یُوحنّا 21:18 - کِتاب مُقدّس سرائیکی ترجمہ

¹⁸ مَیں تیکُوں سچ آدھا ہاں جو جِیں ویلے تُوں جوان ہَویں تاں آپ ای آپنڑی چیل بدھیندا ہَویں تے جِتھاں دل آدھا ہا ٹُر پوندا ہَویں۔ پر جِیں ویلے تُوں بُڈھا تھی ویسیں تاں تُوں آپنڑے ہتھ ودھیسیں تے کوئی ڈُوجھا تیڈی چیل بدھیسی تے جِتھاں تُوں ونجنڑ وی نہ چاہسیں، تیکُوں گِھن ویسی۔“

یُوحنّا 21:18 Referans Kwoze

یُوحنّا 13:36

شمعون پطرس اُونکُوں آکھیا، ”مالک! تُساں کِتھاں ویندے ہیوے؟“ یسُوع جواب ڈِتا ”جِتھاں مَیں ویندا ہاں ہُنڑ تاں تُوں میڈے پِچُھوں نئیں آ سگدا پر بعد ءچ میڈے پِچُھوں آسیں۔“

اعمال 21:11

اُوں ساڈے کولھ آ تے پولُس دا کمر بند گِھدا تے اُوندے نال آپنڑے ہتھ پیر بَدھ تے آکھنڑ لگا، ”رُوح القُدس فرمیندے جو یروشلیم دے یہُودی اِیں کمر بند دے مالک کُوں اِینویں بَدھ تے غیر قوماں دے حوالے کر ڈیسن۔“

2کُرِنتھِیوں 5:4

اساں اِیں تمبُو ءچ راہندے ہوئے بھار تلے کراہندے ہیں اِیں واسطے نئیں جو اساں اِیں بدن کُوں چھوڑن چاہندے ہیں بلکہ اِیں واسطے جو ڈُوجھا بدن کپڑیاں وانگُوں پا گِھننڑ چاہندے ہیں تاں جو جیہڑا فانی ہے او ابدی زندگی ءچ غرق تھی ونجے۔

لُوقا 12:37

او نوکر مُبارک ہِن، جِنہاں کُوں اُنہاں دا مالک آ تے جاگدا ڈیکھے۔ مَیں تُہاکُوں سچ آدھا ہاں جو او خود تیار تھی تے اُونکُوں دسترخوان اُتے بِلھیسی تے اُنہاں دی خدمت کرݨ لگ ویسی۔

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔

یُوحنّا 21:19

اُوں اِنہاں گالھیں تُوں اِشارہ کر ڈِتا جو پطرس کیجھی موت تُوں خُدا دا جلال ظاہر کریسی۔ تے ایہ آکھ تے اُونکُوں آکھیا، ”میڈے پِچُھوں تھی پو۔“