یُوحنّا 17:9 - کِتاب مُقدّس سرائیکی ترجمہ

⁹ مَیں اُنہاں کیتے دُعا کریندا ہاں۔ مَیں دُنیا کیتے دُعا نئیں کریندا بلکہ اُنہاں کیتے جِنہاں کُوں تُوں میکُوں ڈِتے کیوں جو او تیڈے ہِن۔

یُوحنّا 17:9 Referans Kwoze

عبرانیوں 9:24

مسیح اِنسانی ہتھاں دے بنڑے مُقدّس گھر ءچ داخل نئیں تھیّا، جیہڑا حقیقی مُقدّس گھر دی صرف نقل ہے، بلکہ اسمان ءچ ای داخل تھیّا تاں جو او ساڈی خاطر خُدا دے سامنڑے حاضر تھیوے۔

یُوحنّا 17:2

کیوں جو تُوں اُونکُوں سبھ لوکاں اُتے اِختیار بخشیا ہے تاں جو جِنہاں کُوں تُوں اُونکُوں بخشیا ہے اُنہاں ساریاں کُوں او ہمیشاں دی زندگی ڈیوے۔

یُوحنّا 17:6

مَیں تیڈا ناں اُنہاں اُتے ظاہر کیتے جِنہاں کُوں تُوں دُنیا ءچوں چُنڑ تے میکُوں ڈِتے۔ او تیڈے ہَن، تے تُوں اُنہاں کُوں میڈے حوالے کر ڈِتے تے اُنہاں تیڈے کلام اُتے عمل کیتا ہے۔

یُوحنّا 17:20

مَیں صرف اِنہاں کیتے ای درخاست نئیں کریندا بلکہ اُنہاں کیتے وی جیہڑے اُنہاں دے پیغام دے وسیلے نال میڈے اُتے اِیمان گِھن آسن،

لُوقا 22:32

پر مَیں تیڈے کیتے دُعا کیتی جو تیڈا اِیمان ویندا نہ راہوے۔ تے جِیں ویلے تُوں رجُوع کریں تاں آپنڑے بِھرانواں کُوں مضبوط کریں۔“

1 یُوحنّا 5:19

اساں جانڑدے ہیں جو اساں خُدا دے فرزند ہیں، تے ایہ وی جو ساری دُنیا ابلیس دے قبضہ ءچ ہے۔

یُوحنّا 14:16

تے مَیں باپ کنُوں درخاست کریساں تے او تُہاکُوں ڈُوجھا مددگار بخش ڈیسی تاں جو او ہمیشاں تئیں تُہاڈے نال راہوے

مُکاشفہ 20:15

تے جئیں کہیں دا ناں کتاب ِ حیات ءچ لِکھیا ہویا نہ مِلیا، اُونکُوں بھاہ دی جھیل ءچ سَٹ ڈِتا گِیا۔

مُکاشفہ 13:8

زمین دے سبھ راہنڑ آلے اُوں حیوان دی عبادت کریسن، یعنی او سبھ جِنہاں دے ناں دُنیا دے شروع تُوں اُوں لیلے دی کتاب ِ حیات ءچ نئیں لِکھے گئے جیہڑا ذبح تھئے۔

عبرانیوں 7:25

اِینویں ای جیہڑے لوک یسُوع دے وسیلے نال خُدا دے کولھ آندے ہِن، او اُنہاں کُوں پُوری پُوری نجات ڈے سگدے کیوں جو او اُنہاں دی شفاعت کرݨ کیتے ہمیشاں زندہ ہے۔

مُکاشفہ 12:9

تے او وڈا اژدہا یعنی اُوہو پُرانڑا نانگ جِیندا ناں ابلیس تے شیطان ہے تے جیہڑا ساری دُنیا کُوں گُمراہ کریندے، او تے اُوندے فرشتے وی زمین اُتے سَٹ ڈِتے گئے۔

لُوقا 8:34

ایہ واقعہ ڈیکھ تے چراوݨ آلے بھجے تے شہر تے دیہات ءچ اِیں گالھ دی خبر پُچائی۔

لُوقا 23:34

یسُوع آکھیا، ”باپ! اِنہاں کُوں معاف کر کیوں جو ایہ نئیں جانڑدے جو کیا کریندے ہِن۔“ تے اُنہاں پرچی پا تے اُوندے کپڑے آپس ءچ وَنڈ گِھدے۔

یُوحنّا 6:37

جِتی لوک باپ میکُوں ڈیندے، او میڈے کولھ آسن تے جیہڑا کوئی میڈے کولھ آسی مَیں اُونکُوں ہرگز نہ کڈھیساں۔

یُوحنّا 6:39

تے میڈے بھیجنڑ آلے دی مرضی ایہ ہے جو جِتی وی لوک اُوں میکُوں ڈِتے ہِن، مَیں اُنہاں ءچوں کہیں کُوں وَنجا نہ ڈیواں بلکہ سبھ کُوں قیامت آلے ڈینہہ ولا زندہ کراں۔