تے تعریف ہمیشاں تئیں تھیندی راہوے۔ آمین۔

1 تِیمُتھِیُس 6:16

صرف اُوہو غیر فانی ہے، تے او اُوں نُور ءچ راہندے جِتھاں کوئی پُج نئیں سگدا۔ اُونکُوں کہیں اِنسان نئیں ڈِٹھا تے نہ ڈیکھ سگدے۔ اُوندی عزت تے سلطنت ہمیشاں تئیں قائم راہوے، آمین۔

متّی 3:17

تے اسمان تُوں ایہ اواز آئی جو ”ایہ میڈا پیارا پوتر ہے جیندے کنُوں مَیں بہُوں خوش ہاں۔“

1 یُوحنّا 4:20

جے کوئی آکھے جو ”مَیں خُدا نال محبت رکھیندا ہاں“ پر آپنڑے بِھرا نال دُشمنڑی رکھیندے تاں او کُوڑا ہے۔ جیہڑا آپنڑے بِھرا نال جِینکُوں اُوں ڈِٹھے، محبت نئیں رکھیندا، او خُدا نال کِینویں محبت رکھ سگدے جِینکُوں اُوں نئیں ڈِٹھا؟

1 یُوحنّا 4:12

خُدا کُوں کہیں کڈھائیں نئیں ڈِٹھا پر جے اساں ہِک ڈُوجھے نال محبت رکھیندے ہیں تاں خُدا ساڈے ءچ راہندے تے اُوندی محبت ساڈے ءچ کامِل تھی گئی ہے۔

یُوحنّا 14:9

یسُوع اُونکُوں آکھیا، ”فِلپُس! مَیں اِتی عرصے تُوں تُہاڈے نال ہاں، کیا تُوں میکُوں نئیں جانڑدا؟ جئیں میکُوں ڈِٹھے، اُوں باپ کُوں ڈِٹھے۔ تُوں کیوں آدھیں جو ساکُوں باپ ڈِکھا؟

یُوحنّا 6:27

فانی خوراک کیتے محنت نہ کرو بلکہ اُوندے کیتے جیہڑی ہمیشاں دی زندگی تئیں باقی راہندی ہے جیہڑی اِبنِ آدم تُہاکُوں عطا کریسی۔ کیوں جو خُدا باپ اُونہی اُتے مُہر کیتی ہے۔“

متّی 17:5

او ایہ آدھا ای پِیا ہا جو ڈیکھو ہِک نُورانی بدلی اُنہاں اُتے چھاں کر ڈِتی تے اُوں بدلی ءچوں اواز آئی جو ”ایہ میڈا پیارا پوتر ہے جیندے تُوں مَیں بہُوں خوش ہاں، اِیندی سُنڑو۔“

یُوحنّا 15:24

جے مَیں اُنہاں ءچ او کم نہ کریندا جیہڑے کہیں ڈُوجھے نئیں کیتے تاں او گُنہگار نہ ہوندے پر ہُنڑ اُنہاں ایہ سبھ ڈِٹھا تے وَل وی میڈے تے میڈے باپ ڈوہائیں نال نفرت کیتی ہے۔

مرقس 1:11

تے اسمان کنُوں ایہ اواز آئی جو ”تُوں میڈا پیارا پوتر ہیں، مَیں تَیں کنُوں بہُوں خوش ہاں۔“

لُوقا 3:22

تے رُوح القُدس جِسمانی صورت ءچ کبوتر وانگُوں اُوندے اُتے نازل تھیّا تے اسمان کنُوں اواز آئی جو ”تُوں میڈا پیارا پوتر ہیں، تَیں کنُوں مَیں بہُوں خوش ہاں۔“

لُوقا 24:27

وَل مُوسیٰ کنُوں گِھن تے سارے نبیاں دے گالھیں جیہڑیاں اُوندے حق ءچ لِکھیاں ہوئیاں ہِن، اُنہاں کُوں سمجھا ڈِتیاں۔

یُوحنّا 5:32

ہِک بِیا ہے جیہڑا میڈی گواہی ڈیندے تے مَیں جانڑدا ہاں جو میڈے بارے ءچ اُوندی گواہی سچی ہے۔

1 یُوحنّا 5:9

جِیں ویلے اساں اِنساناں دی گواہی قبول کر گِھندے ہیں تاں خُدا دی گواہی اُوں کنُوں کتنی ودھ ہے تے ایہ اُوہو گواہی ہے جیہڑی اُوں آپنڑے پوتر دے حق ءچ ڈِتی۔