یُوحنّا 3:36 - کِتاب مُقدّس سرائیکی ترجمہ

³⁶ جیہڑا پوتر اُتے اِیمان گِھن آندے، ہمیشاں دی زندگی اُوندی ہے، پر جیہڑا پوتر دی نئیں منیندا، او زندگی کُوں نہ ڈیکھسی بلکہ اُوندے اُتے خُدا دا غضب راہسی۔

یُوحنّا 3:36 Referans Kwoze

یُوحنّا 5:24

مَیں تُہاکُوں سچ آدھا ہاں جو جیہڑا میڈا کلام سُنڑدے تے میڈے بھیجنڑ آلے دا یقین کریندے، ہمیشاں دی زندگی اُوندی ہے تے اُوندے اُتے سزا دا حُکم نئیں تھیندا بلکہ او موت ءچوں نِکل تے زندگی ءچ داخل تھی گِیا ہے۔

یُوحنّا 1:12

پر جِتنیاں اُونکُوں قبول کیتا یعنی جیہڑے اُوندے ناں اُتے اِیمان گِھن آئے ہِن، اُوں اُنہاں کُوں خُدا دے فرزند بنڑݨ دا حق بخشیا۔

1تھِسّلُنیکیوں 5:9

کیوں جو خُدا ساکُوں اِیں واسطے نئیں چُنڑیا جو ساڈے اُتے غضب نازل تھیوے بلکہ اِیں واسطے جو اساں آپنڑے خُداوند یسُوع مسیح دے وسیلے نال نجات حاصل کرُوں۔

اِفِسیوں 5:6

کوئی تُہاکُوں فضول گالھیں نال دوکھا نہ ڈیوے، کیوں جو اِنہاں گالھیں دے سببّوں نافرماناں اُتے خُدا دا غضب نازل تھیندے۔

رومیوں 5:9

جڈاں مسیح دے خون دے وسیلے نال اساں راستباز کھڑائے گئے تاں ایہ گالھ زیادہ یقینی ہے جو اساں اُوندے وسیلے خُدا دے عذاب تُوں بچ ویسوں۔

یُوحنّا 8:51

مَیں تُہاکُوں سچ آدھا ہاں جو جیہڑا کوئی میڈے کلام اُتے عمل کریسی او کڈھائیں نہ مرسی۔“

یُوحنّا 10:28

مَیں اُنہاں کُوں ہمیشاں دی زندگی ڈیندا ہاں تے او کڈھائیں ہلاک نہ تھیسن، تے کوئی اُنہاں کُوں میڈے ہتھ کنُوں کَھس نہ سگسی۔

یُوحنّا 3:3

یسُوع جواب ءچ اُونکُوں آکھیا، ”مَیں تیکُوں سچ آدھا ہاں جو جئیں تئیں کوئی نویں سرے تُوں پیدا نہ تھیوے، او خُدا دی بادشاہی کُوں ڈیکھ نئیں سگدا۔“

مُکاشفہ 21:8

پر بُزدلاں، غیر اِیمانداراں، گندے کم کرݨ آلیاں، قاتلاں، حرام کاراں، جادُوگراں، بُت پرستاں تے سبھ کُوڑیاں دی جاہ بھاہ تے گندھک نال سڑن آلی جھیل ہوسی۔ ایہ ڈُوجھی موت ہے۔“

1تھِسّلُنیکیوں 1:10

تے ایہ وی جو تُساں اُوندے پوتر دے اسمان کنُوں آوݨ دا اِنتظار کریندے ہیوے، یعنی یسُوع جِینکُوں خُدا مُردیاں ءچوں زندہ کیتا تے جیہڑا ساکُوں آوݨ آلے غضب کنُوں بچیندے۔

گلتِیوں 3:10

پر جیہڑے خُدا دی نظر ءچ مقبول تھیوݨ کیتے شریعت دے اعمال اُتے بھروسا رکھیندے ہِن، اُنہاں سبھ اُتے لعنت ہے۔ کیوں جو لِکھیا ہے جو ”ہر ہِک اُتے لعنت جیہڑا شریعت دی کتاب دے سبھ گالھیں اُتے عمل نئیں کریندا۔“

رومیوں 8:1

اِیں واسطے جیہڑے مسیح یسُوع ءچ ہِن، ہُنڑ اُنہاں اُتے سزا دا حُکم نئیں۔

لُوقا 3:6

تے سارے لوک خُدا دی نجات ڈیکھسن۔“

عبرانیوں 10:29

تاں او بندہ کِتنی وڈی سزا دے لائق ہوسی جئیں خُدا دے پوتر دی توہین کیتی تے عہد قائم کرݨ آلے خون کُوں جیندے نال او پاک تھیّا ہا، ناپاک سمجھیا، تے فضل ڈیوݨ آلے رُوح القُدس دی بے عزتی کیتی۔

عبرانیوں 2:3

تاں وَل جے اساں اِتنی وڈی نجات کُوں نظر انداز کرُوں تاں کِینویں بچ سگسوں؟ کیوں جو اِیں نجات دا اعلان پہلے خُداوند خود کیتا تے وَل جِنہاں لوکاں اِینکُوں سُنڑیا، اُنہاں اُوندی سچائی ساڈے اُتے ثابت کر ڈِتی۔

رومیوں 4:15

کیوں جو شریعت غضب گِھن آندی ہے تے جِتھاں شریعت نئیں اُتھاں حُکم عدُولی وی نئیں۔

لُوقا 2:30

کیوں جو میڈے اکھیں تیڈی نجات ڈیکھ گِھدی ہے

متّی 25:46

تے اِنہاں کُوں ہمیشاں دی سزا مِلسی پر راستباز کُوں ہمیشاں دی زندگی۔“

مرقس 16:16

جیہڑا اِیمان گِھن آوے تے بپتسمہ گِھنے او نجات پیسی، پر جیہڑا اِیمان نہ گِھن آوے او مُجرم کھڑایا ویسی۔

یُوحنّا 4:36

کپنڑ آلا مزدُوری پیندے تے ہمیشاں دی زندگی کیتے پھل جمع کریندے، تاں جو رہاوݨ آلا تے کپنڑ آلا ڈوہائیں رَل تے خوشی مناوݨ۔

یُوحنّا 6:58

جیہڑی روٹی اسمان کنُوں لتھی ہے، اِیہو ہے۔ ایہ اُوں روٹی وانگُوں نئیں جِینکُوں پِیُو ڈاڈا کھادا تے مر گئے۔ جیہڑا ایہ روٹی کھاسی او ہمیشاں تئیں زندہ راہسی۔“

اعمال 14:2

پر جیہڑے یہُودی اِیمان نہ گِھن آئے ہَن، اُنہاں یہُودیاں، غیریہُودیاں کُوں بھڑکایا تے اُنہاں دی سوچ مسیحی بِھرانواں دے خلاف کر ڈِتی۔

عبرانیوں 3:18

تے خُدا کیندے بارے ءچ قَسم کھا تے آکھیا جو او اُوں جاہ ءچ کڈھائیں داخل نہ تھیسن جِتھاں مَیں اُنہاں کُوں ارام ڈیونڑا ہا؟ کیا ایہ اُوہو نئیں جِنہاں نافرمانی کیتی ہئی؟

عبرانیوں 3:19

اِینویں اساں ڈیدھے ہیں جو او اِیمان نہ رکھنڑ دی وجہ تُوں اُوں ارام دی جاہ ءچ داخل نہ تھی سگے۔