یُوحنّا 17:22 - کِتاب مُقدّس سرائیکی ترجمہ

²² تے او جلال جیہڑا تَیں میکُوں ڈِتے، مَیں اُنہاں کُوں ڈِتے تاں جو او ہِک ہووݨ جِینویں اساں ہِک ہیں۔

یُوحنّا 17:22 Referans Kwoze

2کُرِنتھِیوں 3:18

اِیں واسطے شیشے آلی کار اساں ساریاں دے بے نقاب چہریاں تُوں خُداوند دا جلال ظاہر تھیندے تے اساں خُداوند دے رُوح القُدس دے وسیلے نال آہستہ آہستہ اُوندی جلالی صورت ءچ بدلدے ویندے ہیں۔

یُوحنّا 14:20

اُوں ڈینہہ تُساں جاݨ گِھنسو جو مَیں آپنڑے باپ ءچ ہاں تے تُساں میڈے ءچ ہیوے تے مَیں تُہاڈے ءچ۔

یُوحنّا 1:16

او فضل کنُوں بھریا ہا تے اساں اُوندے فضل ءچوں فضل اُتے فضل پایا۔

اِفِسیوں 2:20

تُساں ہِک ایجھی عمارت ہیوے جیہڑی رسُولاں تے نبیاں دی بنیاد اُتے اُساری گئی ہے، جیندے کونے دے سرے دا پتھر یسُوع مسیح خود ہے۔

1 یُوحنّا 3:24

جیہڑا کوئی خُدا دے حُکماں اُتے عمل کریندے، او خُدا ءچ قائم راہندے تے خُدا اُوندے ءچ۔ تے اساں جانڑدے ہیں جو خُدا ساڈے ءچ اُوں رُوح القُدس دے ذریعے جیہڑا اُوں ساکُوں بخشیا ہے، قائم راہندے۔

2کُرِنتھِیوں 6:1

اساں جیہڑے خُدا دے کم ءچ شریک ہیں تُہاڈی مِنت کریندے ہیں جو خُدا دے اُوں فضل کُوں جیہڑا تُہاڈے اُتے تھئے بے فائدہ نہ تھیوݨ ڈیؤں۔

2کُرِنتھِیوں 5:20

اِیں واسطے اساں مسیح دے ایلچی ہیں جِینویں جو خُدا ساڈے ذریعے لوکاں کُوں سمجھیندے۔ تے اساں مسیح دی طرفوں تُہاڈی مِنت کریندے ہیں جو ”خُدا نال صُلح کر گِھنو۔“

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

مرقس 6:7

تے اُوں اُنہاں بارہاں کُوں آپنڑے کولھ سڈ تے اُنہاں کُوں ڈُو ڈُو کر تے بھیجنڑ شروع کیتا، تے اُنہاں کُوں بدرُوحاں اُتے اِختیار بخشیا،

1 یُوحنّا 1:3

جیہڑا کُجھ اساں ڈِٹھا تے سُنڑیا، اُوندی خبر تُہاکُوں ڈیندے ہیں تاں جو تُساں وی اِیں رفاقت ءچ ساڈے نال شریک تھیؤ۔ تے ساڈی رفاقت تاں باپ تے اُوندے پوتر یسُوع مسیح دے نال ہے۔

اعمال 5:41

بس رسُول عدالت ءچوں اِیں گالھ تُوں خوش تھی تے چلے گئے جو اساں یسُوع دے ناں دی خاطر بے عزت تھیوݨ دے لائق تاں تھئے۔

یُوحنّا 17:24

باپ! مَیں چاہندا ہاں جو جِنہاں کُوں تَیں میڈے حوالے کیتے، او میڈے نال اُتھاں ہووݨ جِتھاں مَیں ہاں، تاں جو او اُوں جلال کُوں ڈیکھ سگنڑ جیہڑا تَیں میکُوں ڈِتے کیوں جو تَیں دُنیا دے بنڑݨ کنُوں وی پہلے ای میڈے نال محبت رکھی ہے۔

لُوقا 22:30

تاں جو تُساں میڈی بادشاہی ءچ میڈے دسترخوان اُتے کھاؤ پِیو بلکہ تُساں تختاں اُتے بہہ تے بنی اِسرائیل دے بارہاں قبیلیاں دا اِنصاف کریسو۔

مُکاشفہ 21:14

اُوں شہر دی چاردیواری دی بنیاد بارہاں پتھراں اُتے قائم ہئی جِنہاں اُتے لیلے دے بارہاں رسُولاں دے ناں لِکھے ہَن۔

کلُسِّیوں 1:24

ہُنڑ مَیں اُنہاں ڈُکھاں دے سببّوں خوش ہاں جیہڑے مَیں تُہاڈی خاطر چیندا پِیا ہاں کیوں جو مَیں مسیح دے بدن یعنی کلیسیا دی خاطر مسیح دیاں مُصیبتاں دی کمی کُوں آپنڑے بدن ءچ پُورا کریندا پِیا ہاں۔

فِلِپّیوں 1:29

کیوں جو تُہاڈے اُتے نہ صرف مسیح اُتے اِیمان گِھن آوݨ دا فضل تھئے بلکہ اُوندی خاطر ڈُکھ سہوݨ دا وی۔

رومیوں 8:30

تے جِنہاں کُوں اُوں پہلے کنُوں مقرر کیتا اُنہاں کُوں سڈیا وی، تے جِنہاں کُوں سڈیا اُنہاں کُوں راستباز وی کھڑایا، تے جِنہاں کُوں راستباز کھڑایا اُنہاں کُوں جلال وی بخشیا۔

1 یُوحنّا 4:17

اِینویں محبت ساڈے ءچ کامِل تھی گئی ہے، تاں جو عدالت دے ڈینہہ ساکُوں دلیری ہووے کیوں جو جِینویں مسیح ہے، اُونویں ای اساں وی اِیں دُنیا ءچ ہیں۔