یُوحنّا 20:8 - کِتاب مُقدّس سرائیکی ترجمہ

⁸ وَل او ڈُوجھا شاگرد وی جیہڑا قبر اُتے پہلے پُجیا ہا، اندر داخل تھیّا، تے اُوں ڈیکھ تے یقین کیتا۔

یُوحنّا 20:8 Referans Kwoze

یُوحنّا 20:25

باقی شاگرداں اُونکُوں ڈسایا جو اساں خُداوند کُوں ڈِٹھے۔ پر اُوں اُنہاں کُوں آکھیا، ”جئیں تئیں مَیں اُوندے ہتھاں ءچ کِیلاں دے سوراخ نہ ڈیکھ گِھناں تے آپنڑی انگل اُنہاں ءچ نہ پا گِھناں تے آپنڑا ہتھ اُوندی پسلی ءچ نہ پا گِھناں، اُوں ویلے تئیں یقین نہ کریساں۔“

یُوحنّا 20:4

او ڈوہائیں کٹھے بھجے پر او ڈُوجھا شاگرد پطرس کنُوں اگُوں نِکل گِیا تے قبر اُتے پہلے پُجیا۔

یُوحنّا 20:29

یسُوع اُونکُوں آکھیا، ”تُوں تاں ڈیکھ تے میڈے اُتے اِیمان گِھن آئیں۔ مُبارک او ہِن جیہڑے میکُوں بغیر ڈِٹھے اِیمان گِھن آئے ہِن۔“

یُوحنّا 1:50

یسُوع جواب ءچ اُونکُوں آکھیا، ”کیا تُوں ایہ سُنڑ تے جو مَیں تیکُوں ہنجیر دے درخت دے تلے ڈِٹھا ہا، اِیں واسطے اِیمان گِھن آئیں؟ تُوں اِیں کنُوں وی وڈے وڈے کم ڈیکھسیں۔“

لُوقا 16:31

اُوں اُونکُوں آکھیا، ’جے او مُوسیٰ تے نبیاں دی نئیں سُنڑدے تاں جے کوئی مُردیاں ءچوں زندہ تھی ونجے تاں اُوندی وی نہ سُنڑسن‘۔“