یُوحنّا 2:16 - کِتاب مُقدّس سرائیکی ترجمہ

¹⁶ تے کبوتر فروشاں کُوں آکھیا، ”اِنہاں کُوں اِتُھوں گِھن ونجو۔ میڈے باپ دے گھر کُوں مَنڈی نہ بنڑاؤ۔“

یُوحنّا 2:16 Referans Kwoze

متّی 21:13

تے اُنہاں کُوں آکھیا، ”لِکھیا ہے جو ’میڈا گھر دُعا دا گھر اکھویسی،‘ پر تُساں اُونکُوں ’ڈاکواں دا ڈیرہ بنڑا ڈِتے‘۔“

مرقس 11:17

تے تعلیم ڈیندے ہوئے اُنہاں کُوں آکھیا، ”کیا ایہ نئیں لِکھیا جو ’میڈا گھر سبھ قوماں کیتے دُعا دا گھر اکھویسی؟‘ پر تُساں اُونکُوں ’ڈاکواں دا ڈیرہ بنڑا ڈِتے‘۔“

لُوقا 2:49

اُوں اُنہاں کُوں آکھیا، ”تُساں میکُوں کیوں گولھیندے پئے ہَوے؟ کیا تُہاکُوں پتہ نہ ہا جو میکُوں آپنڑے باپ دے گھر ہووݨ لازم ہے؟“

2 پطرس 2:3

لالچ دے سببّوں ایہ اُستاد فرضی گالھیں سُنڑا تے تُہاڈے تُوں ناجائز فائدہ چیسن۔ پر اُنہاں دی سزا دا حُکم بہُوں پہلے کنُوں تھی گئے، تے او سزا تیار ہے تے اُنہاں دی ہلاکت ءچ دیر نہ تھیسی۔

یُوحنّا 5:17

پر یسُوع اُنہاں کُوں آکھیا جو ”میڈا باپ ہُنڑ تئیں آپنڑا کم کریندے تے مَیں وی کریندا ہاں۔“

1 تِیمُتھِیُس 6:5

تے اُنہاں لوکاں ءچ جِنہاں دی عقل وِگڑ گئی ہے، جھیڑے پیدا تھیندے ہِن۔ سچائی اُنہاں کنُوں چِھک گِھدی گئی ہے تے او دینداری کُوں نفع دا ذریعہ سمجھدے ہِن۔

یُوحنّا 20:17

یسُوع اُونکُوں آکھیا، ”میکُوں پکڑی نہ رکھ کیوں جو مَیں حالی تئیں باپ دے کولھ اُتے نئیں گِیا، بلکہ وَنج تے میڈے بِھرانواں کُوں ڈسا جو مَیں آپنڑے باپ تے آپنڑے خُدا دے کولھ ویندا ہاں جیہڑا تُہاڈا وی باپ تے خُدا ہے۔“

یُوحنّا 10:29

میڈا باپ جئیں اُنہاں کُوں میڈے سپُرد کیتے ساریاں کنُوں وڈا ہے تے کوئی اُنہاں کُوں میڈے باپ دے ہتھ کنُوں نئیں کَھس سگدا۔

یُوحنّا 8:49

یسُوع جواب ڈِتا، ”میڈے ءچ بدرُوح نئیں پر مَیں آپنڑے باپ دی عزت کریندا ہاں تے تُساں میڈی بے عزتی کریندے ہیوے۔

متّی 21:12

یسُوع ہیکل ءچ داخل تھیّا تے اُنہاں ساریاں کُوں جیہڑے اُتھاں خرید و فروخت کریندے پئے ہَن باہر کڈھ ڈِتا، تے پیسے بدلاوݨ آلیاں دیاں میزاں تے کبوتر ویچنڑ آلیاں دے کُھڈے اُلٹ ڈِتے۔

متّی 22:5

پر اُنہاں کوئی پرواہ نہ کیتی تے ٹُر پئے۔ کوئی آپنڑی رَڑھ کُوں، کوئی آپنڑے کاروبار ءچ لگ گِیا۔

یُوحنّا 2:15

تے رسیاں دا کوڑا بنڑا تے بھیڈاں تے ڈانداں سمیت ساریاں کُوں ہیکل ءچوں کڈھ ڈِتا۔ اُوں پیسے بدلاوݨ آلیاں دے سِکے کِھنڈا ڈِتے، تے اُنہاں دے پھٹے پُٹھے کر ڈِتے،