یُوحنّا 4:53 - کِتاب مُقدّس سرائیکی ترجمہ

⁵³ وَل پِیُو جاݨ گِیا جو اُوہو وقت ہا جِیں ویلے یسُوع اُونکُوں آکھیا ہا جو ”تیڈا پوتر زندہ راہسی“ تے او خود تے اُوندا سارا گھرانڑا اِیمان گِھن آیا۔

یُوحنّا 4:53 Referans Kwoze

لُوقا 19:9

یسُوع اُونکُوں آکھیا، ”اَج اِیں گھر ءچ نجات آئی ہے، اِیں واسطے جو ایہ وی ابرہام دا پوتر ہے۔

اعمال 18:8

عبادت خانہ دا سردار کرِسپُس آپنڑے سارے خاندان سمیت خُداوند اُتے اِیمان گِھن آیا تے کُرِنتُھس دے بئے بہُوں سارے لوکاں وی کلام سُنڑیا تے اِیمان گِھن آئے تے اُنہاں بپتسمہ گِھدا۔

اعمال 16:34

داروغہ اُنہاں کُوں آپنڑے گھر گِھن گِیا تے اُنہاں کُوں کھانڑا کھوایا۔ تے آپنڑے سارے گھر آلیاں سمیت خُدا اُتے اِیمان گِھن آ تے بہُوں خوشی منائی۔

اعمال 11:14

او تیکُوں ہِک ایجھا پیغام ڈیسی جیندے وسیلے تُوں تے تیڈا سارا خاندان نجات پیسی۔‘

اعمال 16:15

وَل جِیں ویلے اُوں تے اُوندے خاندان بپتسمہ گِھن گِھدا تاں ساکُوں آکھیا جو ”جے تُساں میکُوں خُداوند دی اِیماندار بندی سمجھدے ہیوے تاں جُلو تے میڈے گھر ٹِکو۔“ بس اُوں ساکُوں مجبور کیتا۔

اعمال 2:39

کیوں جو ایہ وعدہ تُہاڈے کیتے تے تُہاڈی اولاد کیتے بلکہ اُنہاں ساریاں کیتے وی ہے جیہڑے دُور دے ہِن، جِنہاں کُوں خُداوند ساڈا خُدا آپنڑے کولھ سڈیسی۔“

متّی 8:13

تے یسُوع صوبیدار کُوں آکھیا، ”وَنج جِینویں تیڈا اِیمان ہے تیڈے کیتے اُونویں ای تھیوے، تے اُوں ویلے ای نوکر شِفا پا گِھدی۔“

یُوحنّا 4:52

اُوں اُنہاں کنُوں پُچھیا، ”اُونکُوں کیہڑے ویلے آرام تھیوݨ پِیا ہا؟“ اُنہاں ڈسایا جو اُوندا بُخار ڈوپہر ہِک وجے دے نیڑے لہہ گِیا ہا۔

یُوحنّا 4:51

او رستے ءچ ای ہا جو اُوندے نوکر اُونکُوں مِلے تے آکھنڑ لگے، ”تیڈا پوتر زندہ ہے۔“