یُوحنّا 4:1 - کِتاب مُقدّس سرائیکی ترجمہ

¹ وَل جِیں ویلے یسُوع کُوں پتہ چلیا جو فریسیاں سُنڑے جو یسُوع یُوحنّا کنُوں وی زیادہ شاگرد بنڑیندے تے بپتسمہ ڈیندے،

یُوحنّا 4:1 Referans Kwoze

یُوحنّا 3:26

اِیں واسطے او یُوحنّا دے کولھ آ تے آکھنڑ لگے، ”ربّی! او بندہ جیہڑا یردن دے پار تیڈے نال ہا تے جیندے بارے ءچ تُوں گواہی ڈِتی ہئی، ڈیکھ او وی بپتسمہ ڈیندا ہے تے سبھ اُوندے کولھ آندے ہِن۔“

یُوحنّا 3:22

اِنہاں گالھیں دے بعد یسُوع تے اُوندے شاگرد یہُودیہ دے علاقے ءچ آئے تے او اُتھاں اُنہاں نال رہ تے بپتسمہ ڈیوݨ لگا۔

2کُرِنتھِیوں 4:5

کیوں جو اساں آپنڑی نئیں بلکہ مسیح یسُوع دی تبلیغ کریندے ہیں جو اُوہو خُداوند ہے تے آپنڑے بارے ءچ ایہ آدھے ہیں جو یسُوع دی خاطر اساں تُہاڈی خدمت کرݨ آلے ہیں۔

1کُرِنتھِیوں 15:47

پہلا بندہ زمین دی مِٹی کنُوں بنڑایا گِیا پر ڈُوجھا بندہ اسمان کنُوں آیا۔

1کُرِنتھِیوں 2:8

اِیں جہان دے حاکماں ءچوں کہیں وی اِیں حِکمت کُوں نہ سمجھیا۔ جے سمجھ گِھندے تاں جلال دے خُداوند کُوں صلیب اُتے نہ چڑھیندے۔

اعمال 10:36

اُوں بنی اِسرائیل دے کولھ آپنڑا کلام بھیجیا تے یسُوع مسیح دے وسیلے، جیہڑا ساریاں دا خُداوند ہے، صُلح دی خوشخبری سُنڑائی۔

مُکاشفہ 19:16

اُوندے کپڑیاں تے ستھل اُتے ایہ ناں لِکھیا ہویا ہے ”بادشاہاں دا بادشاہ، خُداونداں دا خُداوند۔“

یعقُوب 2:1

میڈے بِھراؤ، ساڈے جلالی خُداوند یسُوع مسیح اُتے اِیمان رکھیندے ہوئے تُہاڈے ءچ طرفداری نہ ہووے۔

لُوقا 2:11

اَج داؤد دے شہر ءچ تُہاڈے کیتے ہِک نجات ڈیوݨ آلا پیدا تھئے یعنی المسیح جیہڑا خُداوند ہے۔

لُوقا 19:34

اُنہاں جواب ڈِتا، ”مالک کُوں اِیندی ضرورت ہے۔“

لُوقا 19:31

جے کوئی تُہاڈے کنُوں پُچھے جو ’اُونکُوں کیوں کھولیندے ہیوے؟‘ تاں اکھائے جو ’مالک کُوں اِیندی ضرورت ہے‘۔“

لُوقا 1:76

تے میڈے پوتر! تُوں خُدا تعالیٰ دا نبی اکھویسیں کیوں جو تُوں خُداوند دے اگُوں اگُوں ٹُر تے اُوندے رستے تیار کریسیں

لُوقا 7:13

اُونکُوں ڈیکھ تے خُداوند کُوں اُوندے اُتے ترس آیا تے اُونکُوں آکھیا، ”نہ رو۔“

لُوقا 7:19

اِیں پارُوں یُوحنّا آپنڑے شاگرداں ءچوں ڈُو کُوں سڈ تے خُداوند دے کولھ ایہ پُچھنڑ کیتے بھیجیا جو ”آوݨ آلے تُساں ای ہیوے یا اساں کہیں بئے دی راہ ڈیکھوں؟“

1کُرِنتھِیوں 1:17

کیوں جو مسیح میکُوں بپتسمہ ڈیوݨ کیتے نئیں بلکہ خوشخبری سُنڑاوݨ کیتے بھیجے، او وی حِکمت آلی تقریر نال نئیں تاں جو یسُوع المسیح دی صلیب بے اثر نہ تھیوے۔