یُوحنّا 21:23 - کِتاب مُقدّس سرائیکی ترجمہ

²³ بس اِیمانداراں ءچ ایہ گالھ مشہور تھی گئی جو او شاگرد نہ مر سی۔ پر یسُوع ایہ نہ آکھیا ہا جو ”او نہ مرسی“ بلکہ ایہ آکھیا ہا، ”جے مَیں چاہواں جو او میڈے ولنڑ تئیں زندہ راہوے تاں اِیں گالھ نال تیکُوں کیا؟“

یُوحنّا 21:23 Referans Kwoze

اعمال 1:15

اُنہاں ڈینہاں ءچ پطرس بِھرانواں دی جماعت ءچ جیہڑے تقریباً ہِک سو وِیہہ دے نیڑے ہَن، کھڑا تھی تے آکھنڑ لگا،

متّی 16:27

کیوں جو اِبنِ آدم آپنڑے باپ دے جلال ءچ آپنڑے فرشتیاں نال آسی۔ اُوں ویلے ہر ہِک کُوں اُوندے کماں دے مطابق اجر ڈیسی۔

اعمال 6:3

اِیں واسطے بِھراؤ! آپنڑے ءچوں سَت نیک ناں بندے چُنڑ گِھنو جیہڑے رُوح القُدس تے دانائی نال بھرے ہووݨ جو اساں اُنہاں کُوں اِیں کم کیتے مقرر کرُوں۔

اعمال 28:14

اُتھاں ساکُوں کُجھ بِھرا مِلے۔ اُنہاں دی دعوت اُتے اساں سَت ڈینہہ تئیں اُنہاں دے کولھ ریہے۔ تے اِینویں اساں روم وَنج پُجے۔

1کُرِنتھِیوں 4:5

اِیں واسطے تُساں وقت کنُوں پہلے کہیں گالھ دا فیصلہ نہ کرو بلکہ خُداوند دے آوݨ دا انتظار کرو۔ جیہڑے گالھیں اندھارے ءچ لُکے ہوئے ہِن او اُنہاں کُوں روشنی ءچ گِھن آسی تے لوکاں دے دل دے منصوبے ظاہر کریسی۔ اُوں ویلے ہر ہِک دی تعریف خُدا دی طرفوں کیتی ویسی۔

1کُرِنتھِیوں 11:26

کیوں جو جِیں ویلے تُساں ایہ روٹی کھاندے تے اِیں پیالے ءچوں پِیندے ہیوے تاں خُداوند دی موت دا اعلان کریندے ہیوے جئیں تئیں او ولا نہ آوے۔

یعقُوب 5:7

اِیں کیتے بِھراؤ! خُداوند دے آوݨ تئیں صبر کرو۔ کِسان کُوں ڈیکھو، جیہڑا زمین ءچوں قیمتی پیداوار حاصل کرݨ کیتے خزاں تے بہار دے مینہ دا صبر نال اِنتظار کریندے۔

مُکاشفہ 2:25

سوائے اِیندے جو جیہڑا کُجھ تُہاڈے کولھ ہے، اُونکُوں میڈے آوݨ تئیں مضبوطی نال پکڑی رکھو۔