یُوحنّا 19:42 - کِتاب مُقدّس سرائیکی ترجمہ

⁴² بس اُنہاں یہُودیاں دی تیاری دے ڈینہہ دی وجہ کنُوں یسُوع کُوں اُتھاں رکھ ڈِتا کیوں جو ایہ قبر نیڑے ہئی۔

یُوحنّا 19:42 Referans Kwoze

یُوحنّا 19:31

او تیاری دا ڈینہہ ہا، اِیں واسطے یہُودی راہنماواں پِیلاطُس کُوں درخاست کیتی جو اُنہاں دیاں جنگھاں توڑ ڈِتیاں ونجنڑ تے لاشاں لہا گِھدیاں ونجنڑ تاں جو سبت دے ڈینہہ صلیب اُتے نہ راہنڑ کیوں جو او سبت ہِک خاص ڈینہہ ہا۔

یُوحنّا 19:14

ایہ فسح دی تیاری دا ڈینہہ تے چِھینویں گھنٹے دے نیڑے ہا۔ وَل اُوں یہُودیاں کُوں آکھیا، ”ڈیکھو! تُہاڈا بادشاہ۔“

یُوحنّا 19:41

جیہڑی جاہ اُتے یسُوع کُوں صلیب اُتے چڑھایا گِیا، اُتھاں ہِک باغ ہا تے اُوں باغ ءچ ہِک نوِیں قبر ہئی جیندے ءچ پہلے کوئی نہ رکھیا گِیا ہا۔

کلُسِّیوں 2:12

جِیں ویلے تُساں بپتسمہ گِھدا تاں تُساں مسیح دے نال دفن تھی گئے، تے تُساں اُوندے نال زندہ وی کیتے گئے کیوں جو تُساں خُدا دی قُدرت اُتے اِیمان گِھن آئے جئیں مسیح کُوں مُردیاں ءچوں زندہ کیتا۔

1کُرِنتھِیوں 15:4

تے دفن تھیّا تے خُدا دے کلام دے مطابق تریجھے ڈینہہ زندہ تھی گِیا،

اعمال 13:29

جِیں ویلے او سبھ کُجھ پُورا کر گِھدا جیہڑا اُوندے حق ءچ لِکھیا گِیا ہا تاں اُونکُوں صلیب تُوں لہا تے قبر ءچ رکھ ڈِتا۔

یُوحنّا 19:20

بہُوں سارے یہُودیاں ایہ تختی پڑھی کیوں جو جیہڑی جاہ تے یسُوع کُوں صلیب اُتے چڑھایا گِیا ہا او شہر دے نیڑے ای ہئی تے تختی اُتے عبرانی، لاطینی تے یُونانی ءچ لِکھیا ہویا ہا۔

متّی 12:40

کیوں جو جِینویں یُوناہ ترے ڈینہہ رات وڈی مچھی دے پیٹ ءچ ریہا اِینویں ای اِبنِ آدم ترے ڈینہہ رات زمین دے اندر راہسی۔