یُوحنّا 4:6 - کِتاب مُقدّس سرائیکی ترجمہ

⁶ تے یعقُوب دا کُھوہ اُتھائیں ہا۔ یسُوع سفر کنُوں تھک تے اُوں کُھوہ اُتے بہہ گِیا۔ ایہ ڈوپہر دا ویلا ہا۔

یُوحنّا 4:6 Referans Kwoze

عبرانیوں 4:15

کیوں جو ساڈا کاہِن ِ اعظم ایجھا نئیں جیہڑا ساڈیاں کمزوریاں ءچ ساڈا ہمدرد نہ بنڑ سگے بلکہ او ساڈے وانگُوں سارے گالھیں ءچ ازمایا گِیا، وَل وی بے گُناہ ریہا۔

عبرانیوں 2:17

اِیں واسطے ضروری ہا جو او ہر لحاظ نال آپنڑے بِھرانواں وانگُوں بنڑے، تاں جو او خُدا دی خدمت کریندے ہوئے ہِک رحم دل تے وفادار کاہِن ِ اعظم بنڑ تے اُنہاں دے گُناہاں دا کفارہ ڈے سگے۔

متّی 8:24

تے ڈیکھو جھیل ءچ ایجھا زبردست طوفان اُٹھیا جو کشتی چھلاں ءچ لُک گئی پر یسُوع سُتا پِیا ہا۔

متّی 27:45

ڈوپہر کنُوں گِھن تے تریجھے پہر تئیں سارے مُلک ءچ اندھارا چھایا ریہا۔

متّی 4:2

چالیہہ ڈینہہ تے چالیہہ رات دے روزے تُوں بعد آخر اُونکُوں بُکھ لگی۔

2کُرِنتھِیوں 8:9

کیوں جو تُساں ساڈے خُداوند یسُوع مسیح دے فضل کُوں جانڑدے ہیوے جو او بھانویں دولت مند ہا، وَل وی تُہاڈی خاطر غریب بنڑ گِیا تاں جو تُساں اُوندی غریبی دے سببّوں دولت مند بنڑ ونجو۔

یُوحنّا 11:9

یسُوع جواب ڈِتا، ”کیا ڈینہہ ءچ بارہاں گھنٹے نئیں ہوندے؟ جیہڑا بندہ ڈینہہ ءچ ٹُردے، تُھڈا نئیں کھاندا، اِیں واسطے جو او دُنیا دے سوجھلے کُوں ڈیدھے۔

لُوقا 9:58

یسُوع اُونکُوں آکھیا، ”لومبڑیاں دیاں گھوراں ہوندن تے پکھیاں دے آلہنڑے پر مَیں اِبنِ آدم کیتے کوئی جاہ نئیں جِتھاں مَیں آپنڑا سر رکھ سگاں۔“

لُوقا 2:7

تے اُوندا پلوٹھا پوتر جمیا۔ اُوں اُونکُوں کپڑے ءچ ولھیٹ تے کُھرلی ءچ رکھ ڈِتا کیوں جو اُنہاں کیتے سراں ءچ جاہ نہ ہئی۔

یُوحنّا 4:5

بس او سامریہ دے ہِک شہر ءچ آیا جیہڑا سُوخار اکھویندا ہے۔ ایہ اُوں زمین دے نیڑے ہے جیہڑی یعقُوب آپنڑے پوتر یُوسف کُوں ڈِتی ہئی

یُوحنّا 4:7

سامریہ دی ہِک عورت اُتھاں پانڑی بھرݨ آئی۔ یسُوع اُونکُوں آکھیا، ”ذرا میکُوں پانڑی پِلا۔“

یُوحنّا 4:12

کیا تُساں ساڈے پِیُو یعقُوب کنُوں وی وڈے ہیوے جئیں ایہ کُھوہ ساکُوں ڈِتا تے خود اُوں تے اُوندے پوتراں تے اُوندے ڈھورڈنگراں اُوندے ءچوں پِیتا؟“