یُوحنّا 20:13 - کِتاب مُقدّس سرائیکی ترجمہ

¹³ فرشتیاں اُونکُوں آکھیا، ”بی بی! تُوں کیوں روندی ہیں؟“ اُوں آکھیا، ”او میڈے مالک کُوں چا تے گِھن گئے ہِن تے میکُوں پتہ نئیں جو اُونکُوں کِتھاں رکھے۔“

یُوحنّا 20:13 Referans Kwoze

یُوحنّا 20:15

یسُوع اُونکُوں آکھیا، ”بی بی! تُوں کیوں روندی ہیں؟ کِینکُوں گولھیندی ہیں؟“ اُوں سمجھیا جو شاید او مالی ہے تاں اُونکُوں آکھیا، ”میاں! جے تُوں اُونکُوں اِتُھوں چا تے تاں میکُوں ڈسا ڈے جو اُونکُوں کِتھاں رکھے تاں جو مَیں اُونکُوں گِھن وَنجاں۔“

یُوحنّا 2:4

یسُوع اُونکُوں آکھیا، ”ماء! میکُوں ایہ کیوں آدھی ہیں؟ اجنڑ میڈا وقت نئیں آیا۔“

اعمال 21:13

پر پولُس جواب ڈِتا، ”تُساں ایہ کیا کریندے ہیوے؟ کیوں رو رو تے میڈا دل تُڑیندے ہیوے؟ مَیں یروشلیم ءچ خُداوند یسُوع دے ناں دی خاطر صرف بدھیجنڑ کیتے ای نئیں بلکہ مرݨ کیتے وی تیار ہاں۔“

یُوحنّا 20:2

بس او شمعون پطرس تے اُوں ڈُوجھے شاگرد دے کولھ بھج تے گئی جِینکُوں یسُوع عزیز رکھیندا ہا تے اُنہاں کُوں آکھیا، ”او مالک کُوں قبر ءچوں کڈھ تے گِھن گئے ہِن تے ساکُوں پتہ نئیں جو اُونکُوں کِتھاں رکھ ڈِتے۔“

یُوحنّا 19:26

یسُوع آپنڑی ماء کُوں تے آپنڑے اُوں شاگرد کُوں جِینکُوں او عزیز رکھیندا ہا نیڑے کھڑے ڈِٹھا تاں ماء کُوں آکھیا، ”ماء! ڈیکھ ایہ تیڈا پوتر ہے۔“

لُوقا 24:17

یسُوع اُنہاں کُوں آکھیا، ”تُساں آپس ءچ کیا گالھیں کریندے ویندے ہیوے؟“ او پریشان کھڑے تھی گئے۔