یُوحنّا 18:8 - کِتاب مُقدّس سرائیکی ترجمہ

⁸ یسُوع جواب ڈِتا، ”مَیں آکھ تاں ڈِتے جو او مَیں ای ہاں۔ بس جے تُساں میکُوں گولھیندے ہیوے تاں اِنہاں کُوں ونجنڑ ڈیؤ۔“

یُوحنّا 18:8 Referans Kwoze

1 پطرس 5:7

آپنڑیاں ساریاں فِکراں اُوندے اُتے سَٹ ڈیؤ کیوں جو او تُہاڈی فِکر کریندے۔

اِفِسیوں 5:25

پایو! آپنڑیاں ذالاں نال اُونویں ای محبت رکھو جِینویں مسیح کلیسیا نال رکھی تے اُوندے کیتے آپنڑی جان ڈے ڈِتی،

2کُرِنتھِیوں 12:9

پر اُوں میکُوں آکھیا جو ”میڈا فضل تیڈے کیتے کافی ہے کیوں جو میڈی قُدرت دا اِظہار کمزوری ءچ پُورا تھیندے۔“ اِیں واسطے مَیں وڈی خوشی نال آپنڑی کمزوری اُتے فخر کریساں تاں جو مسیح دی قُدرت میڈے اُتے راہوے۔

1کُرِنتھِیوں 10:13

تُہاڈے اُتے ایجھی ازمائش نئیں آئی جیہڑی تُہاڈی برداشت تُوں باہر ہووے۔ تے خُدا وفادار ہے، او تُہاڈی برداشت کنُوں زیادہ سخت ازمائش تُہاڈے اُتے نہ آوݨ ڈیسی۔ بلکہ جِیں ویلے ازمائش آسی تاں او اُوں کنُوں بچ نِکلنڑ دی راہ وی پیدا کر ڈیسی تاں جو تُساں برداشت کر سگو۔

یُوحنّا 16:32

ڈیکھو او ویلا آندے بلکہ آ گِیا ہے جو تُساں سارے تِتربِتر تھی تے آپنڑے آپنڑے گھراں کُوں ٹُر پوسو تے میکُوں کلھا چھوڑ ڈیسو۔ وَل وی مَیں کلھا نئیں کیوں جو باپ میڈے نال ہے۔

یُوحنّا 13:36

شمعون پطرس اُونکُوں آکھیا، ”مالک! تُساں کِتھاں ویندے ہیوے؟“ یسُوع جواب ڈِتا ”جِتھاں مَیں ویندا ہاں ہُنڑ تاں تُوں میڈے پِچُھوں نئیں آ سگدا پر بعد ءچ میڈے پِچُھوں آسیں۔“

یُوحنّا 13:1

عید ِ فسح شروع تھیوݨ آلی ہئی تے یسُوع کُوں معلوم ہا جو اُوندا دُنیا تُوں رُخصت تھی تے باپ کولھ ونجنڑ دا ویلا آ گئے۔ او آپنڑے لوکاں نال جیہڑے دُنیا ءچ ہَن محبت رکھیندا ہا تے آخر تئیں محبت رکھیندا ریہا۔

یُوحنّا 10:28

مَیں اُنہاں کُوں ہمیشاں دی زندگی ڈیندا ہاں تے او کڈھائیں ہلاک نہ تھیسن، تے کوئی اُنہاں کُوں میڈے ہتھ کنُوں کَھس نہ سگسی۔

متّی 26:56

پر ایہ سبھ کُجھ اِیں واسطے تھیّا جو نبیاں دے صحیفیاں ءچ لِکھیاں ہوئیاں گالھیں پُوریاں تھیوݨ۔“ وَل سبھ شاگرد اُونکُوں چھوڑ تے بھج گئے۔

یُوحنّا 18:7

بس اُوں اُنہاں کُوں وَل پُچھیا، ”تُساں کِیں کُوں گولھیندے ہیوے؟“ اُنہاں آکھیا، ”یسُوع ناصری کُوں۔“

یُوحنّا 18:9

ایہ اُوں اِیں واسطے آکھیا جو اُوندی او گالھ پُوری تھیوے جو ”جِنہاں کُوں تُوں میکُوں ڈِتے مَیں اُنہاں ءچوں کہیں کُوں وی گُم نہ تھیوݨ ڈِتا۔“