یُوحنّا 4:21 - کِتاب مُقدّس سرائیکی ترجمہ

²¹ یسُوع اُونکُوں آکھیا، ”بی بی! میڈا یقین کر جو او وقت آوݨ آلا ہے جِیں ویلے تُساں باپ دی عبادت نہ تاں اِیں پہاڑ اُتے کریسو نہ یروشلیم ءچ۔

یُوحنّا 4:21 Referans Kwoze

1 تِیمُتھِیُس 2:8

بس مَیں چاہندا ہاں جو بندے ہر جاہ، کاوڑ تے تکرار دے بغیر پاک ہتھاں کُوں چا تے دُعا کرݨ۔

اِفِسیوں 2:18

تے ہُنڑ اساں مسیح دے ذریعے ہِکو رُوح القُدس ءچ باپ دے حضُور آ سگدے ہیں۔

یُوحنّا 4:23

پر او وقت آوݨ آلا ہے بلکہ ہُنڑ ای ہے جو سچے عبادت کرݨ آلے رُوح تے سچائی نال باپ دی عبادت کریسن۔ کیوں جو باپ آپنڑے کیتے ایجھے ای عبادت کرݨ آلے گولھیندا ہے۔

متّی 18:20

کیوں جو جِتھاں ڈُو یا ترے میڈے ناں ءچ کٹھے ہِن اُتھاں مَیں اُنہاں دے وچال ہاں۔“

اِفِسیوں 3:14

اِیں واسطے مَیں آپنڑے خُداوند یسُوع المسیح دے باپ دے اگُوں گوڈے ٹیکدا ہاں،

یُوحنّا 16:32

ڈیکھو او ویلا آندے بلکہ آ گِیا ہے جو تُساں سارے تِتربِتر تھی تے آپنڑے آپنڑے گھراں کُوں ٹُر پوسو تے میکُوں کلھا چھوڑ ڈیسو۔ وَل وی مَیں کلھا نئیں کیوں جو باپ میڈے نال ہے۔

یُوحنّا 16:2

لوک تُہاکُوں عبادت خانیاں ءچوں کڈھ ڈیسن، بلکہ او وقت آوݨ آلا ہے جو جیہڑا کوئی تُہاکُوں قتل کریسی او ایہ سمجھسی جو مَیں خُدا دی خدمت کریندا ہاں۔

یُوحنّا 5:28

اِیں گالھ کنُوں حیران نہ تھیؤ، کیوں جو او وقت آندا پِیا ہے جو جِتّی قبراں ءچ ہِن، اُوندی اواز سُنڑ تے

1 پطرس 1:17

خُدا، جِیں تُوں تُساں باپ آکھ تے دُعا کریندے ہیوے، بغیر طرفداری دے ہر بندے دے عمل دے مطابق اُوندا اِنصاف کریندے، اِیں واسطے جئیں تئیں تُساں دُنیا ءچ مسافر دے طور تے راہندے ہیوے، خُدا دے خوف ءچ زندگی گُزارو۔

اعمال 6:14

کیوں جو اساں اُونکُوں ایہ آدھے سُنڑیا ہے جو اِیہو یسُوع جیہڑا ناصرۃ دا ہے، اِیں مقام کُوں برباد کر ڈیسی تے اُنہاں رسماں کُوں بدل ڈیسی، جیہڑیاں مُوسیٰ ساکُوں ڈِتیاں ہِن۔“

یُوحنّا 14:6

یسُوع اُونکُوں آکھیا جو ”راہ، حق تے زندگی مَیں ہاں، میڈے وسیلہ دے بغیر کوئی باپ دے کولھ نئیں آندا۔

یُوحنّا 5:25

مَیں تُہاکُوں سچ آدھا ہاں جو او وقت آندا پئے بلکہ آ گِیا ہے جِیں ویلے مُردے خُدا دے پوتر دی اواز سُنڑسن تے جیہڑے سُنڑسن او زندہ راہسن۔

لُوقا 21:24

او تلوار نال قتل تھیسن تے قیدی تھی تے ساریاں قوماں ءچ پُچائے ویسن۔ تے جئیں تئیں غیر قوماں دا وقت پُورا نہ تھیوے، یروشلیم غیر قوماں دے پیراں تلے لتاڑیا ویسی۔

متّی 28:19

اِیں واسطے تُساں ونجو تے ساریاں قوماں کُوں شاگرد بنڑاؤ تے اُنہاں کُوں باپ تے بیٹے تے رُوح القُدس دے ناں ءچ بپتسمہ ڈیؤ۔

مُکاشفہ 21:22

مَیں شہر ءچ کوئی ہیکل نہ ڈِٹھی کیوں جو خُداوند، قادر ِ مُطلق خُدا تے لیلا اُوندی ہیکل ہِن۔