یُوحنّا 20:26 - کِتاب مُقدّس سرائیکی ترجمہ

²⁶ اَٹھ ڈینہہ بعد یسُوع دے شاگرد ہِک پھیری ولا گھر دے اندر ہَن تے توما وی اُنہاں دے نال ہا۔ دروازے بند ہَن، پر یسُوع آ تے اُنہاں دے وچال کھڑا تھی گِیا تے آکھیا، ”تُہاڈی سلامتی ہووے!“

یُوحنّا 20:26 Referans Kwoze

یُوحنّا 20:19

وَل اُوں ڈینہہ جیہڑا ہفتے دا پہلا ڈینہہ ہا، شام دے وقت جِیں ویلے شاگرد ہِک جاہ جمع ہَن تے یہُودیاں دے ڈر کنُوں دروازے بند ہَن، یسُوع آ تے اُنہاں دے وچال آ کھڑا تھیّا تے آکھیا، ”تُہاڈی سلامتی ہووے۔“

یُوحنّا 20:21

یسُوع اُنہاں کُوں ولا آکھیا، ”تُہاڈی سلامتی ہووے! جِینویں باپ میکُوں بھیجیا ہے، اُونویں ای مَیں تُہاکُوں بھجیندا ہاں۔“

یُوحنّا 14:27

مَیں تُہاکُوں اِطمینان ڈِتی ویندا ہاں، آپنڑا اِطمینان تُہاکُوں ڈیندا ہاں۔ ایہ ایجھا اِطمینان نئیں جیہڑا دُنیا ڈیندی ہے۔ تُہاڈا دل نہ گھبراوے تے نہ ڈرے۔

لُوقا 9:28

وَل اِنہاں گالھیں دے تقریباً اَٹھ ڈینہہ بعد یسُوع پطرس تے یُوحنّا تے یعقُوب کُوں نال گِھن تے پہاڑ اُتے دُعا کرݨ گِیا۔

متّی 17:1

چِھی ڈینہہ بعد یسُوع پطرس، یعقُوب تے یعقُوب دے بِھرا یُوحنّا کُوں نال گِھدا تے اُنہاں کُوں ہِک اُچے پہاڑ اُتے اَنج گِھن گِیا۔

مرقس 16:14

وَل یسُوع اُنہاں یارہاں شاگرداں اُتے جِیں ویلے او کھانڑا کھاوݨ بیٹھے ہَن ظاہر تھیّا۔ اُوں اُنہاں دی بےاعتقادی تے سخت دِلی اُتے اُنہاں کُوں ملامت کیتی، کیوں جو جِنہاں اُوندے زندہ تھیوݨ تُوں بعد اُونکُوں ڈِٹھا ہا اُنہاں، اُنہاں دا یقین نہ کیتا ہا۔

لُوقا 24:36

او ایہ گالھیں کریندے ای پئے ہَن جو یسُوع خود اُنہاں دے وچال آ کھڑا تھیّا تے آکھیا، ”تُہاڈی سلامتی ہووے۔“

یُوحنّا 11:16

وَل توما جِینکُوں جاڑا آدھے ہَن باقی شاگرداں کُوں آکھنڑ لگا جو ”آؤ اساں وی جُلوں تاں جو اُوندے نال مرُوں۔“

یُوحنّا 21:1

اِنہاں گالھیں دے بعد یسُوع ہِک پھیری وَل آپنڑے آپ کُوں شاگرداں اُتے تِبریاس دی جھیل دے کنارے ظاہر کیتا۔ تے اِینویں ظاہر کیتا۔

یُوحنّا 21:14

یسُوع مُردیاں ءچوں زندہ تھی ونجنڑ دے بعد ایہ تریجھی پھیری آپنڑے شاگرداں اُتے ظاہر تھیّا۔

اعمال 1:3

ڈُکھ سہنڑ تُوں بعد اُوں آپنڑے آپ کُوں رسُولاں اُتے ظاہر کر تے، آپنڑے زندہ ہووݨ دے بہُوں سارے ثبوت ڈِتے۔ چالیہہ ڈینہہ تئیں او اُنہاں کُوں نظر آندا تے خُدا دی بادشاہی دے بارے ءچ ڈسیندا ریہا۔