یُوحنّا 17:18 - کِتاب مُقدّس سرائیکی ترجمہ

¹⁸ جِینویں تُوں میکُوں دُنیا ءچ بھیجیا، اُونویں ای مَیں وی اُنہاں کُوں دُنیا ءچ بھیجیا ہے۔

یُوحنّا 17:18 Referans Kwoze

یُوحنّا 20:21

یسُوع اُنہاں کُوں ولا آکھیا، ”تُہاڈی سلامتی ہووے! جِینویں باپ میکُوں بھیجیا ہے، اُونویں ای مَیں تُہاکُوں بھجیندا ہاں۔“

2کُرِنتھِیوں 5:20

اِیں واسطے اساں مسیح دے ایلچی ہیں جِینویں جو خُدا ساڈے ذریعے لوکاں کُوں سمجھیندے۔ تے اساں مسیح دی طرفوں تُہاڈی مِنت کریندے ہیں جو ”خُدا نال صُلح کر گِھنو۔“

یُوحنّا 17:3

تے ہمیشاں دی زندگی ایہ ہے جو او تَیں خُدائے واحد تے برحق کُوں تے یسُوع مسیح کُوں جِینکُوں تُوں بھیجیا ہے، جانڑن۔

یُوحنّا 4:38

مَیں تُہاکُوں اُوں فصل کُوں کپنڑ کیتے بھیجیا جیندے اُتے تُساں محنت نئیں کیتی۔ بئیاں محنت کیتی تے تُساں اُنہاں دی محنت دے پھل ءچ شریک تھئے۔“

متّی 10:5

یسُوع اِنہاں بارہاں کُوں بھیجیا تے اُنہاں کُوں حُکم ڈے تے آکھیا، ”غیر قوماں دو نہ وَنجائے تے سامریاں دے کہیں شہر ءچ داخل نہ تھیوائے۔

اِفِسیوں 3:7

خُدا دے فضل دی برکت دے وسیلے جیہڑی اُوندی قُدرت دے اثر نال میکُوں مِلی، مَیں اِیں خوشخبری دا خادم بنڑیا۔

یُوحنّا 17:23

مَیں اُنہاں ءچ تے تُوں میڈے ءچ تاں جو او کامِل طور تے ہِک تھی ونجنڑ تے دُنیا جاݨ گِھنے جو تُوں ای میکُوں بھیجیا تے جِینویں تُوں میڈے نال محبت رکھی، اُنہاں نال وی محبت رکھی ہے۔

یُوحنّا 17:21

تاں جو او سارے ہِک ہووݨ جِینویں باپ، تُوں میڈے ءچ ہیں تے مَیں تیڈے ءچ ہاں۔ مَیں چاہندا ہاں جو او وی ساڈے ءچ ہووݨ تاں جو دُنیا اِیمان گِھن آوے جو تُوں ای میکُوں بھیجے۔

یُوحنّا 17:8

کیوں جو جیہڑا کلام تَیں میکُوں ڈِتے او مَیں اُنہاں تئیں پُچا ڈِتے تے اُنہاں اُونکُوں قبول کر تے حقیقی طور تے جاݨ گِھدے جو مَیں تیڈی طرفوں آیا ہاں تے او اِیمان گِھن آئے جو تُوں ای میکُوں بھیجیا ہے۔

متّی 23:34

اِیں واسطے ڈیکھو، مَیں نبیاں تے داناواں تے شریعت دے عالماں کُوں تُہاڈے کولھ بھجیندا ہاں۔ تُساں اُنہاں ءچوں کُجھ کُوں قتل تے مصلُوب کریسو تے کُجھ کُوں آپنڑے عبادت خانیاں ءچ کوڑے مریسو، تے ہر شہر ءچ سَتیندے راہسو۔

یُوحنّا 17:25

عادل باپ! دُنیا تاں تیکُوں نئیں جانڑدی پر مَیں تیکُوں جانڑدا ہاں تے اِنہاں بندیاں وی جاݨ گِھدے جو تُوں میکُوں بھیجیا ہے،

یُوحنّا 3:17

کیوں جو خُدا آپنڑے پوتر کُوں دُنیا ءچ اِیں خاطر نئیں بھیجیا جو دُنیا کُوں سزا دا حُکم سُنڑاوے بلکہ اِیں واسطے جو دُنیا اُوندے وسیلے نال نجات پاوے۔