یُوحنّا 18:38 - کِتاب مُقدّس سرائیکی ترجمہ

³⁸ پِیلاطُس اُونکُوں آکھیا، ”سچائی کیا ہے؟“ ایہ آکھ تے او ولا یہُودیاں دے کولھ باہر گِیا تے آکھنڑ لگا، ”مَیں تاں اِیں بندے ءچ کوئی جُرم نئیں پایا،

یُوحنّا 18:38 Referans Kwoze

یُوحنّا 19:4

پِیلاطُس ہِک پھیری ولا باہر آیا تے یہُودیاں کُوں آکھیا، ”ڈیکھو مَیں اُونکُوں تُہاڈے کولھ باہر گِھن آندا ہاں تاں جو تُہاکُوں پتہ لگ ونجے جو مَیں اُوندے ءچ کوئی جُرم نئیں ڈِٹھا۔“

یُوحنّا 19:6

جِیں ویلے سردار کاہِناں تے سپاہیاں اُونکُوں ڈِٹھا تاں چیخنڑ لگ پئے، ”اُونکُوں صلیب اُتے چڑھا ڈیؤ! اُونکُوں صلیب اُتے چڑھا ڈیؤ!“ پِیلاطُس جواب ڈِتا ”تُساں ای اِینکُوں گِھن ونجو تے صلیب اُتے چڑھا ڈیؤ کیوں جو مَیں اِیندے ءچ کوئی جُرم نئیں ڈیدھا۔“

لُوقا 23:4

پِیلاطُس سردار کاہِناں تے عوام کُوں آکھیا، ”مَیں اِیں بندے ءچ کوئی قصُور نئیں ڈیدھا۔“

اعمال 17:32

جِیں ویلے لوکاں مُردیاں دی قیامت دے بارے ءچ سُنڑیا تاں اُنہاں ءچوں کُجھ اِیں گالھ کُوں کِھل ءچ اُڈا ڈِتا تے کُجھ آکھیا جو ”اساں اِیں موضوع تے وَل کہیں ویلے تَیں تُوں سُنڑسوں۔“

1 پطرس 1:19

بلکہ ہِک بے عیب تے بے داغ لیلے یعنی مسیح دے قیمتی خون نال۔

مرقس 15:14

تے پِیلاطُس اُنہاں کُوں آکھیا، ”کیوں، اُوں کیہڑی بُرائی کیتی ہے؟“ پر او مزید شور مچا تے آکھنڑ لگے ”اِینکُوں صلیب اُتے چڑھاؤ۔“

متّی 27:24

جِیں ویلے پِیلاطُس ڈِٹھا جو کُجھ نئیں بنڑدا بلکہ اُلٹا ہنگامہ تھیوݨ لگ پئے تاں اُوں پانڑی گِھن تے لوکاں دے سامنڑے آپنڑے ہتھ دھوتے، تے آکھیا، ”مَیں اِیں راستباز دے خون کنُوں بےقصُور ہاں۔ تُساں جانڑو۔“

یُوحنّا 18:33

وَل پِیلاطُس قلعہ ءچ واپس چلیا گِیا تے یسُوع کُوں اُتھاں سڈوا تے اُوں کنُوں پُچھیا، ”کیا تُوں یہُودیاں دا بادشاہ ہیں؟“