یُوحنّا 3:11 - کِتاب مُقدّس سرائیکی ترجمہ

¹¹ مَیں تیکُوں سچ آدھا ہاں جو جیہڑا کُجھ اساں جانڑدے ہیں، اُوہو آدھے ہیں، تے جِینکُوں اساں ڈِٹھے اُوندی گواہی ڈیندے ہاں، پر تُساں ساڈی گواہی قبول نئیں کریندے۔

یُوحنّا 3:11 Referans Kwoze

یُوحنّا 8:38

مَیں جیہڑا کُجھ آپنڑے باپ دے حضُور ڈِٹھے، تُہاکُوں اکھیندا ہاں تے تُساں وی اُوہو کریندے ہیوے جیہڑا تُساں آپنڑے باپ کنُوں سُنڑیا ہے۔“

یُوحنّا 14:24

جیہڑا میڈے نال محبت نئیں رکھیندا او میڈے کلام اُتے عمل نئیں کریندا۔ جیہڑا کلام تُساں سُنڑدے ہیوے او میڈا نئیں بلکہ باپ دا ہے جئیں میکُوں بھیجیا۔

یُوحنّا 12:49

کیوں جو مَیں آپنڑی طرفوں کُجھ نئیں آدھا بلکہ اسمانی باپ جئیں میکُوں بھیجیا ہے اُونہی میکُوں حُکم ڈِتے جو کیا آکھاں تے کیا بولاں۔

یُوحنّا 8:14

یسُوع جواب ءچ اُنہاں کُوں آکھیا، ”بھانویں مَیں آپ ای آپنڑی گواہی ڈیندا ہاں تاں وَل وی میڈی گواہی سچی ہے کیوں جو مَیں جانڑدا ہاں جو مَیں کِتھوں آیا ہاں تے کِتھاں ویندا ہاں۔ پر تُساں نئیں جانڑدے جو مَیں کِتھوں آندا ہاں یا کِتھاں ویندا ہاں۔

یُوحنّا 7:16

یسُوع جواب ءچ اُنہاں کُوں آکھیا، ”میڈی تعلیم میڈی نئیں بلکہ میڈے بھیجنڑ آلے دی ہے۔

یُوحنّا 1:18

خُدا کُوں کڈھائیں کہیں نئیں ڈِٹھا پر اِکلوتا پوتر جیہڑا باپ دی گود ءچ ہے، اُوں ای اُونکُوں ظاہر کیتا۔

2کُرِنتھِیوں 4:4

اِیں جہان دے خُدا یعنی شیطان غیر اِیمانداراں دی عقل کُوں اندھا کر ڈِتے تاں جو او خوشخبری دا نُور نہ ڈیکھ سگنڑ، جیہڑا مسیح دے جلال کُوں ظاہر کریندے یعنی مسیح دے جیہڑا خُدا دی صورت اُتے ہے۔

یُوحنّا 1:11

او اُوندے ءچ آیا جیہڑا اُوندا آپنڑا ہا پر اُوندے آپنڑیاں اُونکُوں قبول نہ کیتا،

لُوقا 10:22

میڈے باپ دی طرفوں سارا کُجھ میڈے سپُرد کیتا گِیا ہے تے کوئی نئیں جانڑدا جو پوتر کوݨ ہے سِوا باپ دے۔ تے کوئی نئیں جانڑدا جو باپ کوݨ ہے سِوا پوتر دے تے سِوا اُوں بندے دے جیندے اُتے پوتر اُونکُوں ظاہر کرݨ چاہندے۔“

مُکاشفہ 1:5

تے یسُوع مسیح دی طرفوں جیہڑا سچا گواہ تے مُردیاں ءچوں زندہ تھیوݨ آلیاں ءچوں پلوٹھا تے دُنیا دے بادشاہاں اُتے حُکمران ہے۔ او ساڈے نال محبت رکھیندے تے اُوں آپنڑے خون دے وسیلہ نال ساکُوں ساڈے گُناہاں تُوں رہائی بخشی،

اعمال 22:18

مَیں خُداوند کُوں ڈِٹھا تے ایہ آدھے سُنڑیا جو ’جلدی کر تے فوراً یروشلیم ءچوں نِکل وَنج کیوں جو او میڈے بارے ءچ تیڈی گواہی قبول نہ کریسن۔‘

یُوحنّا 5:43

مَیں آپنڑے باپ دے ناں تُوں آیا ہاں تے تُساں میکُوں قبول نئیں کریندے، پر جے کوئی بِیا آپنڑے ای ناں کنُوں آوے تاں تُساں اُونکُوں قبول کر گِھنسو۔

یُوحنّا 3:13

کوئی اسمان اُتے نئیں گِیا سوائے اُوندے جیہڑا اسمان کنُوں لتھے یعنی اِبنِ آدم۔

یُوحنّا 3:5

یسُوع جواب ڈِتا، ”مَیں تیکُوں سچ آدھا ہاں جو جئیں تئیں کوئی بندہ پانڑی تے رُوح نال پیدا نہ تھیوے او خُدا دی بادشاہی ءچ داخل نئیں تھی سگدا۔

یُوحنّا 3:3

یسُوع جواب ءچ اُونکُوں آکھیا، ”مَیں تیکُوں سچ آدھا ہاں جو جئیں تئیں کوئی نویں سرے تُوں پیدا نہ تھیوے، او خُدا دی بادشاہی کُوں ڈیکھ نئیں سگدا۔“

متّی 23:37

یروشلیم! یروشلیم! تُوں جیہڑا نبیاں کُوں قتل کریندیں تے جیہڑے تیڈے کولھ بھیجے گئے اُنہاں کُوں سنگسار کریندیں! مَیں کِتی پھیری ایہ چاہیا جو تیڈے بالاں کُوں اِینویں جمع کر گِھناں جِینویں مُرغی آپنڑے چُوچیاں کُوں آپنڑے پراں تلے جمع کر گِھندی ہے پر تُوں راضی نہ تھیّا۔

متّی 11:27

میڈے باپ دی طرفوں سبھ کُجھ میڈے سپُرد کیتا گِیا ہے تے کوئی پوتر کُوں نئیں جانڑدا سوائے باپ دے، تے نہ ای کوئی باپ کُوں جانڑدے سوائے پوتر دے یا او بندہ جیندے اُتے پوتر اُونکُوں ظاہر کرݨ چاہندے۔

مُکاشفہ 3:14

لَودِیکیہ دی کلیسیا دے فرشتہ کُوں لِکھ جو جیہڑا آمین ہے تے وفادار تے سچا گواہ تے جیندے وسیلے خُدا سبھ کُجھ بنڑائے، اُوہو ایہ فرمیندے جو

یُوحنّا 3:12

جِیں ویلے مَیں تُہاکُوں زمین دے گالھیں ڈسائیاں تے تُساں یقین نہ کیتا تاں جے مَیں تُہاکُوں اسمان دے گالھیں ڈساواں تاں تُساں کِینویں یقین کریسو؟

یُوحنّا 8:26

مَیں تُہاڈے خلاف بہُوں کُجھ آکھ سگدا ہاں تے فیصلہ کر سگدا ہاں پر میڈا بھیجنڑ آلا سچا ہے تے جیہڑا کُجھ مَیں اُوں کنُوں سُنڑیا ہے اُوہو دُنیا کُوں اکھیندا ہاں۔“