یُوحنّا 20:29 - کِتاب مُقدّس سرائیکی ترجمہ

²⁹ یسُوع اُونکُوں آکھیا، ”تُوں تاں ڈیکھ تے میڈے اُتے اِیمان گِھن آئیں۔ مُبارک او ہِن جیہڑے میکُوں بغیر ڈِٹھے اِیمان گِھن آئے ہِن۔“

یُوحنّا 20:29 Referans Kwoze

1 پطرس 1:8

تُساں یسُوع کُوں نئیں ڈِٹھا وَل وی اُوندے نال محبت کریندے ہیوے۔ بھانویں تُساں اِیں وقت اُونکُوں نئیں ڈیدھے، وَل وی اُوندے اُتے اِیمان رکھیندے ہوئے ایجھی خوشی منیندے ہیوے جیہڑی بیان تُوں باہر تے جلال آلی ہے۔

2کُرِنتھِیوں 5:7

کیوں جو اساں اِیمان ءچ ٹُردے ہیں نہ جو اکھیں نال ڈیکھنڑ نال۔

عبرانیوں 11:1

اِیمان، اُمید کیتی ہوئی چیزاں دے بارے ءچ اعتماد تے اَن ڈِٹھے چیزاں دا یقین ہے۔

عبرانیوں 11:27

اِیمان دی وجہ کنُوں ای اُوں بادشاہ دی کاوڑ کنُوں خوف نہ کھادا تے مِصر چھوڑ ڈِتا۔ او اِینویں ثابت قدم ریہا جِینویں اَن ڈِٹھے خُدا کُوں ڈِٹھا ہووے۔

لُوقا 1:45

مُبارک ہیں تُوں جیہڑی اِیمان گِھن آئی جو جیہڑے گالھیں خُداوند دی طرفوں تیکُوں آکھیاں گئیاں ہَن او پُوریاں تھیسن۔“

یُوحنّا 4:48

یسُوع اُونکُوں آکھیا، ”جئیں تئیں تُساں لوک معجزہ تے عجیب کم نہ ڈیکھ گِھنو، اصلُوں اِیمان نہ گِھن آسو۔“

یُوحنّا 20:8

وَل او ڈُوجھا شاگرد وی جیہڑا قبر اُتے پہلے پُجیا ہا، اندر داخل تھیّا، تے اُوں ڈیکھ تے یقین کیتا۔

عبرانیوں 11:39

اُنہاں ساریاں دے اِیمان دی وجہ کنُوں اُنہاں دے حق ءچ چنگی گواہی ڈِتی گئی پر اُنہاں کُوں وعدہ کیتی ہوئی چیز نہ مِلی۔

متّی 13:16

پر تُہاڈے اکھیں مُبارک ہِن کیوں جو او ڈیدھیاں ہِن تے تُہاڈے کَن مُبارک ہِن اِیں واسطے جو او سُنڑدے ہِن۔

یُوحنّا 20:28

توما اُونکُوں آکھیا، ”میڈے خُداوند! میڈے خُدا!“