یُوحنّا 2:4 - کِتاب مُقدّس سرائیکی ترجمہ

⁴ یسُوع اُونکُوں آکھیا، ”ماء! میکُوں ایہ کیوں آدھی ہیں؟ اجنڑ میڈا وقت نئیں آیا۔“

یُوحنّا 2:4 Referans Kwoze

یُوحنّا 7:6

بس یسُوع اُنہاں کُوں آکھیا، ”میڈا مقررہ وقت اجنڑ نئیں آیا پر تُہاڈے کیتے سارا وقت مناسب ہے۔

یُوحنّا 13:1

عید ِ فسح شروع تھیوݨ آلی ہئی تے یسُوع کُوں معلوم ہا جو اُوندا دُنیا تُوں رُخصت تھی تے باپ کولھ ونجنڑ دا ویلا آ گئے۔ او آپنڑے لوکاں نال جیہڑے دُنیا ءچ ہَن محبت رکھیندا ہا تے آخر تئیں محبت رکھیندا ریہا۔

یُوحنّا 8:20

یسُوع ایہ گالھیں ہیکل ءچ ہدیہ پاوݨ آلی جاہ دے نیڑے تعلیم ڈیندے ویلے آکھیاں، پر کہیں اُونکُوں نہ پکڑیا کیوں جو اجنڑ اُوندا وقت نہ آیا ہا۔

یُوحنّا 7:30

اِیں گالھ تے لوک اُونکُوں پکڑن دی کوشش کرݨ لگے پر کہیں اُوندے اُتے ہتھ نہ پایا کیوں جو اجنڑ اُوندا وقت نہ آیا ہا۔

یُوحنّا 12:23

یسُوع جواب ڈِتا، ”اِبنِ آدم دا جلال ظاہر تھیوݨ دا وقت آ گِیا ہے۔

متّی 8:29

او چیخ تے آکھنڑ لگے، ”خُدا دے پوتر! ساکُوں تیڈے نال کیا کم؟ کیا تُوں وقت تُوں پہلے ای ساکُوں عذاب ءچ سٹنڑ آیا ہیں؟“

یُوحنّا 20:15

یسُوع اُونکُوں آکھیا، ”بی بی! تُوں کیوں روندی ہیں؟ کِینکُوں گولھیندی ہیں؟“ اُوں سمجھیا جو شاید او مالی ہے تاں اُونکُوں آکھیا، ”میاں! جے تُوں اُونکُوں اِتُھوں چا تے تاں میکُوں ڈسا ڈے جو اُونکُوں کِتھاں رکھے تاں جو مَیں اُونکُوں گِھن وَنجاں۔“

یُوحنّا 20:13

فرشتیاں اُونکُوں آکھیا، ”بی بی! تُوں کیوں روندی ہیں؟“ اُوں آکھیا، ”او میڈے مالک کُوں چا تے گِھن گئے ہِن تے میکُوں پتہ نئیں جو اُونکُوں کِتھاں رکھے۔“

لُوقا 2:49

اُوں اُنہاں کُوں آکھیا، ”تُساں میکُوں کیوں گولھیندے پئے ہَوے؟ کیا تُہاکُوں پتہ نہ ہا جو میکُوں آپنڑے باپ دے گھر ہووݨ لازم ہے؟“

متّی 15:28

وَل یسُوع اُونکُوں جواب ڈِتا، ”عورت! تیڈا اِیمان بہُوں وڈا ہے۔ جِینویں تُوں چاہندی ہیں تیڈے کیتے اُونویں ای ہووے۔“ تے اُوندی دِھی اُوں ویلے ای شِفا پائی۔

2کُرِنتھِیوں 5:16

بس ہُنڑ اساں کہیں کُوں دُنیاوی نظر نال نئیں ڈیدھے۔ ہا، بےشک ہِک وقت اساں مسیح کُوں وی اُونویں ای ڈِٹھا ہا پر ہُنڑ اُونکُوں اِینویں نئیں ڈیدھے۔

یُوحنّا 2:3

جِیں ویلے انگُور دا رَس ختم تھی گِیا تاں یسُوع دی ماء اُونکُوں آکھیا جو ”اُنہاں دے کولھ انگُور دا رَس مُک گِیا ہے۔“

یُوحنّا 7:8

تُساں عید ءچ ونجو۔ مَیں اجنڑ اِیں عید ءچ نئیں ویندا، کیوں جو حالی تئیں میڈا وقت نئیں آیا۔“