یُوحنّا 20:25 - کِتاب مُقدّس سرائیکی ترجمہ

²⁵ باقی شاگرداں اُونکُوں ڈسایا جو اساں خُداوند کُوں ڈِٹھے۔ پر اُوں اُنہاں کُوں آکھیا، ”جئیں تئیں مَیں اُوندے ہتھاں ءچ کِیلاں دے سوراخ نہ ڈیکھ گِھناں تے آپنڑی انگل اُنہاں ءچ نہ پا گِھناں تے آپنڑا ہتھ اُوندی پسلی ءچ نہ پا گِھناں، اُوں ویلے تئیں یقین نہ کریساں۔“

یُوحنّا 20:25 Referans Kwoze

یُوحنّا 6:30

بس اُنہاں اُوں کنُوں پُچھیا، ”وَل تُساں کیہڑا معجزہ ڈکھیسو جِینکُوں ڈیکھ تے اساں تُہاڈے اُتے اِیمان گِھن آؤں؟ تُساں کیہڑا کم کریسو؟

مرقس 16:11

اُنہاں ایہ سُنڑ تے جو یسُوع زندہ ہے تے اُونکُوں ڈِکھالی ڈِتے، یقین نہ کیتا۔

عبرانیوں 3:18

تے خُدا کیندے بارے ءچ قَسم کھا تے آکھیا جو او اُوں جاہ ءچ کڈھائیں داخل نہ تھیسن جِتھاں مَیں اُنہاں کُوں ارام ڈیونڑا ہا؟ کیا ایہ اُوہو نئیں جِنہاں نافرمانی کیتی ہئی؟

عبرانیوں 3:12

بِھراؤ، خبردار راہو جو تُہاڈے ءچوں کہیں دا دل بُرائی پارُوں تے اِیمان نہ رکھنڑ پارُوں زندہ خُدا تُوں پِھر نہ ونجے۔

یُوحنّا 21:7

وَل اُوں شاگرد جِینکُوں یسُوع عزیز رکھیندا ہا، پطرس کُوں آکھیا، ”ایہ تاں خُداوند ہے۔“ جِینویں ای شمعون پطرس ایہ سُنڑیا جو ایہ خُداوند ہے اُوں آپنڑا چولا چیل نال بدھیا کیوں جو اُوں اُونکُوں کم کیتے لہایا ہویا ہا تے پانڑی ءچ ٹپّا مار ڈِتا۔

یُوحنّا 1:41

اندریاس پہلا کم ایہ کیتا جو آپنڑے بِھرا شمعون کُوں گولھ تے اُونکُوں آکھیا جو ”ساکُوں المسیح مِل گِیا ہے۔“ (مسیح دا مطلب خُدا دا چُنڑیا ہویا بادشاہ ہے۔)

لُوقا 24:25

یسُوع اُنہاں کُوں آکھیا، ”نادانو تے نبیاں دے سبھ گالھیں کُوں مننڑ ءچ سُست لوکو!

متّی 27:42

”اِیں ڈُوجھیاں کُوں بچائے پر آپنڑے آپ کُوں نئیں بچا سگدا۔ جے ایہ اِسرائیل دا بادشاہ ہے تاں ہُنڑیں صلیب تُوں لہہ آوے۔ وَل اساں اِیندے اُتے اِیمان گِھن آسُوں۔

مرقس 16:13

اُنہاں وی وَنج تے باقی لوکاں کُوں خبر ڈِتی پر اُنہاں، اُنہاں دا وی یقین نہ کیتا۔

مرقس 16:14

وَل یسُوع اُنہاں یارہاں شاگرداں اُتے جِیں ویلے او کھانڑا کھاوݨ بیٹھے ہَن ظاہر تھیّا۔ اُوں اُنہاں دی بےاعتقادی تے سخت دِلی اُتے اُنہاں کُوں ملامت کیتی، کیوں جو جِنہاں اُوندے زندہ تھیوݨ تُوں بعد اُونکُوں ڈِٹھا ہا اُنہاں، اُنہاں دا یقین نہ کیتا ہا۔

یُوحنّا 20:27

وَل اُوں توما کُوں آکھیا، ”آپنڑی انگل اِتھاں رکھ تے میڈے ہتھاں کُوں ڈیکھ تے آپنڑا ہتھ ودھا تے میڈی پسلی ءچ پا۔ بےاعتقاد نہ تھی بلکہ اعتقاد رکھ۔“