یُوحنّا 19:25 - کِتاب مُقدّس سرائیکی ترجمہ

²⁵ یسُوع دی صلیب دے نیڑے اُوندی ماء، اُوندی خالہ، کلوپاس دی ذال مریم تے مریم مگدلینی، کھڑیاں ہَن۔

یُوحنّا 19:25 Referans Kwoze

لُوقا 23:49

تے یسُوع دے سبھ جاݨ پچھاݨ آلے تے او عورتاں جیہڑیاں گلیل کنُوں اُوندے نال آئیاں ہَن، پرے کنُوں ایہ سبھ ڈیدھیاں پئیاں ہَن۔

یُوحنّا 20:1

ہفتے دے پہلے ڈینہہ سویل نال جِیں ویلے حالی اندھارا ای ہا، مریم مگدلینی قبر اُتے آئی تے ڈِٹھا جو پتھر قبر دے مُنہ کنُوں ہٹیا ہویا ہے۔

لُوقا 24:18

وَل او جِیندا ناں کلِیُپاس ہا، اُونکُوں آکھنڑ لگا، ”کیا تُوں یروشلیم شہر ءچ کلھا پردیسی ہیں جیہڑا نئیں جانڑدا جو اِنہاں ڈینہاں ءچ کیا تھئے؟“

لُوقا 8:2

تے کُجھ عورتاں جِنہاں بدرُوحاں تے بیماریاں کنُوں شِفا پاتی ہئی یعنی مریم جیہڑی مگدلینی اکھویندی ہئی جیندے ءچوں سَت بدرُوحاں نِکلیاں ہَن،

لُوقا 2:35

تاں جو بہُوں سارے لوکاں دے دِلاں دے خیال ظاہر تھی ونجنڑ، بلکہ خود تیڈی جان کُوں وی تلوار لگسی۔“

مرقس 16:9

ہفتے دے پہلے ڈینہہ جِیں ویلے یسُوع صُبح سویلے زندہ تھی گِیا تاں سبھ کنُوں پہلے مریم مگدلینی اُتے ظاہر تھیّا، جیندے ءچوں اُوں سَت بدرُوحاں کڈھیاں ہَن۔

متّی 12:46

جِیں ویلے یسُوع بِھیڑ نال گالھ کریندا پِیا ہا تاں اُوندی ماء تے بِھرا باہر کھڑے ہَن تے او اُوندے نال گالھ کرݨ چاہندے ہَن۔