یُوحنّا 16:23 - کِتاب مُقدّس سرائیکی ترجمہ

²³ اُوں ڈینہہ تُساں میڈے تُوں کُجھ نہ پُچھسو۔ مَیں تُہاکُوں سچ آدھا ہاں جو جے تُساں باپ کنُوں میڈے ناں تُوں کُجھ منگسو تاں او تُہاکُوں ڈیسی۔

یُوحنّا 16:23 Referans Kwoze

یُوحنّا 15:7

جے تُساں میڈے ءچ قائم راہو تے میڈا کلام تُہاڈے دل ءچ قائم راہوے تاں جیہڑا کُجھ منگو او تُہاڈے کیتے تھی ویسی۔

متّی 21:22

تے جیہڑا کُجھ تُساں دُعا ءچ اِیمان نال منگسو او تُہاکُوں مِلسی۔“

متّی 7:7

منگسو تاں تُہاکُوں ڈِتا ویسی۔ گولھیسو تاں مِلسی۔ دَر کھڑکیسو تاں تُہاڈے کیتے کھولیا ویسی۔

یُوحنّا 16:26

اُوں ڈینہہ تُساں میڈے ناں تُوں منگسو تے میکُوں تُہاڈے کیتے باپ کُوں درخاست کرݨ دی ضرورت نہ ہوسی۔

یُوحنّا 14:20

اُوں ڈینہہ تُساں جاݨ گِھنسو جو مَیں آپنڑے باپ ءچ ہاں تے تُساں میڈے ءچ ہیوے تے مَیں تُہاڈے ءچ۔

اِفِسیوں 2:18

تے ہُنڑ اساں مسیح دے ذریعے ہِکو رُوح القُدس ءچ باپ دے حضُور آ سگدے ہیں۔

1 یُوحنّا 2:1

میڈے بالو! مَیں تُہاکُوں ایہ گالھیں اِیں واسطے لِکھدا پِیاں ہاں جو تُساں گُناہ نہ کرو۔ پر جے کوئی گُناہ کرے تاں خُدا باپ دے حضُور ءچ ساڈی سفارش کرݨ آلا ہِک موجود ہے یعنی یسُوع مسیح جیہڑا راستباز ہے۔

یُوحنّا 14:5

توما اُونکُوں آکھیا، ”مالک! اساں نئیں جانڑدے جو تُساں کِتھاں ویندے ہیوے، وَل راہ کِینویں جانڑوں؟“

یُوحنّا 16:19

یسُوع ڈِٹھا جو او مَیں کنُوں پُچھنڑ چاہندے ہِن، تاں اُنہاں کُوں آکھیا، ”کیا تُساں آپس ءچ میڈی اِیں گالھ دے بارے ءچ پُچھدے پئے ہیوے جو کُجھ دیر بعد تُساں میکُوں نہ ڈیکھسو تے کُجھ دیر بعد ولا میکُوں ڈیکھ گِھنسو؟

یُوحنّا 16:30

ہُنڑ اساں جاݨ گئے ہیں جو تُساں سبھ کُجھ جانڑدے ہیوے تے اِیندے مُتھاج نئیں جو کوئی تُہاکُوں پُچھے، اِیں سببّوں اساں اِیمان گِھن آئے ہیں جو تُساں خُدا ءچوں نِکلے ہیوے۔“

یُوحنّا 14:22

وَل اُوں یہُوداہ جیہڑا اِسکریُوتی نہ ہا اُونکُوں آکھیا، ”مالک! کیا وجہ ہے جو تُساں آپنڑے آپ کُوں ساڈے اُتے تاں ظاہر کریسو پر دُنیا اُتے نئیں؟“