یُوحنّا 3:27 - کِتاب مُقدّس سرائیکی ترجمہ

²⁷ یُوحنّا جواب ءچ آکھیا، ”اِنسان کُوں کُجھ نئیں مِل سگدا جئیں تئیں اُونکُوں اسمان دی طرفوں نہ ڈِتا ونجے۔

یُوحنّا 3:27 Referans Kwoze

یعقُوب 1:17

ہر چنگی برکت تے کامِل نعمت اسمان کنُوں خُدا دی طرفوں مِلدی ہے جیہڑا نُوراں دا خالق ہے۔ اُوندے ءچ نہ تبدیلی آندی ہے تے نہ ای او پچھانویں وانگُوں تبدیل تھیندے۔

1کُرِنتھِیوں 4:7

آخر تَیں ءچ تے ڈُوجھے ءچ فرق کوݨ کریندے؟ تیڈے ءچ کیہڑی خاص چیز ہے جیہڑی تیکُوں خُدا کنُوں نئیں مِلی؟ تے جڈاں تیکُوں مِلی ہے تاں فخر کیجھا جِینویں جو خود حاصل کیتی ہووے؟

1کُرِنتھِیوں 15:10

پر ہُنڑ مَیں جیہڑا کُجھ ہاں، خُدا دے فضل نال ہاں، تے او فضل جیہڑا اُوں میڈے اُتے کیتا او ضائع نئیں تھیّا کیوں جو مَیں ساریاں تُوں زیادہ محنت کیتی، بےشک ایہ محنت مَیں آپنڑی کوشش نال نئیں بلکہ خُدا دے فضل نال کیتی، جیہڑا میڈے اُتے ہا۔

متّی 25:15

اُوں ہر ہِک کُوں اُوندی قابلیت دے مطابق تقسیم کر ڈِتا، ہِک کُوں سونے دے سِکیاں دے پنج تھیلے، ڈُوجھے کُوں ڈُو تے تریجھے کُوں ہِک تے وَل او سفر اُتے روانہ تھی گِیا۔

1 تِیمُتھِیُس 2:7

اِیں مقصد کیتے میکُوں تبلیغ کرݨ آلا تے رسُول تے غیر قوماں کُوں اِیمان تے سچائی دے گالھیں سِکھاوݨ آلا مقرر کیتا گِیا۔ مَیں کُوڑ نئیں مریندا بلکہ سچ آدھا ہاں۔

متّی 21:25

یُوحنّا دا بپتسمہ کِتھوں ہا؟ اسمان دی طرفوں یا اِنسان دی طرفوں؟“ او آپس ءچ تکرار کرݨ لگے، ”جے اساں آکھوں جو، ’اسمان دی طرفوں‘ تاں او ساکُوں اکھیسی ’وَل تُساں اُوندا یقین کیوں نہ کیتا؟‘

رومیوں 12:6

تے خُدا دا جیہڑا فضل ساڈے اُتے تھیّا ہے اُوندے مطابق ساکُوں طرحاں طرحاں دیاں نعمتاں مِلیاں ہِن۔ اِیں واسطے جِینکُوں نبُوّت کرݨ دی نعمت مِلی ہووے، او آپنڑے اِیمان دے مطابق نبُوّت کرے۔

مرقس 13:34

اِبنِ ِ آدم دا واپس آونڑا اُوں بندے آلی کار ہوسی جئیں کہیں دُور دے مُلک ونجنڑا ہا تے گھر تُوں ویندے ویلے اُوں آپنڑے نوکراں کُوں اِختیار ڈِتا، یعنی ہر ہِک کُوں اُوندی ذمہ داری ڈسا ڈِتی تے چوکیدار کُوں حُکم ڈِتا جو جاگدا راہوے۔

اِفِسیوں 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہاں، اُنہاں مُقدّساں دے ناں جیہڑے اِفِسُس ءچ راہندے ہِن تے یسُوع مسیح ءچ وفادار ہِن۔

گلتِیوں 1:1

ایہ خط میں پولُس رسُول دی طرفوں ہے۔ مَیں نہ تاں اِنساناں دی طرفوں، نہ کہیں بندے دے وسیلے رسُول مقرر کیتا گِیا بلکہ یسُوع المسیح تے خُدا باپ دے وسیلے جئیں یسُوع مسیح کُوں مُردیاں ءچوں زندہ کیتا۔

1کُرِنتھِیوں 12:11

ایہ ساریاں نعمتاں اُوہو ہِک ای رُوح القُدس ڈیندے تے ہر ہِک کُوں آپنڑی مرضی دے مطابق ونڈیندے۔

1کُرِنتھِیوں 3:5

آخر اپُلّوس کیا ہے تے پولُس کیا ہے؟ ایہ صرف خادم ہِن جِنہاں دے وسیلے تُساں اِیمان گِھن آئے تے اساں ڈُوہائیں اُوہو کم کیتا جیہڑا خُداوند ساڈے کیتے علیحدہ علیحدہ مقرر کیتا۔

رومیوں 1:5

جیندے وسیلے تے ناں دی خاطر ساکُوں فضل تے رسُول ہووݨ دی ذمہ داری مِلی، تاں جو سبھ قوماں ءچوں لوک اِیمان گِھن آ تے یسُوع دے تابع تھی ونجنڑ۔

1کُرِنتھِیوں 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہووݨ کیتے سڈیا گِیا، تے ساڈے بِھرا سوستھِنیس دی طرفوں،

یُوحنّا 6:65

وَل اُوں آکھیا، ”اِیں واسطے مَیں تُہاکُوں آکھیا ہا جو کوئی میڈے کولھ نئیں آ سگدا جئیں تئیں باپ اُونکُوں توفیق نہ بخشے۔“

یُوحنّا 10:41

بہُوں سارے لوک اُوندے کولھ آئے تے آکھنڑ لگے ”یُوحنّا تاں کوئی معجزہ نئیں ڈِکھایا پر جیہڑا کُجھ یُوحنّا اِیندے بارے ءچ آکھیا ہا او سچ ہا۔“