یُوحنّا 21:22 - کِتاب مُقدّس سرائیکی ترجمہ

²² یسُوع اُونکُوں آکھیا، ”جے مَیں چاہواں جو ایہ میڈے ولنڑ تئیں زندہ راہوے تاں اِیندے نال تیکُوں کیا؟ تُوں میڈے پِچُھوں ٹُر۔“

یُوحنّا 21:22 Referans Kwoze

مرقس 9:1

یسُوع شاگرداں کُوں آکھیا، ”مَیں تُہاکُوں سچ آدھا ہاں جو جیہڑے اِتھاں کھڑے ہِن، اُنہاں ءچوں کُجھ ایجھے ہِن جو جئیں تئیں خُدا دی بادشاہی کُوں قُدرت نال ظاہر تھیندا نہ ڈیکھ گِھننڑ، ہرگز نہ مرسن۔“

مُکاشفہ 2:25

سوائے اِیندے جو جیہڑا کُجھ تُہاڈے کولھ ہے، اُونکُوں میڈے آوݨ تئیں مضبوطی نال پکڑی رکھو۔

1کُرِنتھِیوں 4:5

اِیں واسطے تُساں وقت کنُوں پہلے کہیں گالھ دا فیصلہ نہ کرو بلکہ خُداوند دے آوݨ دا انتظار کرو۔ جیہڑے گالھیں اندھارے ءچ لُکے ہوئے ہِن او اُنہاں کُوں روشنی ءچ گِھن آسی تے لوکاں دے دل دے منصوبے ظاہر کریسی۔ اُوں ویلے ہر ہِک دی تعریف خُدا دی طرفوں کیتی ویسی۔

مُکاشفہ 3:11

ڈیکھ! مَیں جلدی آندا پِیا ہاں۔ جیہڑا کُجھ تیڈے کولھ ہے، اُونکُوں مضبوطی نال پکڑی رکھ تاں جو تیڈا تاج کوئی کَھس نہ گِھنے۔

یعقُوب 5:7

اِیں کیتے بِھراؤ! خُداوند دے آوݨ تئیں صبر کرو۔ کِسان کُوں ڈیکھو، جیہڑا زمین ءچوں قیمتی پیداوار حاصل کرݨ کیتے خزاں تے بہار دے مینہ دا صبر نال اِنتظار کریندے۔

1کُرِنتھِیوں 11:26

کیوں جو جِیں ویلے تُساں ایہ روٹی کھاندے تے اِیں پیالے ءچوں پِیندے ہیوے تاں خُداوند دی موت دا اعلان کریندے ہیوے جئیں تئیں او ولا نہ آوے۔

یُوحنّا 21:19

اُوں اِنہاں گالھیں تُوں اِشارہ کر ڈِتا جو پطرس کیجھی موت تُوں خُدا دا جلال ظاہر کریسی۔ تے ایہ آکھ تے اُونکُوں آکھیا، ”میڈے پِچُھوں تھی پو۔“

متّی 24:44

اِیں واسطے تُساں وی تیار راہو کیوں جو جِیں ویلے تُہاکُوں توقع وی نہ ہوسی اِبنِ آدم آ ویسی۔

مُکاشفہ 22:20

اِنہاں گالھیں دی گواہی ڈیوݨ آلا فرمیندے، ”بے شک مَیں جلدی آوݨ آلا ہاں۔“ ”آمین! ہا، اے خُداوند یسُوع آ۔“

مُکاشفہ 22:7

”ڈیکھ، مَیں جلدی آوݨ آلا ہاں۔ مُبارک ہے او جیہڑا اِیں نبُوّت دے گالھیں اُتے عمل کریندے۔“

مُکاشفہ 1:7

”ڈیکھو او بدلاں اُتے آوݨ آلا ہے تے ہر اکھ اُونکُوں ڈیکھسی جِنہاں اُونکُوں چھیدیا ہا او وی ڈیکھسن تے زمین دیاں سبھ قوماں اُوندے سببّوں دھاڑپِٹ کریسن ہا، اِینویں ای تھیوے۔ آمین۔“

متّی 25:31

جِیں ویلے اِبنِ آدم آپنڑے جلال ءچ آسی تے سارے فرشتے اُوندے نال آسن تاں او آپنڑے جلالی تخت اُتے بَہسی۔

متّی 24:27

کیوں جو جِینویں بجلی مشرق کنُوں چمک تے مغرب تئیں ڈِکھالی ڈیندی ہے، اُونویں ای اِبنِ آدم دا آوݨ ہوسی۔

متّی 24:3

وَل جِیں ویلے یسُوع زیتون دے پہاڑ اُتے بیٹھا ہا تاں اُوندے شاگرد کلھیپے ءچ اُوندے کولھ آ تے آکھنڑ لگے، ”ساکُوں ڈساؤ جو ایہ گالھیں کڈݨ تھیسن، تے تُہاڈی آمد تے دُنیا دے خاتمے دا نشان کیا ہوسی؟“

متّی 8:22

یسُوع اُونکُوں آکھیا، ”تُوں میڈے پِچُھوں آ، تے مُردیاں کُوں آپنڑے مُردے دفن کرݨ ڈے۔“

متّی 16:24

اُوں ویلے یسُوع آپنڑے شاگرداں کُوں آکھیا، ”جے کوئی میڈی پیروی کرݨ چاہندے تاں او آپنڑی خُودی دا اِنکار کرے تے آپنڑی صلیب چا تے میڈے پِچُھوں تھی پووے۔

یُوحنّا 21:21

پطرس اُونکُوں ڈیکھ تے یسُوع کُوں آکھیا، ”اے خُداوند! اِیں بندے دا کیا بنڑسی؟“

1تھِسّلُنیکیوں 2:19

آخر ساڈی اُمید تے خوشی تے فخر دا تاج کیا ہے؟ خُداوند یسُوع دے واپس آوݨ ویلے جڈاں اساں اُوندے سامنڑے پیش تھیسوں تاں ساڈی اُمید یا خوشی یا او تاج جیندے اُتے اساں فخر کریسوں، کیا او تُساں ای نئیں؟

یعقُوب 5:8

تُساں وی صبر کرو تے دِلاں کُوں مضبوط رکھو کیوں جو خُداوند دی آمد نیڑے ہے۔