یُوحنّا 19:17 - کِتاب مُقدّس سرائیکی ترجمہ

¹⁷ تے او آپنڑی صلیب چا تے شہر تُوں باہر اُوں جاہ دو گِیا جیہڑی کھوپڑی اکھویندی ہے تے جِینکُوں عبرانی زبان ءچ گُلگُتا آدھے ہِن۔

یُوحنّا 19:17 Referans Kwoze

لُوقا 23:33

جِیں ویلے او اُوں جاہ اُتے پُجے جِینکُوں کھوپڑی آدھے ہِن تاں اُنہاں اُتھاں اُونکُوں صلیب چڑھا ڈِتا تے اُنہاں ڈُو مُجرماں کُوں وی، ہِک کُوں سجے پاسُوں تے ڈُوجھے کُوں کھبے پاسُوں۔

لُوقا 14:27

جیہڑا کوئی آپنڑی صلیب چا تے میڈے پِچُھوں نہ آوے او میڈا شاگرد نئیں تھی سگدا۔

لُوقا 23:26

جِیں ویلے اُونکُوں گِھدی ویندے ہَن تاں اُنہاں شمعون ناں دے ہِک کُرینی بندے کُوں جیہڑا دیہات تُوں آندا پِیا ہا، پکڑ گِھدا تے صلیب اُوندے اُتے رکھ ڈِتی تاں جو او اُونکُوں چا تے یسُوع دے پِچُھوں پِچُھوں ٹُرے۔

اعمال 7:58

تے اُونکُوں شہر کنُوں باہر کڈھ تے سنگسار کرݨ لگے تے اُوندے خلاف گواہی ڈیوݨ آلیاں آپنڑے کپڑے ساؤل ناں دے ہِک جوان دے پیراں کولھ رکھ ڈِتے۔

مرقس 15:32

اِسرائیل دے بادشاہ، المسیح، ہُنڑ صلیب تُوں لہہ آ تاں جو اساں ڈیکھ تے اِیمان گِھن آؤں۔“ تے جیہڑے اُوندے نال مصلُوب تھئے ہَن او وی اُونکُوں لعن طعن کریندے ہَن۔

لُوقا 23:38

یسُوع دے سر اُتوں ہِک تختی وی لائی گئی جیندے اُتے لِکھیا ہا جو ”ایہ یہُودیاں دا بادشاہ ہے۔“

لُوقا 9:23

وَل اُوں ساریاں کُوں آکھیا، ”جے کوئی میڈی پیروی کرݨ چاہندے تاں آپنڑی خُودی دا اِنکار کرے تے ہر روز آپنڑی صلیب چا تے میڈے پِچُھوں تھی پووے۔

مرقس 15:26

تے اُوندا اِلزام لِکھ تے اُوندی صلیب اُتے لا ڈِتا گِیا جو ”ایہ یہُودیاں دا بادشاہ ہے۔“

مرقس 10:21

یسُوع اُوندے اُتے نِگاہ کیتی تے اُونکُوں اُوندے اُتے پیار آیا تے آکھیا، ”ہِک گالھ دی تَیں ءچ کمی ہے۔ وَنج آپنڑا سبھ کُجھ ویچ تے غریباں کُوں ڈے، تاں تیکُوں اسمان اُتے خزانہ مِلسی۔ وَل آ تے میڈے پِچُھوں ٹُر پو۔“

مرقس 8:34

وَل اُوں بِھیڑ کُوں آپنڑے شاگرداں سمیت کولھ سڈ تے آکھیا، ”جے کوئی میڈی پیروی کرݨ چاہندے تاں او آپنڑی خُودی دا اِنکار کرے، تے آپنڑی صلیب چا تے میڈے پِچُھوں تھی پووے۔

متّی 27:37

اُوندا اِلزام لِکھ تے اُوندے سر اُتوں صلیب اُتے لا ڈِتا جو ”ایہ یہُودیاں دا بادشاہ یسُوع ہے۔“

متّی 16:24

اُوں ویلے یسُوع آپنڑے شاگرداں کُوں آکھیا، ”جے کوئی میڈی پیروی کرݨ چاہندے تاں او آپنڑی خُودی دا اِنکار کرے تے آپنڑی صلیب چا تے میڈے پِچُھوں تھی پووے۔

متّی 10:38

تے جیہڑا کوئی آپنڑی صلیب چا تے میڈے پِچُھوں نئیں ٹُردا او میڈے لائق نئیں۔

یُوحنّا 5:2

یروشلیم ءچ بھیڈ آلے پھاٹک دے نیڑے ہِک حوض ہے جیہڑا عبرانی ءچ بیت حسدا اکھویندے تے اُوندے پنج برانڈے ہِن۔

یُوحنّا 19:13

جِیں ویلے پِیلاطُس ایہ سُنڑیا تاں یسُوع کُوں باہر سڈیا تے آپنڑے تختِ عدالت اُتے بہہ گِیا۔ اُوں جاہ کُوں پتھر دا فرش آکھیا ویندا ہا جِینکُوں عبرانی ءچ گبّتا آدھے ہِن۔