یُوحنّا 17:12 - کِتاب مُقدّس سرائیکی ترجمہ

¹² جئیں تئیں مَیں اُنہاں دے نال ہم، مَیں تیڈے بخشے ہوئے ناں دے وسیلہ نال اُنہاں دی حفاظت کیتی۔ مَیں اُنہاں دی ڈیکھ بھال کیتی تے اُنہاں ءچوں کوئی ہلاک نہ تھیّا سوائے اُوندے جئیں ہلاک تھیونڑا ہا، تاں جو خُدا دا کلام پُورا تھیوے۔

یُوحنّا 17:12 Referans Kwoze

یُوحنّا 18:9

ایہ اُوں اِیں واسطے آکھیا جو اُوندی او گالھ پُوری تھیوے جو ”جِنہاں کُوں تُوں میکُوں ڈِتے مَیں اُنہاں ءچوں کہیں کُوں وی گُم نہ تھیوݨ ڈِتا۔“

یُوحنّا 13:18

مَیں تُساں ساریاں دے بارے ءچ نئیں آدھا۔ جِنہاں کُوں مَیں چُنڑیا ہے مَیں اُنہاں کُوں جانڑدا ہاں۔ پر کلام دی ایہ گالھ پُوری تھیوݨ ضرور ہے جو جیہڑا میڈی روٹی کھاندے اُوہو میڈے اُتے لَت چیندے۔

یُوحنّا 6:37

جِتی لوک باپ میکُوں ڈیندے، او میڈے کولھ آسن تے جیہڑا کوئی میڈے کولھ آسی مَیں اُونکُوں ہرگز نہ کڈھیساں۔

1 یُوحنّا 2:19

ایہ لوک ساڈے ءچوں نِکلے تاں ہِن پر اصل ءچ ساڈے ءچوں نہ ہَن۔ جے ساڈے ءچوں ہوندے تاں ساڈے نال راہندے۔ پر اُنہاں دے نِکل ونجنڑ تُوں ثابت تھی گئے جو او ساڈے ءچوں نہ ہَن۔

اعمال 1:25

جو او رسُول ہووݨ تے اِیں خدمت دی ذمہ داری چاوے جِینکُوں یہُوداہ چھوڑ تے اُوں جاہ چلیا گِیا جیندے او لائق ہا۔“

2تھِسّلُنیکیوں 2:3

تُساں کہیں دے دوکھے ءچ نہ اوائے۔ کیوں جو او ڈینہہ اُوں ویلے تئیں نہ آسی جئیں تئیں خُدا دے خلاف وڈی بغاوت نہ تھی ونجے تے او بدکار ظاہر نہ تھی ونجے جِیندا انجام ہلاکت ہے۔

عبرانیوں 2:13

تے وَل ایہ جو ”مَیں اُوندے اُتے بھروسا رکھیساں۔“ تے ایہ جو ”ڈیکھ مَیں اُنہاں بالاں نال حاضر ہاں جیہڑے خُدا میکُوں ڈِتے ہِن۔“

یُوحنّا 17:6

مَیں تیڈا ناں اُنہاں اُتے ظاہر کیتے جِنہاں کُوں تُوں دُنیا ءچوں چُنڑ تے میکُوں ڈِتے۔ او تیڈے ہَن، تے تُوں اُنہاں کُوں میڈے حوالے کر ڈِتے تے اُنہاں تیڈے کلام اُتے عمل کیتا ہے۔

فِلِپّیوں 2:9

اِیں واسطے خُدا اُونکُوں بہُوں ای اُچا مقام ڈِتا، تے اُونکُوں او ناں بخشیا جیہڑا ہر ناں کنُوں اعلیٰ ہے۔

مُکاشفہ 19:12

اُوندے اکھیں بھاہ دے شعلے وانگُوں ہِن تے اُوندے سر اُتے بہُوں سارے تاج ہِن۔ تے اُوں سوار اُتے ہِک ناں وی لِکھیا ہویا ہے جِینکُوں اُوندے علاوہ بِیا کوئی نئیں جانڑدا۔