یُوحنّا 21:16 - کِتاب مُقدّس سرائیکی ترجمہ

¹⁶ یسُوع اُونکُوں ولا آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ اُوں آکھیا، ”ہاں خُداوند تُساں تاں جانڑدے ای ہیوے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں دی رکھوالی کر۔“

یُوحنّا 21:16 Referans Kwoze

اعمال 20:28

بس آپنڑا تے آپنڑے سارے اِجڑ دا خیال رکھو جیندے تُساں رُوح القُدس دی طرفوں نگہبان مقرر کیتے گئے ہیوے تاں جو خُدا دی کلیسیا دی نگہبانی کرو، جِینکُوں اُوں آپنڑے پوتر دے خون نال مُل گِھدے۔

1 پطرس 5:2

تُساں خُدا دے اِجڑ دی نگہبانی کرو، جیہڑا تُہاڈے سپُرد کیتا گئے۔ ایہ خدمت مجبوری نال نئیں بلکہ خُدا دی مرضی دے مطابق خوشی نال، مال دولت دے لالچ کیتے نئیں بلکہ دِلی شوق نال کرو۔

1 پطرس 2:25

پہلے تُساں بھیڈاں وانگُوں آوارہ پِھردے ہَوے پر ہُنڑ آپنڑیاں جاناں دے آجڑی تے نگہبان دے کولھ واپس آ گئے ہیوے۔

عبرانیوں 13:20

اِطمینان دا خُدا جئیں اُوں ابدی عہد قائم کرݨ آلے خون دے ذریعے بھیڈاں دے عظیم آجڑی یعنی ساڈے خُداوند یسُوع کُوں مُردیاں ءچوں زندہ کیتا،

یُوحنّا 18:25

جِیں ویلے شمعون پطرس کھڑا بھاہ سکیندا پِیا ہا تاں کہیں اُوں کنُوں پُچھیا، ”کیا تُوں وی اُوندے شاگرداں ءچوں ہیں؟“ اُوں اِنکار کریندے ہوئے آکھیا، ”مَیں نئیں۔“

یُوحنّا 18:17

دربان عورت پطرس کنُوں پُچھیا، ”کیا تُوں وی اُوں بندے دے شاگرداں ءچوں ہیں؟“ اُوں آکھیا، ”مَیں نئیں۔“

لُوقا 19:10

کیوں جو اِبنِ آدم گُم تھئے ہوئیاں کُوں گولھنڑ تے نجات ڈیوݨ آیا ہے۔“

متّی 26:72

اُوں قَسم چا تے ولا اِنکار کیتا جو ”مَیں تاں اِیں بندے کُوں نئیں جانڑدا۔“

متّی 25:32

وَل ساریاں قوماں اُوندے حضُور جمع کیتیاں ویسن تے او لوکاں کُوں ہِک ڈُوجھے کنُوں اِینویں اَنج کریسی جِینویں آجڑی بھیڈاں کُوں بکریاں کنُوں اَنج کریندے۔

متّی 2:6

’بیت لحم! یہُوداہ دے علاقے، تُوں یہُوداہ دے حاکماں ءچوں ہرگز چھوٹا نئیں کیوں جو تیڈے ءچوں ہِک حاکم اُٹھسی جیہڑا آجڑی آلی کار میڈی اُمت اِسرائیل دی نگہبانی کریسی‘۔“

مُکاشفہ 7:17

کیوں جو او لیلا جیہڑا تخت دے اَدھ ءچ ہے، اُنہاں دا آجڑی ہوسی تے اُنہاں کُوں زندگی دے پانڑی دے چشمیاں تئیں گِھن ویسی۔ تے خُدا اُنہاں دے اکھیں دے سارے ہنجُو پُونجھ ڈیسی۔“

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔