یُوحنّا 19:30 - کِتاب مُقدّس سرائیکی ترجمہ

³⁰ بس جِیں ویلے یسُوع او سِرکہ پِیتا تاں آکھیا جو ”سبھ کُجھ پُورا تھی گِیا،“ تے سر جُھکا تے جان ڈے ڈِتی۔

یُوحنّا 19:30 Referans Kwoze

یُوحنّا 17:4

مَیں اُوں کم کُوں جیہڑا تَیں میکُوں کرݨ کیتے ڈِتا ہا، پُورا کر تے زمین اُتے تیڈا جلال ظاہر کر ڈِتے۔

فِلِپّیوں 2:8

اُوں اِنسانی شکل ءچ ظاہر تھی تے آپنڑے آپ کُوں پست کر ڈِتا تے موت بلکہ صلیبی موت تئیں فرمانبرداری کیتی۔

عبرانیوں 12:2

اساں آپنڑی دِید یسُوع اُتے لائی رکھوں جیہڑا اِیمان دا بانی تے کامل کرݨ آلا ہے، جئیں اُوں خوشی پارُوں جیہڑی اُوندی نظراں دے سامنڑے ہئی، صلیب دا ڈُکھ سہہ تے اُوندی شرمندگی دی پرواہ نہ کیتی۔ تے ہُنڑ خُدا دے تخت دے سجے پاسُوں بیٹھے۔

یُوحنّا 10:11

چنگا آجڑی مَیں ہاں۔ چنگا آجڑی آپنڑیاں بھیڈاں کیتے جان ڈیندے۔

لُوقا 23:46

وَل یسُوع وڈی اواز نال پُکار تے آکھیا، ”باپ! مَیں آپنڑی رُوح تیڈے ہتھاں ءچ ڈیندا ہاں۔“ تے ایہ آکھ تے دم ڈے ڈِتا۔

رومیوں 10:4

کیوں جو مسیح شریعت دی تکمیل ہے تے نتیجے ءچ ہر اِیمان گِھن آوݨ آلا راستباز کھڑایا ویندے۔

یُوحنّا 19:28

اِیندے بعد جِیں ویلے یسُوع جاݨ گِھدا جو ہُنڑ سارے گالھیں پُوریاں تھی گئیاں ہِن تاں جو خُدا دے کلام دا لِکھیا پُورا تھیوے تاں آکھیا، ”مَیں ترِسّا ہاں۔“

مرقس 15:37

وَل یسُوع وڈی اواز نال چِلا تے دم ڈے ڈِتا۔

یُوحنّا 10:18

میڈی جان مَیں کنُوں کوئی وی نئیں کھسیندا بلکہ مَیں آپنڑی مرضی نال اُونکُوں قُربان کریندا ہاں۔ میڈے کولھ اُونکُوں ڈیوݨ دا وی اِختیار ہے تے اُونکُوں ولا گِھننڑ دا وی اِختیار ہے۔ ایہ حُکم میکُوں میڈے باپ کنُوں مِلیا ہے۔“

یُوحنّا 4:34

یسُوع اُنہاں کُوں آکھیا، ”میڈا کھانڑا ایہ ہے جو مَیں آپنڑے بھیجنڑ آلے دی مرضی پُوری کراں تے اُوندا کم پُورا کراں۔

متّی 20:28

اِبنِ آدم اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

متّی 27:50

وَل یسُوع وڈے زور نال چِلا تے جان ڈے ڈِتی۔

عبرانیوں 9:22

اصل ءچ شریعت دے مطابق تقریباً سبھ چیزاں خون نال پاک کیتیاں ویندیاں ہِن تے جِیں ویلے تئیں خون نہ وہایا ونجے معافی نئیں مِلدی۔

رومیوں 3:25

خُدا اُونکُوں مقرر کیتا جو او آپنڑے خون دے سببّوں ایجھا کفارہ بنڑ ونجے جیہڑا اِیمان گِھن آوݨ آلے کیتے فائدہ مند ہووے۔ ایہ خُدا آپنڑی راستبازی ظاہر کرݨ کیتے کیتا، کیوں جو اُوں بہُوں صبر تے برداشت نال اُنہاں گُناہاں دی سزا نہ ڈِتی جیہڑے ماضی ءچ تھئے ہَن۔

متّی 3:15

یسُوع جواب ڈِتا، ”ہُنڑ، اِینویں ای تھیوݨ ڈے، کیوں جو مناسب ہے جو اساں خُدا دی مرضی کُوں اِیں طرحاں ای پُورا کرُوں۔“ وَل اُوں تھیوݨ ڈِتا۔

1کُرِنتھِیوں 5:7

آپنڑے آپ کُوں بدی دے اُوں پُڑانڑے خمیر تُوں پاک کر گِھنو تاں جو تازہ مَلیا ہویا اٹّا بنڑ ونجو۔ تُساں ہیوے خمیر تُوں پاک کیوں جو مسیح جیہڑا فسح دا لیلا ہے ساڈے کیتے قُربان کیتا گئے۔

لُوقا 22:37

کیوں جو مَیں تُہاکُوں آدھا ہاں جو ایہ نوِشتہ جو ’او بدکاراں ءچ شمار کیتا گِیا،‘ اُوندا میڈے حق ءچ پُورا تھیوݨ ضرور ہے۔ اِیں واسطے ہر او گالھ جیہڑی میڈے کیتے ہے پُوری تھیوݨ آلی ہے۔“