یُوحنّا 4:38 - کِتاب مُقدّس سرائیکی ترجمہ

³⁸ مَیں تُہاکُوں اُوں فصل کُوں کپنڑ کیتے بھیجیا جیندے اُتے تُساں محنت نئیں کیتی۔ بئیاں محنت کیتی تے تُساں اُنہاں دی محنت دے پھل ءچ شریک تھئے۔“

یُوحنّا 4:38 Referans Kwoze

یُوحنّا 1:7

او اِیں واسطے آیا جو او نُور دی گواہی ڈیوے تاں جو سارے اُوندے وسیلہ نال اِیمان گِھن آوݨ۔

اعمال 6:7

خُدا دا کلام پھیلدا ریہا تے یروشلیم ءچ شاگرداں دی تعداد بہُوں ای ودھ گئی تے بہُوں سارے کاہِن اِیمان گِھن آئے۔

اعمال 5:14

اِیندے باوجود بہُوں سارے مرد تے عورتاں اِیمان گِھن آئے تے خُداوند دے مننڑ آلیاں دی تعداد ودھدی ویندی ہئی۔

اعمال 4:4

پر کلام سُنڑݨ آلیاں ءچوں بہُوں سارے اِیمان گِھن آئے، اِتُھوں تئیں جو اِیماندار مرداں دی تعداد پنج ہزار تھی گئی۔

اعمال 4:32

اِیمانداراں دی جماعت ہِک دل تے یک جان ہئی تے کہیں وی آپنڑے مال کُوں آپنڑا نہ آکھیا بلکہ اُنہاں دی ہر چیز سانجھی ہئی۔

اعمال 2:41

بس جِنہاں لوکاں اُوندا کلام قبول کیتا اُنہاں بپتسمہ گِھدا تے اُوں ڈینہہ تقریباً ترے ہزار لوک جماعت ءچ شامل تھی گئے۔

متّی 4:23

یسُوع سارے گلیل ءچ پِھردا ریہا تے عبادت خانیاں ءچ تعلیم ڈیندا تے بادشاہی دی خوشخبری سُنڑیندا ریہا، تے لوکاں کُوں ہر طرحاں دی بیماری تے کمزوری تُوں شِفا ڈیندا ریہا۔

یُوحنّا 4:37

اِیں واسطے ایہ اکھاݨ سچ تھیندے جو رہاوݨ آلا بِیا تے کپنڑ آلا بِیا ہے۔

یُوحنّا 4:39

تے اُوں شہر دے بہُوں سارے سامری اُوں عورت دی گواہی سُنڑ تے جو ”اُوں میکُوں سبھ کُجھ جیہڑا مَیں ہُنڑ تئیں کیتا ہا، ڈسا ڈِتے،“ یسُوع اُتے اِیمان گِھن آئے۔

یُوحنّا 17:18

جِینویں تُوں میکُوں دُنیا ءچ بھیجیا، اُونویں ای مَیں وی اُنہاں کُوں دُنیا ءچ بھیجیا ہے۔

2کُرِنتھِیوں 10:15

تے اساں آپنڑی حد تُوں باہر وَنج تے بئے دی محنت اُتے فخر نئیں کریندے بلکہ اُمید رکھیندے ہیں جو تُہاڈے اِیمان ءچ ترقی پارُوں تے اِینویں تُہاڈے ذریعے ساڈی خدمت دی حد وی مزید ودھے،