یُوحنّا 2:24 - کِتاب مُقدّس سرائیکی ترجمہ

²⁴ پر یسُوع کُوں اُنہاں اُتے اعتبار نہ ہا، اِیں کیتے جو او ساریاں کُوں جانڑدا ہا۔

یُوحنّا 2:24 Referans Kwoze

یُوحنّا 6:64

پر تُہاڈے ءچوں کُجھ ایجھے ہِن جیہڑے اِیمان نئیں گِھن آئے۔“ (کیوں جو یسُوع شروع کنُوں جانڑدا ہا جو اِیمان نہ گِھن آوݨ آلے کوݨ ہِن تے کوݨ میکُوں پکڑویسی۔)

عبرانیوں 4:13

کائنات دی کوئی چیز خُدا دی نظر کنُوں لُکی ہوئی نئیں، بلکہ جیندے حضُور ءچ ساکُوں جواب ڈیونڑے، اُوندی نظر ءچ ہر چیز بے نقاب تے ظاہر ہے۔

اعمال 1:24

تے ایہ آکھ تے دُعا کیتی جو ”اے خُداوند! تُوں جیہڑا سبھ دے دِلاں کُوں جانڑدا ہیں، ساڈے اُتے ظاہر کر جو اِنہاں ڈوہائیں ءچوں تُوں کِینکُوں چُنڑیا ہے،

متّی 9:4

یسُوع اُنہاں دے خیال جاݨ گِھدے تے آکھیا جو ”تُساں آپنڑے دل ءچ بُرے گالھیں کیوں سوچیندے ہیوے؟

یُوحنّا 16:30

ہُنڑ اساں جاݨ گئے ہیں جو تُساں سبھ کُجھ جانڑدے ہیوے تے اِیندے مُتھاج نئیں جو کوئی تُہاکُوں پُچھے، اِیں سببّوں اساں اِیمان گِھن آئے ہیں جو تُساں خُدا ءچوں نِکلے ہیوے۔“

یُوحنّا 5:42

پر مَیں تُہاکُوں جانڑدا ہاں جو تُہاڈے ءچ خُدا دی محبت نئیں۔

مُکاشفہ 2:23

ہا، مَیں اُوں عورت دے فرزنداں کُوں جان کنُوں مار ڈیساں۔ وَل ساریاں کلیسیاواں کُوں پتا لگ ویسی جو مَیں ای ہاں جیہڑا دِلاں تے ذہناں کُوں پرکھدا ہاں تے مَیں تُہاڈے ءچوں ہر ہِک کُوں اُوندے کماں دے مطابق بدلہ ڈیساں۔

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔

مرقس 2:8

یسُوع آپنڑی رُوح ءچ فوراً جاݨ گِھدا جو او آپنڑے دِلاں ءچ کیا سوچیندے ہِن تے اُنہاں کُوں آکھیا، ”تُساں کیوں آپنڑے دِلاں ءچ ایہ گالھیں سوچیندے ہیوے؟

یُوحنّا 6:15

بس یسُوع ایہ معلوم کر تے جو او میکُوں زبردستی پکڑ تے بادشاہ بنڑاوݨ چاہندے ہِن، وَل کلھا پہاڑ دو روانہ تھی گِیا۔

یُوحنّا 1:42

او اُونکُوں یسُوع دے کولھ گِھن آیا۔ یسُوع اُوندے اُتے نِگاہ کیتی تے آکھیا، ”تُوں یُوحنّا دا پوتر شمعون ہیں۔ ہُنڑ کنُوں تیڈا ناں کیفا ہوسی۔“ (کیفا دا ترجمہ پطرس ہے جِیندا مطلب پتھر ہے۔)

اعمال 15:8

تے خُدا جیہڑا دِلاں دا حال جانڑدے، اُنہاں کُوں وی ساڈے آلی کار رُوح القُدس ڈے تے گواہی ڈِتی جو اُوں اُنہاں کُوں قبول کر گِھدے،

یُوحنّا 4:16

یسُوع اُونکُوں آکھیا، ”وَنج تے آپنڑے پئے کُوں اِتھاں سڈ آ۔“