یُوحنّا 19:19 - کِتاب مُقدّس سرائیکی ترجمہ

¹⁹ تے پِیلاطُس ہِک تختی اُتے لِکھوا تے صلیب اُتے لٹکا ڈِتی۔ اُوندے اُتے ایہ لِکھیا ہا ”یسُوع ناصری یہُودیاں دا بادشاہ۔“

یُوحنّا 19:19 Referans Kwoze

متّی 27:37

اُوندا اِلزام لِکھ تے اُوندے سر اُتوں صلیب اُتے لا ڈِتا جو ”ایہ یہُودیاں دا بادشاہ یسُوع ہے۔“

لُوقا 23:38

یسُوع دے سر اُتوں ہِک تختی وی لائی گئی جیندے اُتے لِکھیا ہا جو ”ایہ یہُودیاں دا بادشاہ ہے۔“

مرقس 15:26

تے اُوندا اِلزام لِکھ تے اُوندی صلیب اُتے لا ڈِتا گِیا جو ”ایہ یہُودیاں دا بادشاہ ہے۔“

یُوحنّا 19:14

ایہ فسح دی تیاری دا ڈینہہ تے چِھینویں گھنٹے دے نیڑے ہا۔ وَل اُوں یہُودیاں کُوں آکھیا، ”ڈیکھو! تُہاڈا بادشاہ۔“

اعمال 3:6

پطرس آکھیا، ”چاندی، سونا تاں میڈے کولھ نئیں پر جیہڑا کُجھ میڈے کولھ ہے مَیں تیکُوں ڈے ڈیندا ہاں۔ یسُوع مسیح ناصری دے ناں نال اُٹھی، تے ٹُر پِھر۔“

یُوحنّا 19:21

اِیں واسطے یہُودیاں دے سردار کاہِناں پِیلاطُس کُوں درخاست کیتی، ”یہُودیاں دا بادشاہ نہ لِکھو بلکہ ایہ جو اُوں دعویٰ کیتا ہا جو مَیں یہُودیاں دا بادشاہ ہاں۔“

یُوحنّا 19:12

اِیندے بعد پِیلاطُس اُونکُوں چھوڑ ڈیوݨ دی کوشش کیتی پر یہُودی چیخ چیخ تے آکھنڑ لگے جو ”جے تُوں اِیں بندے کُوں چھوڑ ڈیسیں تاں تُوں رومی بادشاہ قیصر دا خیر خواہ نئیں۔ جیہڑا کوئی آپنڑے بادشاہ ہووݨ دا اعلان کریندے تاں او قیصر دا مخالف ہے۔“

یُوحنّا 19:3

وَل اُوندے سامنڑے آ تے آدھے ہَن، ”یہُودیاں دے بادشاہ! آداب“ تے اُوندے چاٹاں وی ماریاں۔

یُوحنّا 18:33

وَل پِیلاطُس قلعہ ءچ واپس چلیا گِیا تے یسُوع کُوں اُتھاں سڈوا تے اُوں کنُوں پُچھیا، ”کیا تُوں یہُودیاں دا بادشاہ ہیں؟“

یُوحنّا 1:49

نتن ایل آکھیا، ”ربّی! تُساں خُدا دے پوتر ہیوے۔ تُساں اِسرائیل دے بادشاہ ہیوے۔“

اعمال 26:9

ہِک وقت ہا جڈاں مَیں یسُوع ناصری دے ناں دی ہر طرحاں مخالفت کرݨ آپنڑا فرض سمجھدا ہم۔

متّی 2:23

اُتھاں پُج تے ناصرت ناں دے شہر ءچ راہنڑ لگا۔ تے جیہڑی گالھ نبی دی معرفت فرمائی گئی ہئی او پُوری تھئی جو ”او ناصری اکھویسی۔“

لُوقا 18:37

اُنہاں اُونکُوں خبر ڈِتی جو ”یسُوع ناصری ویندا پِیا ہے۔“