یُوحنّا 5:22 - کِتاب مُقدّس سرائیکی ترجمہ

²² باپ کہیں دی عدالت نئیں کریندا بلکہ اُوں عدالت دا سارا کم پوتر کُوں ڈے ڈِتے،

یُوحنّا 5:22 Referans Kwoze

یُوحنّا 5:27

بلکہ اُوں اُونکُوں عدالت کرݨ دا وی اِختیار بخشیا، کیوں جو او اِبنِ آدم ہے۔

اعمال 17:31

کیوں جو اُوں ہِک ڈینہہ مقرر کر ڈِتے جِیں ویلے او عدل نال ساری دُنیا دی عدالت اُوں بندے دے ذریعے کریسی جِینکُوں اُوں مقرر کیتا ہے۔ تے اُونکُوں مُردیاں ءچوں زندہ کر تے ایہ گالھ سارے اِنساناں اُتے ثابت کر ڈِتی ہے۔“

2کُرِنتھِیوں 5:10

کیوں جو اساں ساریاں کُوں مسیح دے تختِ عدالت دے سامنڑے حاضر تھیونڑاں ہے تاں جو ہر بندہ آپنڑے کماں دا بدلہ پاوے جیہڑے اُوں آپنڑے بدن ءچ راہندے ہوئے کیتے ہِن، بھانویں چنگے ہِن یا بُرے۔

متّی 28:18

یسُوع اُنہاں دے کولھ آ تے اُنہاں کُوں آکھنڑ لگا، ”اسمان تے زمین دا کُل اِختیار میکُوں ڈِتا گِیا ہے۔

اعمال 10:42

تے اُوں ساکُوں حُکم ڈِتا جو لوکاں ءچ تبلیغ کرُوں تے گواہی ڈیؤں جو ایہ اُوہو ہے جیہڑا خُدا دی طرفوں زندیاں تے مُردیاں دا مُنصف مقرر کیتا گئے۔

یُوحنّا 9:39

یسُوع آکھیا، ”مَیں عدالت کرݨ کیتے دُنیا ءچ آیا ہاں تاں جو جیہڑے نئیں ڈیدھے او ڈیکھنڑ تے جیہڑے ڈیدھے ہِن، او اندھے تھی ونجنڑ۔“

2 تِیمُتھِیُس 4:1

مَیں خُدا تے یسُوع مسیح کُوں جیہڑا زندیاں تے مُردیاں دی عدالت کریسی، گواہ بنڑا تے مسیح دے ظہور تے بادشاہی دی یاد ڈیوا تے تیکُوں تاکید کریندا ہاں،

رومیوں 2:16

ایہ اُوں ڈینہہ تھیسی جڈاں خُدا یسُوع مسیح دے وسیلے اِنساناں دیاں لُکیاں گالھیں دا اِنصاف کریسی جِینویں مَیں خوشخبری سُنڑیندا ہاں۔

یُوحنّا 17:2

کیوں جو تُوں اُونکُوں سبھ لوکاں اُتے اِختیار بخشیا ہے تاں جو جِنہاں کُوں تُوں اُونکُوں بخشیا ہے اُنہاں ساریاں کُوں او ہمیشاں دی زندگی ڈیوے۔

1 پطرس 4:5

پر اُنہاں کُوں اُونکُوں حساب ڈیونڑا پوسی جیہڑا زندیاں تے مُردیاں دی عدالت کرݨ کُوں تیار ہے۔

متّی 16:27

کیوں جو اِبنِ آدم آپنڑے باپ دے جلال ءچ آپنڑے فرشتیاں نال آسی۔ اُوں ویلے ہر ہِک کُوں اُوندے کماں دے مطابق اجر ڈیسی۔

یُوحنّا 3:35

باپ پوتر نال محبت رکھیندے تے اُوں سبھ کُجھ پوتر دے سپُرد کر ڈِتے۔

متّی 11:27

میڈے باپ دی طرفوں سبھ کُجھ میڈے سپُرد کیتا گِیا ہے تے کوئی پوتر کُوں نئیں جانڑدا سوائے باپ دے، تے نہ ای کوئی باپ کُوں جانڑدے سوائے پوتر دے یا او بندہ جیندے اُتے پوتر اُونکُوں ظاہر کرݨ چاہندے۔