یُوحنّا 18:20 - کِتاب مُقدّس سرائیکی ترجمہ

²⁰ یسُوع جواب ڈِتا، ”مَیں سبھ لوکاں نال سر ِ عام گالھیں کیتیاں ہِن۔ مَیں ہمیشاں عبادت خانیاں تے ہیکل ءچ تعلیم ڈیندا ریہا ہاں جِتھاں سارے یہُودی کٹھے تھیندے ہِن تے مَیں لُک تے کڈھائیں وی کُجھ نئیں آکھیا۔

یُوحنّا 18:20 Referans Kwoze

یُوحنّا 7:26

پر ڈیکھو او کُھلے عام اکھیندے تے او اِینکُوں کُجھ نئیں آدھے۔ کیا سرداراں سچ مچ مَن گِھدے جو اِیہو المسیح ہے؟

متّی 4:23

یسُوع سارے گلیل ءچ پِھردا ریہا تے عبادت خانیاں ءچ تعلیم ڈیندا تے بادشاہی دی خوشخبری سُنڑیندا ریہا، تے لوکاں کُوں ہر طرحاں دی بیماری تے کمزوری تُوں شِفا ڈیندا ریہا۔

لُوقا 21:37

یسُوع ہر روز ہیکل ءچ تعلیم ڈیندا ہا، تے رات کُوں باہر وَنج تے اُوں پہاڑ اُتے راہندا ہا جیہڑا زیتون دا اکھویندے،

یُوحنّا 7:4

کیوں جو کوئی ایجھا نئیں جیہڑا مشہور تھیوݨ چاہندا ہووے تے لُک تے کم کرے۔ جے تُوں اِنہاں کماں کُوں کریندیں تاں آپنڑے آپ کُوں دُنیا اُتے ظاہر کر۔“

لُوقا 4:15

او اُنہاں دے عبادت خانیاں ءچ تعلیم ڈیندا ریہا، تے سبھ اُوندی تعریف کریندے ہَن۔

متّی 26:55

اُوں ویلے یسُوع بِھیڑ کُوں آکھیا، ”کیا مَیں کوئی ڈاکو ہاں جو تُساں تلواراں تے سوٹیاں چا تے میکُوں پکڑن آئے ہیوے؟ مَیں ہر روز ہیکل ءچ بہہ تے تعلیم ڈیندا ریہاں، اُتھاں تاں تُساں میکُوں گرفتار نہ کیتا۔

متّی 9:35

یسُوع سارے شہراں تے دیہاتاں ءچ وَنج تے اُنہاں دے عبادت خانیاں ءچ تعلیم ڈیندا تے بادشاہی دی خوشخبری سُنڑیندا تے ہر طرحاں دی بیماری تے کمزوری کُوں دُور کریندا ریہا۔

یُوحنّا 8:26

مَیں تُہاڈے خلاف بہُوں کُجھ آکھ سگدا ہاں تے فیصلہ کر سگدا ہاں پر میڈا بھیجنڑ آلا سچا ہے تے جیہڑا کُجھ مَیں اُوں کنُوں سُنڑیا ہے اُوہو دُنیا کُوں اکھیندا ہاں۔“

یُوحنّا 8:2

سویل تھیندے ای او وَل ہیکل ءچ آیا۔ سارے لوک اُوندے کولھ آئے تے او بہہ تے اُنہاں کُوں تعلیم ڈیوݨ لگا۔

یُوحنّا 7:28

بس یسُوع ہیکل ءچ تعلیم ڈیندے ہوئے اُچی اواز ءچ آکھیا، ”تُساں میکُوں وی جانڑدے ہیوے تے ایہ وی جانڑدے ہیوے جو مَیں کِتھوں دا ہاں۔ مَیں آپنڑی مرضی نال نئیں آیا پر جئیں میکُوں بھیجیا ہے، او سچا ہے۔ تُساں اُونکُوں نئیں جانڑدے۔

یُوحنّا 7:14

جِیں ویلے عید دے ادھے ڈینہہ لنگھ گئے تاں یسُوع ہیکل ءچ وَنج تے تعلیم ڈیوݨ لگا۔

متّی 26:65

وَل کاہِن ِ اعظم ایہ آکھ تے آپنڑے کپڑے پھاڑے جو ”اُوں کُفر بَکیا ہے۔ ہُنڑ ساکُوں گواہاں دی کیا لوڑ ہے؟ ڈیکھو تُساں ہُنڑیں ای ایہ کُفر سُنڑیا ہے۔ تُہاڈا کیا خیال ہے؟“

اعمال 26:26

بادشاہ اِنہاں گالھیں تُوں واقف ہے تے مَیں اُوندے نال کُھل تے گالھ کر سگدا ہاں۔ میکُوں یقین ہے جو اِنہاں گالھیں ءچوں کوئی وی اُوں کنُوں لُکی نئیں کیوں جو ایہ قصہ کہیں کونے ءچ نئیں تھیّا۔

متّی 24:26

اِیں واسطے جے کوئی تُہاکُوں آکھے جو ’ڈیکھو او بیابان ءچ ہے،‘ تاں باہر نہ وَنجائے یا ایہ جو ’او اندر کوٹھڑیاں ءچ ہے،‘ تاں یقین نہ کرائے۔

مرقس 8:32

اُوں ایہ گالھ صاف صاف آکھی تاں پطرس اُونکُوں اَنج کر تے ملامت کرݨ لگا۔

یُوحنّا 6:59

ایہ گالھیں یسُوع کفرنحُوم دے ہِک عبادت خانہ ءچ تعلیم ڈیندے ہوئے آکھیاں۔

یُوحنّا 18:21

تُوں مَیں کنُوں کیوں پُچھدیں؟ جِنہاں میڈے گالھیں سُنڑیاں ہِن اُنہاں کنُوں پُچھ۔ ڈیکھ او چنگی طرح جانڑدے ہِن جو مَیں کیا آکھیا ہے۔“