یُوحنّا 5:30 - کِتاب مُقدّس سرائیکی ترجمہ

³⁰ مَیں آپنڑے آپ کنُوں کُجھ نئیں کر سگدا۔ مَیں جِینویں سُنڑدا ہاں عدالت کریندا ہاں، تے میڈی عدالت سچی ہے کیوں جو مَیں آپنڑی مرضی نئیں بلکہ آپنڑے بھیجنڑ آلے دی مرضی چاہندا ہاں۔

یُوحنّا 5:30 Referans Kwoze

یُوحنّا 6:38

کیوں جو مَیں اسمان کنُوں اِیں واسطے نئیں لتھا جو آپنڑی مرضی پُوری کراں بلکہ اِیں واسطے جو آپنڑے بھیجنڑ آلے دی مرضی پُوری کراں۔

یُوحنّا 5:19

بس یسُوع اُنہاں کُوں ایہ جواب ڈِتا، ”مَیں تُہاکُوں سچ آدھا ہاں جو پوتر آپنڑی مرضی نال کُجھ نئیں کر سگدا۔ او اُوہو کریندے جیہڑا او آپنڑے باپ کُوں کریندا ڈیدھے، کیوں جو جیہڑے کم او کریندے پوتر وی اُونویں ای کریندے۔

یُوحنّا 4:34

یسُوع اُنہاں کُوں آکھیا، ”میڈا کھانڑا ایہ ہے جو مَیں آپنڑے بھیجنڑ آلے دی مرضی پُوری کراں تے اُوندا کم پُورا کراں۔

یُوحنّا 14:10

کیا تیکُوں یقین نئیں جو مَیں باپ ءچ ہاں تے باپ میڈے ءچ؟ مَیں جیہڑے گالھیں تُہاکُوں آدھا ہاں آپنڑی طرفوں نئیں آدھا بلکہ میڈا باپ میڈے ءچ رہ تے آپنڑا کم کریندے۔

متّی 26:39

وَل ذرا اگُوں وَنج تے او زمین اُتے مُنہ دے بھار ڈھے تے دُعا کرݨ لگا جو ”میڈے باپ، جے ممکن ہووے تاں ڈُکھ دا ایہ پیالہ مَیں کنُوں ٹَل ونجے، وَل وی جیہڑا مَیں چاہندا ہاں او نئیں بلکہ جیہڑا تُوں چاہندیں اُوہو تھیوے۔“

یُوحنّا 8:28

اِیں واسطے یسُوع آکھیا، ”جِیں ویلے تُساں اِبنِ آدم کُوں اُچائی اُتے چڑھیسو تاں تُہاکُوں معلوم تھیسی جو مَیں اُوہو ہاں تے آپنڑی طرفوں کُجھ نئیں کریندا بلکہ جِینویں باپ میکُوں سِکھایا ہے اُونویں ای ایہ گالھیں آدھا ہاں۔

رومیوں 15:3

کیوں جو مسیح وی آپنڑی خوشی دا خیال نہ رکھیا بلکہ لِکھیا ہے جو ”تیڈے لعن طعن کرݨ آلیاں دی لعن طعن میڈے اُتے آ پئی ہے۔“

یُوحنّا 8:50

پر مَیں آپنڑی تعریف نئیں چاہندا۔ ہاں، ہِک ہے جیہڑا چاہندے تے اُوہو فیصلہ کریندے۔

یُوحنّا 8:42

یسُوع اُنہاں کُوں آکھیا، ”جے خُدا تُہاڈا باپ ہوندا تاں تُساں میڈے نال محبت کریندے، اِیں واسطے جو مَیں خُدا ءچوں نِکلیا تے آیا ہاں۔ مَیں آپنڑی مرضی نال نئیں آیا بلکہ اُوں میکُوں بھیجیا ہے۔

یُوحنّا 17:4

مَیں اُوں کم کُوں جیہڑا تَیں میکُوں کرݨ کیتے ڈِتا ہا، پُورا کر تے زمین اُتے تیڈا جلال ظاہر کر ڈِتے۔

یُوحنّا 18:11

پر یسُوع پطرس کُوں آکھیا، ”آپنڑی تلوار کُوں واپس رکھ، کیا مَیں ڈُکھ دا او پیالہ نہ پِیواں جیہڑا میڈے باپ میکُوں ڈِتے؟“

رومیوں 2:5

پر تُوں آپنڑے سخت تے توبہ نہ کرݨ آلے دل دے سببّوں آپنڑے کیتے غضب جمع کریندا پِیا ہیں، خُدا دے غضب دے ڈینہہ کیتے جڈاں خُدا دا سچا اِنصاف ظاہر تھیسی۔

رومیوں 2:2

اساں جانڑدے ہیں جو خُدا ایجھے کم کرݨ آلے دی عدالت حق دے مطابق کریندے۔