یُوحنّا 16:28 - کِتاب مُقدّس سرائیکی ترجمہ

²⁸ مَیں باپ ءچوں نِکل تے دُنیا ءچ آیا ہاں۔ وَل دُنیا تُوں رُخصت تھی تے باپ کولھ ویندا ہاں۔“

یُوحنّا 16:28 Referans Kwoze

یُوحنّا 13:1

عید ِ فسح شروع تھیوݨ آلی ہئی تے یسُوع کُوں معلوم ہا جو اُوندا دُنیا تُوں رُخصت تھی تے باپ کولھ ونجنڑ دا ویلا آ گئے۔ او آپنڑے لوکاں نال جیہڑے دُنیا ءچ ہَن محبت رکھیندا ہا تے آخر تئیں محبت رکھیندا ریہا۔

یُوحنّا 13:3

یسُوع ایہ جاݨ تے جو باپ ساریاں چیزاں میڈے ہتھ ءچ کر ڈِتیاں ہِن، تے مَیں خُدا دے کولُھوں آیا تے خُدا ای دے کولھ واپس ویندا ہاں،

یُوحنّا 8:14

یسُوع جواب ءچ اُنہاں کُوں آکھیا، ”بھانویں مَیں آپ ای آپنڑی گواہی ڈیندا ہاں تاں وَل وی میڈی گواہی سچی ہے کیوں جو مَیں جانڑدا ہاں جو مَیں کِتھوں آیا ہاں تے کِتھاں ویندا ہاں۔ پر تُساں نئیں جانڑدے جو مَیں کِتھوں آندا ہاں یا کِتھاں ویندا ہاں۔

یُوحنّا 16:5

پر ہُنڑ مَیں آپنڑے بھیجنڑ آلے دے کولھ ویندا ہاں تے تُہاڈے ءچوں کوئی میکُوں نئیں پُچھدا جو تُوں کِتھاں ویندیں؟

یُوحنّا 17:5

تے ہُنڑ اے باپ! میکُوں آپنڑے حضُور ءچ جلال ڈے، او جلال جیہڑا مَیں دُنیا دے بنڑݨ کنُوں پہلے تیڈے نال رکھیندا ہم۔

یُوحنّا 16:16

کُجھ دیر بعد تُساں میکُوں نہ ڈیکھسو تے وَل کُجھ دیر بعد ولا میکُوں ڈیکھ گِھنسو۔“

یُوحنّا 14:28

تُساں میڈے کنُوں سُنڑیا ہے جو مَیں ویندا ہاں تے تُہاڈے کولھ ولا آساں۔ جے تُساں میڈے نال محبت کریندے تاں اِیں گالھ تُوں خوش تھیندے جو مَیں باپ دے کولھ ویندا ہاں کیوں جو باپ مَیں کنُوں وڈا ہے۔

لُوقا 24:51

تے جِیں ویلے او برکت ڈیندا پِیا ہا تاں اُنہاں کنُوں اَنج تھی گِیا تے اسمان اُتے چا گِھدا گِیا۔

یُوحنّا 17:13

پر ہُنڑ مَیں تیڈے کولھ آندا ہاں تے مَیں ایہ گالھیں دُنیا ءچ راہندے ہوئے آدھا ہاں تاں جو میڈی ساری خوشی اُنہاں کُوں حاصل تھیوے۔

یُوحنّا 17:11

مَیں اگُوں تُوں دُنیا ءچ نہ راہساں پر او دُنیا ءچ ہِن تے مَیں تیڈے کولھ آندا ہاں۔ قدُّوس باپ! آپنڑے اُوں ناں دے وسیلہ نال جیہڑا تُوں میکُوں بخشیا ہے اُنہاں دی حفاظت کر، تاں جو او ہِک ہووݨ جِینویں اساں ہِک ہیں۔

لُوقا 9:51

جِیں ویلے او ڈینہہ نیڑے آئے جو یسُوع اسمان اُتے چاتا ونجے تاں اُوں پکّے اِرادے نال یروشلیم دا رُخ کیتا،

یُوحنّا 8:42

یسُوع اُنہاں کُوں آکھیا، ”جے خُدا تُہاڈا باپ ہوندا تاں تُساں میڈے نال محبت کریندے، اِیں واسطے جو مَیں خُدا ءچوں نِکلیا تے آیا ہاں۔ مَیں آپنڑی مرضی نال نئیں آیا بلکہ اُوں میکُوں بھیجیا ہے۔

یُوحنّا 16:10

راستبازی دے بارے ءچ اِیں واسطے جو مَیں باپ دے کولھ ویندا ہاں تے تُساں میکُوں ولا نہ ڈیکھسو،

یُوحنّا 16:30

ہُنڑ اساں جاݨ گئے ہیں جو تُساں سبھ کُجھ جانڑدے ہیوے تے اِیندے مُتھاج نئیں جو کوئی تُہاکُوں پُچھے، اِیں سببّوں اساں اِیمان گِھن آئے ہیں جو تُساں خُدا ءچوں نِکلے ہیوے۔“