یُوحنّا 3:29 - کِتاب مُقدّس سرائیکی ترجمہ

²⁹ کُنوار تاں گھوٹ دی ہوندی ہے۔ پر گھوٹ دا دوست جیہڑا نال کھڑا تھی تے اُوندی سُنڑدے، او گھوٹ دی اواز سُنڑ تے خوش تھیندے۔ بس میڈی ایہ خوشی پُوری تھی گئی۔

یُوحنّا 3:29 Referans Kwoze

متّی 9:15

یسُوع اُنہاں کُوں آکھیا، ”کیا براتی جِیں ویلے تئیں گھوٹ اُنہاں دے نال ہے ماتم کر سگدے ہِن؟ پر او ڈینہہ آسن جڈاں گھوٹ اُنہاں تُوں جُدا کیتا ویسی۔ اُوں ویلے او روزہ رکھیسن۔

مُکاشفہ 21:9

وَل اُنہاں سَت فرشتیاں ءچوں جِنہاں دے کولھ آخری سَت آفتاں نال بھرے سَت مُنگر ہَن، ہِک آ تے میکُوں آکھیا جو ”آ، مَیں تیکُوں کُنوار، یعنی لیلے دی ذال ڈِکھیساں۔“

فِلِپّیوں 2:2

تاں میڈی خوشی اِینویں پُوری کرو جو ہِک ای سوچ رکھو، ہِکو جیہی محبت رکھو، ہِک جان تھیؤ تے یک دل راہو۔

یُوحنّا 16:24

ہُنڑ تئیں تُساں میڈے ناں تُوں کُجھ نئیں منگیا۔ منگسو تاں مِلسی تاں جو تُہاڈی خوشی پُوری تھیوے۔

1 یُوحنّا 1:4

اساں ایہ گالھیں تُہاکُوں اِیں واسطے لِکھدے پئے ہیں جو ساڈی خوشی پُوری تھی ونجے۔

2کُرِنتھِیوں 11:2

میڈے دل ءچ تُہاڈے کیتے خُدا وانگُوں غیرت ہے کیوں جو مَیں تُہاڈا رشتہ ہِکو پئے یعنی مسیح نال طے کیتے تاں جو تُہاکُوں ہِک پاک دامن کُنواری وانگُوں اُوندے کولھ پیش کراں۔

لُوقا 15:6

تے گھر آ تے آپنڑے دوستاں تے ہمسایاں کُوں سڈیندے تے آدھے، ’میڈے نال خوشی مناؤ کیوں جو میڈی گُم تھئی ہوئی بھیڈ مِل گئی ہے۔‘

متّی 25:1

”اُوں ویلے اسمان دی بادشاہی اُنہاں ڈاہ کُنواریاں وانگُوں ہوسی جیہڑیاں آپنڑے ڈیوے گِھن تے گھوٹ دے اِستقبال کیتے نِکلیاں۔

2 یُوحنّا 1:12

میکُوں لِکھنڑاں تاں بہُوں کُجھ ہے پر میں اُونکُوں کاغذ تے قلم نال لِکھ تے نئیں بھیجنڑا چاہندا بلکہ اُمید رکھیندا ہاں جو تُہاڈے کولھ آ تے آمنڑے سامنڑے گالھ کریساں تاں جو ساڈی خوشی پُوری تھی ونجے۔

یُوحنّا 17:13

پر ہُنڑ مَیں تیڈے کولھ آندا ہاں تے مَیں ایہ گالھیں دُنیا ءچ راہندے ہوئے آدھا ہاں تاں جو میڈی ساری خوشی اُنہاں کُوں حاصل تھیوے۔

متّی 22:2

”اسمان دی بادشاہی اُوں بادشاہ وانگُوں ہے جئیں آپنڑے پوتر دی شادی کیتی۔

یُوحنّا 3:30

ضرور ہے جو او ودھے تے مَیں گَھٹاں۔“

یُوحنّا 15:11

مَیں ایہ گالھیں تُہاکُوں اِیں واسطے آکھیاں ہِن جو میڈی خوشی تُہاڈے ءچ ہووے تے تُہاڈی خوشی پُوری تھی ونجے۔