یُوحنّا 5:26 - کِتاب مُقدّس سرائیکی ترجمہ

²⁶ کیوں جو جِینویں باپ آپنڑے آپ ءچ زندگی رکھیندے اُونویں ای اُوں پوتر کُوں وی ایہ بخشیا جو آپنڑے ءچ زندگی رکھے۔

یُوحنّا 5:26 Referans Kwoze

یُوحنّا 11:26

تے جیہڑا کوئی زندہ ہے تے میڈے اُتے اِیمان گِھن آندے او کڈھائیں نہ مرسی۔ کیا تُوں اِیں گالھ اُتے اِیمان رکھیندی ہیں؟“

یُوحنّا 1:4

اُوندے ءچ زندگی ہئی تے او زندگی اِنساناں دا نُور ہئی۔

یُوحنّا 14:6

یسُوع اُونکُوں آکھیا جو ”راہ، حق تے زندگی مَیں ہاں، میڈے وسیلہ دے بغیر کوئی باپ دے کولھ نئیں آندا۔

مُکاشفہ 22:17

رُوح تے کُنوار آدھی ہے، ”آ“ تے او وی جیہڑا سُنڑدا ہے، آکھے، ”آ۔“ جیہڑا ترِسّا ہووے تے جیہڑا زندگی دا پانڑی چاہوے او اُونکُوں مُفت ءچ گِھن گِھنے۔

1 تِیمُتھِیُس 1:17

ہُنڑ ازلی تے ابدی بادشاہ یعنی غیرفانی تے نظر نہ آوݨ آلے واحد خُدا دی عزت تے تعریف ہمیشاں تئیں تھیندی راہوے۔ آمین۔

1کُرِنتھِیوں 15:45

اِیں واسطے کلام ءچ لِکھیا وی ہے جو ”پہلا بندہ یعنی آدم زندہ اِنسان بنڑیا۔“ آخری آدم یعنی مسیح زندگی بخشنڑ آلی رُوح بنڑیا۔

مُکاشفہ 22:1

وَل اُوں فرشتے میکُوں زندگی دے پانڑی دا دریا ڈِکھایا جیہڑا بَلّور آلی کار بالکل صاف ہا۔ او خُدا تے لیلے دے تخت کنُوں نِکل تے

مُکاشفہ 21:6

وَل اُوں میکُوں آکھیا جو ”مکمل تھی گِیا! مَیں الفا تے اومیگا، ابتدا تے اِنتہا ہاں۔ مَیں ترِسّے کُوں زندگی دے پانڑی دے چشمہ ءچوں مُفت پِلیساں۔

1 تِیمُتھِیُس 6:16

صرف اُوہو غیر فانی ہے، تے او اُوں نُور ءچ راہندے جِتھاں کوئی پُج نئیں سگدا۔ اُونکُوں کہیں اِنسان نئیں ڈِٹھا تے نہ ڈیکھ سگدے۔ اُوندی عزت تے سلطنت ہمیشاں تئیں قائم راہوے، آمین۔

اعمال 17:25

او اِنسان دے ہتُھوں خدمت نئیں گِھندا کیوں جو او کہیں چیز دا مُتھاج نئیں، او تاں سارے اِنساناں کُوں زندگی، ساہ تے سارا کُجھ ڈیندے۔

یُوحنّا 14:19

ایہ دُنیا کُجھ دیر بعد میکُوں نہ ڈیکھ سگسی پر تُساں میکُوں ڈیدھے راہسو۔ کیوں جو مَیں زندہ ہاں، تُساں وی زندہ راہسو۔

یُوحنّا 8:51

مَیں تُہاکُوں سچ آدھا ہاں جو جیہڑا کوئی میڈے کلام اُتے عمل کریسی او کڈھائیں نہ مرسی۔“

یُوحنّا 4:10

یسُوع جواب ءچ اُونکُوں آکھیا، ”جے تُوں خُدا دی بخشش کُوں جانڑدی تے ایہ وی جو او کوݨ ہے جیہڑا تَیں کنُوں پانڑی منگدے تاں تُوں اُوں کنُوں منگدی تے او تیکُوں زندگی دا پانڑی ڈیندا۔“

مُکاشفہ 7:17

کیوں جو او لیلا جیہڑا تخت دے اَدھ ءچ ہے، اُنہاں دا آجڑی ہوسی تے اُنہاں کُوں زندگی دے پانڑی دے چشمیاں تئیں گِھن ویسی۔ تے خُدا اُنہاں دے اکھیں دے سارے ہنجُو پُونجھ ڈیسی۔“

یُوحنّا 6:57

جِینویں زندہ باپ میکُوں بھیجیا تے مَیں باپ دی وجہ کنُوں زندہ ہاں، اِینویں ای جیہڑا میکُوں کھاسی او میڈی وجہ کنُوں زندہ راہسی۔

یُوحنّا 10:18

میڈی جان مَیں کنُوں کوئی وی نئیں کھسیندا بلکہ مَیں آپنڑی مرضی نال اُونکُوں قُربان کریندا ہاں۔ میڈے کولھ اُونکُوں ڈیوݨ دا وی اِختیار ہے تے اُونکُوں ولا گِھننڑ دا وی اِختیار ہے۔ ایہ حُکم میکُوں میڈے باپ کنُوں مِلیا ہے۔“

یُوحنّا 11:25

یسُوع اُونکُوں آکھیا، ”قیامت تے زندگی تاں مَیں ہاں۔ جیہڑا میڈے اُتے اِیمان گِھن آندے بھانویں او مر وی ونجے، وَل وی زندہ راہسی۔

عبرانیوں 1:2

پر اِنہاں آخری ڈینہاں ءچ اُوں آپنڑے پوتر دے وسیلے ساڈے نال کلام کیتا، جِینکُوں اُوں سبھ چیزاں دا وارث بنڑایا تے جیندے وسیلے اُوں کائنات کُوں خلق کیتا۔