یُوحنّا 3:35 - کِتاب مُقدّس سرائیکی ترجمہ

³⁵ باپ پوتر نال محبت رکھیندے تے اُوں سبھ کُجھ پوتر دے سپُرد کر ڈِتے۔

یُوحنّا 3:35 Referans Kwoze

متّی 28:18

یسُوع اُنہاں دے کولھ آ تے اُنہاں کُوں آکھنڑ لگا، ”اسمان تے زمین دا کُل اِختیار میکُوں ڈِتا گِیا ہے۔

یُوحنّا 5:22

باپ کہیں دی عدالت نئیں کریندا بلکہ اُوں عدالت دا سارا کم پوتر کُوں ڈے ڈِتے،

یُوحنّا 5:20

کیوں جو باپ پوتر کُوں پیار کریندے تے آپنڑے سارے کم جیہڑے او کریندے اُونکُوں ڈکھیندا ہے، بلکہ اِنہاں کنُوں وی وڈے وڈے کم اُونکُوں ڈکھیسی تاں جو تُساں حیران تھی ونجو۔

لُوقا 10:22

میڈے باپ دی طرفوں سارا کُجھ میڈے سپُرد کیتا گِیا ہے تے کوئی نئیں جانڑدا جو پوتر کوݨ ہے سِوا باپ دے۔ تے کوئی نئیں جانڑدا جو باپ کوݨ ہے سِوا پوتر دے تے سِوا اُوں بندے دے جیندے اُتے پوتر اُونکُوں ظاہر کرݨ چاہندے۔“

یُوحنّا 17:2

کیوں جو تُوں اُونکُوں سبھ لوکاں اُتے اِختیار بخشیا ہے تاں جو جِنہاں کُوں تُوں اُونکُوں بخشیا ہے اُنہاں ساریاں کُوں او ہمیشاں دی زندگی ڈیوے۔

متّی 11:27

میڈے باپ دی طرفوں سبھ کُجھ میڈے سپُرد کیتا گِیا ہے تے کوئی پوتر کُوں نئیں جانڑدا سوائے باپ دے، تے نہ ای کوئی باپ کُوں جانڑدے سوائے پوتر دے یا او بندہ جیندے اُتے پوتر اُونکُوں ظاہر کرݨ چاہندے۔

اِفِسیوں 1:22

خُدا سبھ کُجھ اُوندے پیراں تلے کر ڈِتے تے اُونکُوں کلیسیا دی خاطر یکے چیزاں دا سردار بنڑایا۔

یُوحنّا 13:3

یسُوع ایہ جاݨ تے جو باپ ساریاں چیزاں میڈے ہتھ ءچ کر ڈِتیاں ہِن، تے مَیں خُدا دے کولُھوں آیا تے خُدا ای دے کولھ واپس ویندا ہاں،

1 پطرس 3:22

یسُوع اسمان اُتے وَنج تے خُدا دے سجے پاسے بہہ گِیا ہے تے فرشتے، اِختیار آلے، تے طاقتاں اُوندے تابع کیتے گئے ہِن۔

1کُرِنتھِیوں 15:27

کیوں جو لِکھیا ہے جو ”خُدا سبھ کُجھ اُوندے پیراں تلے کر ڈِتے۔“ پر جِیں ویلے کلام آدھے جو ”سبھ کُجھ“ اُوندے تابع کر ڈِتا گئے تاں ظاہر ہے جو خُدا جئیں سبھ کُجھ مسیح دے تابع کر ڈِتے، خود شامل نئیں۔

عبرانیوں 1:2

پر اِنہاں آخری ڈینہاں ءچ اُوں آپنڑے پوتر دے وسیلے ساڈے نال کلام کیتا، جِینکُوں اُوں سبھ چیزاں دا وارث بنڑایا تے جیندے وسیلے اُوں کائنات کُوں خلق کیتا۔

یُوحنّا 17:26

تے مَیں اُنہاں کُوں تیڈے ناں تُوں واقف کرا ڈِتے، تے کریندا راہساں تاں جو جیہڑی محبت تیکُوں میڈے نال ہئی او اُنہاں ءچ ہووے تے مَیں وی اُنہاں ءچ ہونواں۔“

یُوحنّا 17:23

مَیں اُنہاں ءچ تے تُوں میڈے ءچ تاں جو او کامِل طور تے ہِک تھی ونجنڑ تے دُنیا جاݨ گِھنے جو تُوں ای میکُوں بھیجیا تے جِینویں تُوں میڈے نال محبت رکھی، اُنہاں نال وی محبت رکھی ہے۔

یُوحنّا 15:9

جِینویں باپ میڈے نال محبت کیتی ہے اُونویں ای مَیں تُہاڈے نال محبت کیتی ہے۔ تُساں میڈی محبت ءچ قائم راہو۔

متّی 17:5

او ایہ آدھا ای پِیا ہا جو ڈیکھو ہِک نُورانی بدلی اُنہاں اُتے چھاں کر ڈِتی تے اُوں بدلی ءچوں اواز آئی جو ”ایہ میڈا پیارا پوتر ہے جیندے تُوں مَیں بہُوں خوش ہاں، اِیندی سُنڑو۔“

متّی 3:17

تے اسمان تُوں ایہ اواز آئی جو ”ایہ میڈا پیارا پوتر ہے جیندے کنُوں مَیں بہُوں خوش ہاں۔“