یُوحنّا 17:20 - کِتاب مُقدّس سرائیکی ترجمہ

²⁰ مَیں صرف اِنہاں کیتے ای درخاست نئیں کریندا بلکہ اُنہاں کیتے وی جیہڑے اُنہاں دے پیغام دے وسیلے نال میڈے اُتے اِیمان گِھن آسن،

یُوحنّا 17:20 Referans Kwoze

اعمال 2:41

بس جِنہاں لوکاں اُوندا کلام قبول کیتا اُنہاں بپتسمہ گِھدا تے اُوں ڈینہہ تقریباً ترے ہزار لوک جماعت ءچ شامل تھی گئے۔

اعمال 4:4

پر کلام سُنڑݨ آلیاں ءچوں بہُوں سارے اِیمان گِھن آئے، اِتُھوں تئیں جو اِیماندار مرداں دی تعداد پنج ہزار تھی گئی۔

اِفِسیوں 4:11

اُوں کُجھ لوکاں کُوں رسُول، کُجھ کُوں نبی، کُجھ کُوں تبلیغ کرݨ آلے تے کُجھ کُوں نگہبان تے کُجھ کُوں اُستاد بنڑایا،

رومیوں 16:26

پر ہُنڑ ظاہر تھی گئے۔ او ازلی خُدا دے حُکم دے مطابق نبیاں دیاں کتاباں دے ذریعے ساریاں قوماں کُوں ڈسایا گِیا ہے تاں جو او اِیمان گِھن آ تے خُدا دے تابع تھی ونجنڑ۔

2 تِیمُتھِیُس 1:2

ایہ خط پیارے پوتر تِیمُتِھیُس دے ناں ہے۔ ساڈے خُدا باپ تے خُداوند یسُوع مسیح دی طرفوں تیکُوں فضل، رحم تے اِطمینان حاصل تھیندا راہوے۔

یُوحنّا 10:16

میڈیاں بیاں وی بھیڈاں ہِن جیہڑیاں اِیں واڑے دیاں نئیں۔ میکُوں ضرور ہے جو مَیں اُنہاں کُوں وی گِھن آواں تے او میڈی اواز سُنڑسن۔ وَل ہِکو اِجڑ تے ہِکو آجڑی ہوسی۔

یُوحنّا 17:19

مَیں آپنڑے آپ کُوں اُنہاں دی خاطر وقف کریندا ہاں تاں جو او وی سچائی دے وسیلے وقف کیتے ونجنڑ۔

یُوحنّا 17:21

تاں جو او سارے ہِک ہووݨ جِینویں باپ، تُوں میڈے ءچ ہیں تے مَیں تیڈے ءچ ہاں۔ مَیں چاہندا ہاں جو او وی ساڈے ءچ ہووݨ تاں جو دُنیا اِیمان گِھن آوے جو تُوں ای میکُوں بھیجے۔