یُوحنّا 18:35 - کِتاب مُقدّس سرائیکی ترجمہ

³⁵ پِیلاطُس جواب ڈِتا، ”کیا مَیں یہُودی ہاں؟ تیڈی ای قوم تے سردار کاہِناں تیکُوں میڈے حوالے کیتے۔ تُوں کیا کیتے؟“

یُوحنّا 18:35 Referans Kwoze

اعمال 23:29

تے پتہ لگیا جو اُنہاں دا اِلزام اُنہاں دی شریعت دے مسئلیاں نال تعلق رکھیندے پر اُوندے خلاف ایجھا کوئی اِلزام نئیں جیندی وجہ تُوں اُونکُوں موت یا قید دی سزا ڈِتی ونجے۔

اعمال 21:38

کیا تُوں او مِصری نئیں جئیں کُجھ عرصہ پہلے بغاوت کیتی ہئی تے چار ہزار قاتلاں کُوں بیابان ءچ گِھن گِیا ہَویں؟“

اعمال 3:13

ابرہام، اِضحاق تے یعقُوب دے خُدا یعنی ساڈے پِیُو ڈاڈا دے خُدا آپنڑے خادم یسُوع کُوں جلال ڈِتے۔ تُساں اُونکُوں پکڑوا ڈِتا تے جِیں ویلے پِیلاطُس اُونکُوں چھوڑ ڈیوݨ دا اِرادہ کیتا تاں تُساں پِیلاطُس دے سامنڑے اُوندا اِنکار کیتا۔

یُوحنّا 19:11

یسُوع اُونکُوں جواب ڈِتا ”جے ایہ اِختیار تیکُوں اُتوں نہ مِلیا ہوندا تاں تیڈا میڈے اُتے کوئی اِختیار نہ ہوندا۔ اِیں سببّوں جیہڑے بندے میکُوں تیڈے حوالے کیتے، او زیادہ گُنہگار ہے۔“

یُوحنّا 19:6

جِیں ویلے سردار کاہِناں تے سپاہیاں اُونکُوں ڈِٹھا تاں چیخنڑ لگ پئے، ”اُونکُوں صلیب اُتے چڑھا ڈیؤ! اُونکُوں صلیب اُتے چڑھا ڈیؤ!“ پِیلاطُس جواب ڈِتا ”تُساں ای اِینکُوں گِھن ونجو تے صلیب اُتے چڑھا ڈیؤ کیوں جو مَیں اِیندے ءچ کوئی جُرم نئیں ڈیدھا۔“

یُوحنّا 18:28

وَل یہُودی راہنما سویل نال یسُوع کُوں کائفا دے کولُھوں رومی گورنر دے قلعہ ءچ گِھن گئے۔ پر او خود قلعہ دے اندر نہ گئے تاں جو ناپاک نہ تھی ونجنڑ بلکہ فسح دا کھانڑا کھا سگنڑ۔

یُوحنّا 18:34

یسُوع جواب ڈِتا، ”کیا تُوں ایہ گالھ آپنڑی طرفوں آدھیں، یا بئیاں میڈے حق ءچ تیکُوں آکھی ہے؟“

یُوحنّا 18:36

یسُوع جواب ڈِتا، ”میڈی بادشاہی اِیں دُنیا دی نئیں۔ جے میڈی بادشاہی اِیں دُنیا دی ہوندی تاں میڈے خادم لڑدے، تاں جو مَیں یہُودیاں دے حوالہ نہ کیتا ویندا، پر میڈی بادشاہی اِتُھوں دی نئیں۔“