یُوحنّا 3:13 - کِتاب مُقدّس سرائیکی ترجمہ

¹³ کوئی اسمان اُتے نئیں گِیا سوائے اُوندے جیہڑا اسمان کنُوں لتھے یعنی اِبنِ آدم۔

یُوحنّا 3:13 Referans Kwoze

یُوحنّا 6:38

کیوں جو مَیں اسمان کنُوں اِیں واسطے نئیں لتھا جو آپنڑی مرضی پُوری کراں بلکہ اِیں واسطے جو آپنڑے بھیجنڑ آلے دی مرضی پُوری کراں۔

اعمال 2:34

کیوں جو داؤد تاں اسمان اُتے نئیں چڑھیا پر او آپ آدھے جو ’رب میڈے خُداوند کُوں آکھیا، میڈے سجے پاسُوں بہہ،

یُوحنّا 1:18

خُدا کُوں کڈھائیں کہیں نئیں ڈِٹھا پر اِکلوتا پوتر جیہڑا باپ دی گود ءچ ہے، اُوں ای اُونکُوں ظاہر کیتا۔

1کُرِنتھِیوں 15:47

پہلا بندہ زمین دی مِٹی کنُوں بنڑایا گِیا پر ڈُوجھا بندہ اسمان کنُوں آیا۔

یُوحنّا 13:3

یسُوع ایہ جاݨ تے جو باپ ساریاں چیزاں میڈے ہتھ ءچ کر ڈِتیاں ہِن، تے مَیں خُدا دے کولُھوں آیا تے خُدا ای دے کولھ واپس ویندا ہاں،

رومیوں 10:6

پر جیہڑی راستبازی اِیمان تُوں حاصل تھیندی ہے او ایہ آدھی ہے جو آپنڑے دل ءچ ایہ نہ آکھ جو ”اسمان اُتے کوݨ چڑھسی؟“ (یعنی مسیح کُوں تلے گِھن آوݨ کیتے،)

یُوحنّا 6:62

جے تُساں اِبنِ آدم کُوں اُتے ویندا ڈیکھسو، جِتھاں او پہلے ہا، تاں کیا تھیسی؟

یُوحنّا 3:31

جیہڑا اسمان تُوں آندے او سبھ کنُوں اُچا ہے۔ جیہڑا بندہ زمین کنُوں ہے او زمینی ہے تے زمین دے گالھیں کریندے۔ جیہڑا اسمان کنُوں آندے، او ساریاں کنُوں اُچا ہے۔

یُوحنّا 6:46

اِیندا مطلب ایہ نئیں جو کہیں کڈھائیں باپ کُوں ڈِٹھے۔ صرف اُوں جیہڑا خُدا دی طرفوں ہے، اُوں ای باپ کُوں ڈِٹھے۔

یُوحنّا 6:42

تے او آکھنڑ لگے جو، ”کیا ایہ یُوسف دا پوتر یسُوع نئیں جیندے ماء پِیُو کُوں اساں جانڑدے ہاں؟ ہُنڑ او کِینویں آدھے جو مَیں اسمان کنُوں لتھا ہاں؟“

یُوحنّا 17:5

تے ہُنڑ اے باپ! میکُوں آپنڑے حضُور ءچ جلال ڈے، او جلال جیہڑا مَیں دُنیا دے بنڑݨ کنُوں پہلے تیڈے نال رکھیندا ہم۔

یُوحنّا 8:42

یسُوع اُنہاں کُوں آکھیا، ”جے خُدا تُہاڈا باپ ہوندا تاں تُساں میڈے نال محبت کریندے، اِیں واسطے جو مَیں خُدا ءچوں نِکلیا تے آیا ہاں۔ مَیں آپنڑی مرضی نال نئیں آیا بلکہ اُوں میکُوں بھیجیا ہے۔

یُوحنّا 6:51

مَیں او زندگی دی روٹی ہاں جیہڑی اسمان کنُوں لتھی۔ جے کوئی اِیں روٹی ءچوں کھاوے تاں ہمیشاں تئیں زندہ راہسی۔ ایہ روٹی میڈا گوشت ہے جیہڑا مَیں ساری دُنیا دی زندگی کیتے ڈیساں۔“

یُوحنّا 6:33

کیوں جو خُدا دی روٹی او ہے جیہڑی اسمان کنُوں لہہ تے دُنیا کُوں زندگی بخشدی ہے۔“

اعمال 20:28

بس آپنڑا تے آپنڑے سارے اِجڑ دا خیال رکھو جیندے تُساں رُوح القُدس دی طرفوں نگہبان مقرر کیتے گئے ہیوے تاں جو خُدا دی کلیسیا دی نگہبانی کرو، جِینکُوں اُوں آپنڑے پوتر دے خون نال مُل گِھدے۔

متّی 28:20

تے اُنہاں کُوں ایہ تعلیم ڈیؤ جو اُنہاں سبھ گالھیں اُتے عمل کرݨ جِنہاں دا مَیں تُہاکُوں حُکم ڈِتے، تے ڈیکھو مَیں دُنیا دے آخر تئیں ہمیشاں تُہاڈے نال ہاں۔“

اِفِسیوں 1:23

کلیسیا مسیح دا بدن ہے تے مسیح نال کامل تھیندی ہے جیہڑا ہر ہِک چیز کُوں کامل کریندے۔

متّی 8:20

یسُوع اُونکُوں آکھیا، ”لومبڑیاں دیاں گھوراں ہوندن تے پکھیاں دے آلہنڑے پر مَیں اِبنِ آدم کیتے کوئی جاہ نئیں جِتھاں مَیں آپنڑا سر رکھ سگاں۔“

یُوحنّا 3:12

جِیں ویلے مَیں تُہاکُوں زمین دے گالھیں ڈسائیاں تے تُساں یقین نہ کیتا تاں جے مَیں تُہاکُوں اسمان دے گالھیں ڈساواں تاں تُساں کِینویں یقین کریسو؟